黎明

维基语录,自由的名人名言录
跳到导航 跳到搜索

黎明,BBS,MH(Leon Lai Ming,1966年12月11日-),出生於北京市,四歲來港定居,是香港的知名歌手及演員。

語錄[编辑]

人生哲理[编辑]

  • 坎坷過後有艇搭。[1]
  • 要贏人,先要贏自己。[2][3][4][5]
  • 核心外圍是核心內圍。[6][7]
  • 戰勝自己缺點,繼續努力。[8][9]
  • 做人做事,踏實好過疊水。[10]
  • 命運安排屬於邊個就邊個。[11]
  • 明人不做暗事,暗處有狗咬腳。
  • 我豁達,所以我不介意別人說我不豁達。
  • 信心應該放在自己心裡,不應經常掛在口邊。[12]
  • 每個人都應該珍惜機會,如果唔係就絕對空虛。
  • 我可以很快地渡過不開心的日子就很開心了,因為人不可能每天都開心。
  • 不要理別人怎樣看,反正無論你是好人還是賤人,都會有人覺得你是賤人。
  • 計不到的,就用猜的,猜一猜最壞有多壞,如果最壞也不是太壞的話,GO。
  • 坦然面對生活中那些不可改變的事情,努力付出去改變那些你可以改變的事情。
  • 很多事情可遇不可求,通常有目的有意識去做都不會成功,反而隨意去做可能有意外之喜。[13]
  • 同時間競賽,會輸雙倍時間,同時間拍拖,會無輸無贏,真正的贏,是我們都忘記了時間。
  • 我做人的宗旨是黑白分明,沒有灰色地帶,《梅蘭芳》我很白,《十月圍城》我很黑,剛好配搭。
  • 我的人生觀是:待人接物,忍得一時是一時,如果別人對我有要求,只要可以做得到的,我都樂意試一試。
  • 生存在世,最幸福的是可以尋求到解决難題的方法;最遺憾的是用盡了方法都解决不了問題,所以我每天生活在幸福與遺憾中。
  • 當你有一輛保時捷的時候,千萬不要去想自己失去它的日子,因為當你真得失去它的時候,一定有另一個辦法讓你可以生存下去。
  • 在決定一件事情之前,應該深思熟慮才做。一旦做了,即使結果是負的,你只可以當它是日後決策的參考。你沒有必要對自己說對不起!
  • 每個人命裏都有贏有輸,無論贏得漂亮、輸得漂亮都係好好的經驗。最緊要心夠堅定,相信自己可以完完整整行完自己要行的路,咁就得啦![14][15]
  • 借錢如送禮,還錢如乞米。這個世界上有些東西是天意,緣分安排,有的朋友幫你,有些累你,令你自己害自己。大家明白未!面對人際間的財務糾紛,借金錢予朋友往往很難要人還。

個人生活[编辑]

  • 我是不會空肚吃早餐。[16][17][18][19]
  • 我在北京出生,經常用普通話講話方式講廣東話,才會造成誤會。[20]
  • 我會和爸爸,及所有的好朋友回到小時候住過的地方,聞一聞那些猪油味,然後輕談淡酌,慢慢度過生命中最後一個小時。[21]
  • (那個三七分界髮型)其實當年我去英國讀書時已經是這樣,這個是我的習慣,如果魚柳包裏面的魚柳變了就不是魚柳包,我變和髮型變是兩回事 ,不過我個人都是希望不變,除非真的很需要。[22]
  • 我響英國讀書時,試過有同學畀支大麻我,我唔要,因為啲錢係爸爸供我讀書嘅,我覺得就算真係要食嘅話,都等將來賺到錢先買。[23]
  • 我的工人跟了我十多年,我一直有住家飯吃的,而且他的廚藝一流,樓上樓下的工人都會來向他請教廚藝。有年我想食泰國春卷及青咖喱等食物,就請了工人去泰國旅行,叫他學煮,他回來後一早便很巴閉地煮了青咖喱來叫我試吃,但味道真的跟我之前在泰國吃的一模九樣,九成相似呀﹗
  • 希望各界支持Leon的朋友選擇自己願意意做的善事,不好勉强自己,如果認為不值得,就証明你同它有緣無份。就不需要做,因為我們沒有欠下任何人,我們只希望能够做點好事,幫助有需要的人!
  • 不少人抽到好簽,四肢健全,智力正常,但應該關懷不幸抽到下下簽的人。
  • 當一枝花變成一枝花(一枝枝)的時候,係咪就變成一枝梗(莖)呢?[24]
  • 戀愛就好似打遊戲機咁,每個人都會過關,打爆機,明白個遊戲點玩,但係到你爆機時,你已經魂歸天國。
  • 愛情似香檳,開始時有好多汽,飲後會high,可是香檳汽太多,不宜多飲。
  • 愛情是屬於個人,不必和別人分享!愛情似香檳,開始時有好多汽,飲後會high。
  • 原則會取締默契,默契會產生更多議題,通常呢啲議題係唔愉快,所以我唔答![25]
  • 我不是不交代,你們要接受我性格。地球有很多不同的人,有不同的生存方法,這個就是我。多謝![26]
  • 多謝大家!我已經講了三次多謝,再講就好虛偽。[27]
  • 有無機會拍拖,同見鬼一樣,都係要講緣分嘅。
  • 結了就婚(分),注了就冊(撤),喝了就酒(走)。[28]
  • 女仔喊有一半係假,只要存在呢個諗法就唔會產生不必要的同情,唔會做錯事,總之我識分。咁易被嗲到的男人就係耳仔軟,男仔耳仔軟有一半都係假的!
  • 只要心中有愛,天天都是情人節。
  • 所有的美德都可以偽裝,只有修養是内在的。[29]
  • 呢件事唔可以用嬲形容,嬲係一個表情,要用一個行動和態度去面對。[30]
  • 攝影記者就好似我爸爸,文字記者就係媽媽,成日催我幾時生,反而真正嘅父母就冇問過,呢啲自然嘅嘢,自然流程有就會有。[31]
  • 遇到結婚便結,遇不到便等待,社會設施完善,有養老院,只要健康,人生並不恐怖。當然有老婆的要珍惜,老婆也不要老虎上身。這是我的人生,不能因一個人改變人生,你等得就等,否則我都可以陪你傾偈的……結果婆婆再沒催我結婚。
  • 大家都知點解八卦雜誌咁好賣,喺度都有咁多八婆,女人唔八就唔係女人。(大家都明白為何娛樂雜誌會好此的好銷量,這麼多好打聽的女人就在這兒,女人不好打聽就不是女人。)
  • 小時候逛街會踩釘,吃飯盒又會有蟑螂,吃菜又有毛毛虫,我擔心自身安全多些。[32]
  • 有法例之前,都試過醉駕,我飲咗酒揸車叻過平時。
  • 我係正常男人,Nicam意思是我唔係單的,哈哈!
  • 我有說話要講,你又叫我講兩句,即係你講先定我講先。我諗感情事係過去式來的,過去式來講永遠係屬於兩個人,無嘢可以再講。[33]
  • 大雨、細雨有不同感覺,可以抗衡自己體能,面對挑戰,我自己會揀落雨跑步,太陽留番去沙灘曬。[34]
  • 今日我係一個大使嘅身分,所以你問私人問題,你可以行去果邊等(手指右邊)。如果我願意行過黎,咁即係我性格改變咗啦!
  • 第67排名的智商意思系(係)你order佢做一件好simple的指令!佢可能一次都做唔到比(畀)你。[35]
  • 我錯與對都是勇於承擔的人,我從來都不怕感情的事情。[36]
  • 自己不是這種人,公布才嚇親人,有的話,呃不到人,講什麼都沒有用,做啦!let's do it!

