逃學威龍

维基语录,自由的名人名言录
跳到导航 跳到搜索

逃學威龍是1991年香港拍攝的喜劇電影,周星馳主演。

台詞[编辑]

周星星[编辑]

  • 仲有乜事冇啊?以後冇乜事,唔好叫我上嚟吖嘛。冇前途,真係。

黃小龜(黃一山飾)[编辑]

  • 星哥,你仲犀利過李小龍呀!星哥,使唔使擦鞋呀?

化學老師(曾近榮飾)[编辑]

  • 真冇記性。

對話[编辑]

仲係噉青靚白淨[编辑]

周星星(周星馳飾):Good morning, Sir! 周星星報到!
局長(黃炳耀飾):真係抵死,啊!仲係咁青靚白淨啊?轉個圈畀阿Sir睇下?唔使怕醜嘅,嚟啊!嚟啊!
(周星星照辦)
局長:情不自禁!真係唔好意思啊。想唔想扎啊?
周星星:我唔想做鴨啊,Sir。
局長:我問你想唔想扎啊!
周星星:我係唔會做鴨嘅,Sir!
局長:九唔搭八!我問你想唔想升級啊!
周星星:……想!但係我係唔會出賣自己嘅貞操,Sir!
局長:邊個要你嘅貞操啫!我要你嘅青春啊!
周星星:青春對於我嚟講同貞操一樣咁重要,Sir!
局長:得嘞得嘞,我知道嘞。你聽我講埋先啊!


一支善良嘅槍[编辑]

周星星:失槍嘅事件經常有發生嘅,Sir。
局長:但係嗰支係我嘅槍。
周星星:我真係戥你心碎。
局長:你知就好啦。嗰支搶跟咗我三十幾年,一槍都未開過,只係有時愛來撓痕嘅啫。唉!講起上嚟,都有啲痕,嚟啊,同我撓下佢。
周星星:背脊吓嘛?
局長:係!佢係一支善良嘅槍。
周星星:槍都有善良?
局長:我支槍本性係善良嘅嘛!最怕就係落喺啲壞學生嘅手上,嗰陣時就會濫殺無辜,塗炭生靈嘞。
周星星:放心啦Sir,我實行耖起成間學校,直到搵到支失槍為止。
局長:唉!耖得起仲使搵你咩?我就嚟退休嘅嘞嘛,而家至唔見咗支槍,畀人知道啊,我仲使見人嘅?唉!所以而家我想搵你呢,混入嗰間學校度……
周星星:Sir,教書,我冇乜信心嘅。
局長:冇人叫你扮教師,扮學生啫!
周星星:扮學生?!我當年就係因為最憎讀書,所以先加入警隊啫,我唔可以扮學生啊。Sir,你噉樣做,就即係等於帶我上去一個充滿毒蛇猛獸嘅火山口上,唔理我嘅哭叫,唔理我嘅哀嚎,狠狠地,毫無憐憫地,將我用腳一伸,伸落去火紅嘅岩漿裡頭。你噉做又於心何忍呢?
局長:噉咪好囉,等你活得豐富,死得精彩。你唔使講嘅喇,吟詩都吟唔甩嘅喇。嗱,呢度就有個call機表,你戴住佢,見到666,即係我call你。唔,仲有,講多次Good morning Sir畀我聽下。
周星星:Good~~ mor~ning~~ Sir~
局長:唔,噉就啱喇。記住唔好畀人知啊,咪一鑊熟㗎!


凌空飛起嘅鉸剪腳[编辑]

局長:呢啲三角關係我唔識㗎!
周星星:嘩,你初初叫我接呢單case嘅時候,態度唔係噉嘅。
曹達華(吳孟達飾):唔係啊,佢不嫐都係……
局長:我不嫐都係噉嘅,你聽到佢講啦!當初好聲好氣係氹你入局嘅啫!
曹達華:哎,頭啊頭啊,不如睇下出便啲師兄邊個識做,入嚟幫幫手,做好佢啊。
局長:你都白痴嘅!噉咪即係揚曬出去?(篤周星星嘅頭)你啊,我話畀你聽啊,快啲搞掂佢啊,如果唔係,我用鉸剪腳嚟夾爆你個頭。
周星星:乜,乜腳話?
局長:凌空飛起嗰挺鉸剪腳,一夾夾爆你個頭啊,鉸剪腳啊!驚未?
周星星:好驚啊。

餅印[编辑]

訓導主任(秦沛飾):喂喂,達叔,周星星真係你個仔?
曹達華(忍笑不住):(對周星星)你高級過我,你講喇。
訓導主任:周星星,你講啊。……你哋唔好笑,你講啊。
周星星:係,係啊,係啊。
曹達華:啊,係,係,失禮,失禮。
地理老師(苑瓊丹飾):我一早就估到啦,你睇佢哋啊,成個餅印噉樣啊!
周星星:唔係吖嘛,餅印?
眾人:佢老竇?
訓導主任:喂喂喂喂,唔係,嗱,呢度呢,你就姓曹,佢就姓周,噉點解啊?
曹達華:唔知呢,(對周星星)點解啊?
周星星(示意曹達華回答):This is an order!
曹達華:Eh,出世嗰陣,我啊改咗佢做曹星星嘅,後尾佢就唔知點解,自己改做周星星。(對周星星)噉答得唔得啊?
周星星:That'r right!
曹達華:主任,冇乜嘢,我哋返出去喇。

鐵砂掌[编辑]

局長:信唔信我一嘢鐵砂掌打爆你個頭吖嗱?
周星星:信!
曹達華:信,信!阿頭正話個掌都好有型啊!
周星星:係啊,係啊。
局長:入咗學兩個月一啲頭緒都冇?話畀我知你做過啲乜嘢嚟!
曹達華:講啊!
周星星:我嘅做法呢,就係首先同啲老師同埋學生溝通咗先。
曹達華:溝緊嘅喇,溝緊嘅喇。
局長:我話知你溝又好,通又好啦!總之一個月之內你要交返支槍出嚟!如果唔係兩個都要燉冬菇!
曹達華:我無所謂啊,我天生賤格,不求上進。
局長:我調你去守邊界啊!
曹達華:好啊好啊,多謝多謝!
局長:Hnggg!
周星星:阿頭你唔好咁衝動啊,你嘅鐵砂掌咁厲害,我哋經已好驚嘅嘞,係嘛?
曹達華:係啊係啊,好驚好驚!
周星星:請收返埋只鐵砂掌先吶。我一定盡快幫你搞掂。


Wikipedia-logo.png
维基百科中的相关条目: