棟篤神探

維基語錄,自由的名人名言錄

棟篤神探》是一部2004年無綫電視劇集。

語錄[編輯]

  • 莫作棟:(口頭禪) 唔使騰,No Problem!
  • (第一集 專門店偷竊案)莫作棟:若要人不知,唔好太低B。
  • [神秘情人謀殺案]莫作棟:(對李慧慧說)「劈、毆、插、打、搣」裡面,當然「搣」係最輕,妳會唔會⋯⋯唔覺意,一時之間用力過頭一搣…就搣死左佢(上司Simon)呢?
  • [教主操控少女賣淫案]莫作棟:你有幾可見到釋迦牟尼同人講數,大家拆掂佢啦,拆唔掂大家攬住一齊阿彌陀佛