演藝工作[编辑]

  • 得到歌迷支持我好高興,但我未必要討好佢哋!
  • 當一個藝人覺得自己好有魅力的時候,其實佢已經喪失魅力!
  • 男人的魅力來自工作,男人一旦退休離開工作,就是已經喪失魅力。[37]
  • 我覺得玩風帆同做人一樣,要能屈能伸;同娛樂圈的事業一樣,有起有跌!
  • 左手又係肉,手心又係肉。[38][39][40]
  • 你們不要當我們是老虎,我們是人類,可以握手做朋友。[41]
  • 挑戰產生樂趣。[42]
  • 希望TVB快啲拍番多啲戲,咁我就唔使去做啦。
  • 我都鍾意影相,會帶來好多回憶,不過影相要有道德,影啲應該影嘅。
  • 欣賞我同鍾意我嘅人咪心動,唔鍾意都唔好動火。
  • 如果畀我製造浪漫,我想有一個魔法,可以變走晒啲記者。
  • 男人,醜,沒罪,沒有才華才有罪。有外表、又有才華,還要保障自己的上進心,累積實力,才能保持男人的身價。
  • 我都講過好多次,如果職業是一名特工,但暴露了身分就不可以再做特工了![43]
  • 我清唱《對不起我愛你》,但係後面係有音樂嘅。
  • 衞蘭肥過部電單車。[44]
  • 當華仔同你講我愛你,你會好開心,當佢唔記得講我愛你,你會好傷心,但記得飲一杯《忘情水》。
  • 一時又話我金句王,一時又話黎先知,唔知答邊樣好。[45]
  • 作了這張專輯,付了很多錢,可是,唱了這些歌,我還沒有聽到錢的聲音。
  • 每個人的生活方式不同,好似在一個武林一樣。有捕頭緝拿壞人歸案,亦有捕頭與壞人同流合污。[46]
  • 勇氣呢,就係做一啲平時唔習慣做嘅嘢,但一定要挑戰,挑戰產生樂趣。
  • 知唔知Leon點解突然跳起舞上嚟呢?一係我食咗感冒藥、二係我一直想坐低、三係自然。[47]
  • 在這個世界上不存在天王,所有演員都是地球人。[48]
  • 支持和被踩只有一綫之差,但是我就算被踩,也要做隻堅強的螞蟻。
  • (我們四個只想)唱好歌,不想當一哥。
  • 只有一個方法,就係唔好去諗有咩方法,繼續做,你做到之後就會知道係用咗咩方法!要convince到觀眾,一定要令觀眾唔覺得你喺度convince緊佢。[49]
  • 左手打右手,右手唔痛咩。[50]
  • 飲酒要有酒品,影相要有相品。
  • 最近好多豬流感,創作就係咁,係要有─靈感。
  • 我倒模做咗個新耳機,左耳刻「Le」,右耳刻「on」,確保唔會錯,而家入面把聲肥咗好多。
  • 導演找我演戲,我總不能說:「導演,我要做李小龍」,但我可以做好黎明,這就足夠了。[51]
  • 假如沒有分析就覺得人家貶你,是因為不想接受多一點自己不知道的事情。
  • 如果記者提問題沒禮貌,藝人就沒禮貌回答,記者想出位,藝人不應該縱容。
  • 我用專業答你,演員最驚被人問三個問題:第一個是票房信心,票房我控制不到;第二個問我做得好不好,戲不是做給自己睇的;第三個是問拍戲趣事,拍戲是好認真的事,點會有趣事![52]
  • 我一出世就準備做好地球人,啱就發生,無就不要介意,我做好地球人、做好手上工作。
  • 好喎,對到的話我可以退位做『銀』或『銅』句王。
  • 有啲雜誌寫我同其他人連體嬰,但其實『連體嬰』係一啲不幸嘅事,咁記者用啲殘酷嘅形容詞,係操守有問題。
  • 人能選,我就不是黎明。[53]
  • 有緣會睇到,冇緣既話之後都會睇到。[54]
  • 其實呢個宗旨我從來無揸住過,我揸住嘅宗旨係『做好自己唔好理人』,地球唔會因為我而冇咗地心吸力升咗我上天嘅。[55]
  • 有幾多人喺8號晚嚟過?記唔記得當晚台上Leon講過咩?好喇!今日講下自己感受,同大家分享下。今日我睇蘋果集團網上新聞,講Leon、講特首、大爆金句,又講同樂基兒造人經過及搞嘢,令觀眾一頭霧水,都唔知點收科。我知有新聞自由,但我都有言論自由,因為我係讀者,有冇問過讀者想唔想睇?係唔係真?唔係真,即係強迫,強迫非法男女行為,即係強姦,對於我嚟講,我一定要捍衛我嘅貞操,所以我做咗手機平台loop,以後加少少現場報道,有真實性俾大家對比下。[56]
  • 唔會為難,你想聽真定係假?原則上我會講你聽最真實嘅說話,你想我輕輕喺你旁邊講,定係講俾全場知?但你等我問你一個問題先,你信我,定係信傳媒?[57]
  • 唔準備就係最好嘅準備喇![58]
  • 只不過睇你八字啱時辰到,只要無畀人無端端踩兩腳已經好好,無得避。總之無呃觀眾,無對唔住同行,無違背自己良心就足夠。
  • 講野就唔影相,閃光閃到眼睛,(影響)節奏同嘴部嘅控制。(面向相機)真係講唔到野。
  • 第一次第二次第三次同第四次,冇咗之後返嚟第一次,冇都唔緊要,最緊要係香港娛樂圈一份子。[59]
  • 我反應較慢,我差不多到大家都不玩時才開始玩facebook,有好處,對手較少。[60][61]
  • 我跳咗線,但我無離題。[62][63]
  • 跳舞一定會跳,不跳的話太過分,但今次舞蹈不用排練,思想不會跟自己有反差,因為排舞老師正是我,要班舞蹈員跟我跳,我就不會跟他們跳,那排舞老師的錢又可以放在製作費上。(慳了一筆?)不是,只是花在合理的地方,今次是為我榮譽,要做一個有感情的木頭人,不可以做一個冷血的木頭,起碼有感情。你不動的話,大家會覺得你是冷血,所以要做少少,又不會只得一首歌跳舞,有幾首,不然怎去證明我的實力?[64]
  • 冇諗過開棟篤笑,亦冇諗過寫金句!其實我諗唔係金句,我諗本身可能我北京出生,咁喺北京出世嘅小朋友,大家喺胡同裏面、四合院裏面,好多小朋友說話入面都好多文句式去反映第二個意思,習慣咗嘅時候有呢個基因,變咗嚟咗香港,可能潛台詞有呢個基因,其實有好多一句句子裏面有第二個意思嘅,會加強咗明白嘅,亦都有時咁樣可能我自己性格直接,但我返到北京啲人話我講嘢太直,有好有唔好,其實在乎你邊度出世,環境好在乎影響你嘅吸收力,而吸收力變咗做人講嘢方法同理論呀、思想呀,影像表達未必明,但個意思應該喺度嘅,如果完全唔明,你哋都唔會認為係乜句物句啦![65]
  • 我們每一個人都是來地球的游客!讓上天分配我們在地球上生活於不同區域,有幸遇到你們是我的幸運。[66]
  • 大家成日會遇到好多問題,佢就會同自己講,會嘗試KEEP住微笑,雖然心入面成日同自己講,要KEEP住微笑,KEEP住微笑,但有時真係好難笑得出,但都係要叫自己KEEP住微笑。[67]
  • 拍真人騷要在高處進行時,現場有人大叫「Leon加油!」他覺得叫加油就好似叫Leon去死!提議大家下次應叫「Leon Good Luck!」之後講到觀眾要求握手,即發表握手論﹕「握手唔難,但什麼場合握手好難決定……」他考慮安全問題,選擇心靈上同大家握手﹕「你睇住我,我睇住你,記住呢一刻!」
  • 參加內地真人騷時被指﹕「你好萌!」即是cute(可愛),但萌字後面加個「叔」字即「萌叔」。不過被稱叔伯不要介意,因為大家都是地球的遊客,早晚都會離開。
  • 廣東話粗口有啲難聽……特別情况下你無法解釋自己,就加個字落去,應該無人會怪你。
  • 好多內地朋友廣東話好叻,聽得明,但好多時同事跟他們講普通話,反而聽不明,不如講番廣東話好過!
  • 許多時有些事想去問,但無問,有時不問時答案好過開口去問,剛剛又想到一些事,但還是不講了,都已過去了,亦無得返轉頭,不要問了,總之要珍惜別糾纏。
  • 我都有極限,唔會強迫自己講嘢,強迫自己講嘢連自己都唔信,咁做乜要講?[68]
  • 叫我加油,即係睇住我死,下次應該叫good luck。
  • 握手係一件好難決定嘅事,我只能用心去握手,但如果有任何意外嘅話,後面嘅觀眾就會因為握手而犧牲,我哋喺心靈上握緊手,我見到你,你見到我。
  • 後生時一定會衝動,可能嗌完交會將一係踢門啦,一係個頭撞向牆角,是但一樣架咋...或自己匿埋一角,乜野人都有。
  • 社會既建設係好完善既,唔駛擔心,okay?只要你勤力做野,係有養老院呀,政府係會okay既,無問題既。
  • 有機會畀阿媽哦嘅話,可以先dup停佢先。[69]
  • 緣份不能強求,有緣既話我地會好快再見,但我好相信我地係有緣份既。
  • Good luck to you, good luck to everyone,good luck to you, good luck to everyone,good luck to Hong Kong, good luck to all over world。
  • 現在很多年輕演員長得很帥,演戲演技一般、唱歌也一般,其實我當年是一般,到現在也是一般,唯一替他們不值的就是,因為他們生不逢時,假如他們早20年出生,今天已經是天王了。現在我還要繼續唱歌、演戲,當觀眾看我演電影時想聽我唱歌,聽我唱歌的時候,他們整天擔心我會跑調,說真的,我也很擔心觀眾朋友會跑掉。[70]
  • 你贏不了,但也不能輸到底。[71]

其他語錄[编辑]

  • 你諗下人食咗狗糧會點?[72][73]
  • 自然先有流暢結局,冇話捧唔捧,唔可以忘記愛因斯坦相對論。
  • 大家內心世界是一樣的,不論樣貌好的,或不好的,都有不良因素,所以大家要上學念書。[74]
  • 香港是城市,唔係德國,無希特拉,無必要牽涉香港政府投資,即使要,亦要視乎你要求幾多。
  • 香港優勢其實係細,但係犯咗錯都可以好快矯正,做得唔夠好或者唔好,容易調較到,最緊要個腦比較開放啲,接受大世界成個齒輪點行。如果接唔到,細都有好處,可以慢慢改,唔會咁易俾人發現。[75]

相關評價[编辑]

  • 黎明表示,他在北京出生,習慣了當地人的說話方式,在香港說話時把普通話的文法,混合了廣東話的文法,被傳媒誤以為他在說「金句」,其實他是在談理論。[76][77]

註解與參考資料[编辑]

  1. 李珮洳. 黎明:坎坷過後有艇搭. 蘋果日報. 2008年8月28日 (中文). 
  2. 出處:1997年黎明在電訊公司廣告中的對白。
  3. 1998年6月24日,黎明對於前公司為自己推出兩張精選專輯,夾擊自己推出的新專輯,表示「要贏人,先要贏自己,還要贏兩個自己」。
  4. 2008年12月21日,黎明為自己的新專輯舉行發佈會,被問到自己的新專輯銷量是否有信心超越其徒弟衛蘭時笑說:「要赢别人,先要赢自己公司的人」。
  5. 黎明不怕貨比貨挑戰愛將. 新浪娛樂. 2008年12月22日 (中文). 
  6. 黎明解釋:核心,可以看到它的外圍,但外圍裏面一定有內圍,如果內圍裏面還有小核心,在外邊鑽個洞去看的時候,依然會看到外圍,取決於那個核內有多少個「核核」,而洐生多少個外圍和內圍。
  7. 金句王現身 首度解說核心內外圍之謎. 蘋果日報. 2016年3月16日 (中文). 
  8. 2007年,黎明於衛蘭的演唱會上對衛蘭作出指點時所發表的語錄。
  9. 衛蘭肉射紅館. 東方日報. 2007年3月31日 (中文). 
  10. 「疊水」是指擁有大量金錢,與「水頭充足」同義。
  11. 黎明出席光良的音樂會時,所坐的椅子搖晃不定,光良主動跟黎明調換椅子時黎明的回應。
  12. 1999年1月22日,黎明在《勁歌金曲》節目綵排時,被問及有沒有信心獲獎。
  13. 1998年10月10日,獲選十大傑出青年後,回應將來是否準備獲取勛銜。
  14. 黎明於2014年擔任鄭秀文演唱會嘉賓時所發表的言論
  15. 黎明做Sammi嘉賓拉裙 被封體貼金句王. 明報. 2014年12月28日 (中文). 
  16. 杜汶澤接受吳君如訪問時表示,有一天黎明跟他說今天的早餐很難消化,還說:「早餐空肚吃就最麻煩」。
  17. 阿澤爆「空肚食早餐」出處. 太陽報. 2009年9月10日 (中文). 
  18. 黎明解釋:他每天早上習慣先喝暖水或先吃維他命丸,然後才吃早餐,所以不是空肚吃早餐。
  19. 黎明妙解空肚食早餐. 蘋果日報. 2011年10月14日 (中文). 
  20. 黎明被傳媒問為何經常講金句,黎明笑著解釋。
  21. 黎明回答假如生命只剩下一小時會想做什麼。
  22. 黎明被記者會司儀問他為何多年未有改變過髮型的回應。
  23. 黎明出席禁毒活動時在台上的發言。
  24. 黎明於2006年被問及是否堅持四十歲前不結婚。
  25. 問到黎明是否渴望有小朋友,與女友樂基兒是否已有默契時所作的回應。
  26. 回應有關是否已與女友結婚。
  27. 被追問是否也囑咐女友不要回應。
  28. 黎明談論對婚姻看法。
  29. 2000年9月被問及對女性的看法。
  30. 黎明早前不斷被周刊指他婚變,又指他自編自導自演把他與太太樂基兒在北京蹺手的相上載微博,他終於面對香港傳媒怒斥報道荒謬。
  31. 黎明於2011年演唱會發表的言論
  32. 傳聞黎明新居被偷拍,被問及會否覺得不安全。
  33. 問到他與樂基兒離婚一事。
  34. 黎明為「聯合國兒童基金會慈善跑2012」參賽者打氣。
  35. 黎明親解67倍智商之謎. 東方日報. 2016年1月27日 (中文). 
  36. 黎明與樂基兒離婚后,繼續投入工作,為第4季《中國達人秀》節目擔任評審。與製作單位討論節目細節時,製作單位要求他“承擔”歌唱部分的評審,他突然爆出金句。
  37. 黎明被問及會否退休時之發言。
  38. 全文:左手又係肉, 手心又係肉,獎就只係得一個,得冠軍同季軍,唔知點決定。
  39. 意思︰左手和手心都是肉做的,顯示出決擇的不容易。
  40. 黎明在此引用了粵語諺語「手心又係肉,手背又係肉」(同義諺語為「掌心掌背都是肉」),但是錯誤地混用了能形成對比效果的左右手。
  41. 黎明回應記者問有否覺得與張學友「一山不能藏二虎」時有感而發。
  42. 出自2006年參予翡翠歌星賀台慶與劉德華合作之訪問。
  43. 黎明被記者追問關於衛詩意圖復出一事的回應。
  44. 原文:我不會鼓勵話鍾意她肥,但亦從來沒有嫌棄過她肥。作為朋友,在適當時候,我會婉轉地跟她說,正如6、7年前,我和她合作拍個綿羊仔廣告,當時她肥過部綿羊仔,那怎跟客人交代,所以我就跟她說﹕『你體型肥過部綿羊仔。』她一聽就明。
  45. 記者問今日未有金句時,黎明回應:「今日用先知取代金句。
  46. 黎明評價娛樂圈。
  47. 黎明在一拉闊演唱會中之發言。
  48. 黎明在電影十月圍城北京首映禮時發言。
  49. Janice Man怕戲時連吃十多次NG,向黎明請教。
  50. 黎明談論公司有內鬼。
  51. 黎明在北京出席電影《雙雄》記者招待會時的言論。
  52. 黎明被問及對電影票房有否信心時之回答。
  53. 黎明在《鴻門宴》片中飾演劉邦,他坦言演這個角色並不是他的選擇。
  54. 2011年黎明在演唱會發表的言論。
  55. 2011年黎明在演唱會發表的言論。
  56. 2011年黎明在演唱會發表的言論。
  57. 2011年黎明在演唱會邀請了兩位fans上台玩遊戲,讓兩人發問,其中一位來自深圳的fans表示,想問黎明一個尷尬的問題。
  58. 記者問李治廷會唔會向 Leon請教演戲前有乜準備,李治廷再補充話:「佢話演戲最重要做自己,用番自己感受去出發,咁先有自己風格。」
  59. 黎明被問到第二年擔任香港影視娛樂博覽大使的感覺
  60. 2016年2月29日黎明於香港影視娛樂博覽發表的言論。
  61. 馬建華. 黎明爆肚:我跳線 累方健儀狂兜. 蘋果日報. 2016年3月1日 (中文). 
  62. 2016年2月29日黎明於香港影視娛樂博覽發表的言論。
  63. 黎明又嚟料:我跳咗線,但我無離題. 蘋果日報. 2016年2月29日 (中文). 
  64. 黎明4D騷自度舞蹈 「要做有感情木頭人」. 明報. 2016年3月16日 (中文). 
  65. 黎明正能量阻輕生勸學生瞓醒至算. 東方日報. 2016年3月16日 (中文). 
  66. 黎明於社交網站發表的言論。
  67. 黎明情深說話盡情講. 東方日報. 2016年4月29日 (中文). 
  68. 重溫黎明精彩金句 好難笑得出都要keep住笑. 明報. 2016年5月8日 (中文). 
  69. 核心外圍塞爆數千人 黎明「Good Luck」字海完騷. 東方日報. 2016年5月8日 (中文). 
  70. 黎明又爆金句寸年輕演員得個樣:演技一般、唱歌也一般. 蘋果日報. 2016年12月12日 (中文). 
  71. 1998年5月黎明接受香港商業電台《樂人谷》訪問時發表的言論。
  72. 原文:K仔(毒品一種)係強烈麻醉藥,係用嚟麻醉大笨象,唔係俾人食,你諗下,人食咗狗糧會點?
  73. 黎明於禁毒節目中以狗糧比喻毒品。
  74. 黎明於電影《鴻門宴》官網啟動儀式暨主題曲揭曉發佈會上主持人問到他如何演出居心叵測的劉邦。
  75. 被爆戀23歲「翻版樂基兒」 黎明現身風騷笑不停. 蘋果日報. 2014年2月17日 (中文). 
  76. 黎明唔覺金句好笑:我在談理論 (中文) 明報 (2016年3月15日) -
  77. 黎明反感被嗌金句王:有看不起的感覺 (中文) 東方日報 (2016年5月26日) -
Wikipedia-logo.png
维基百科中的相关条目: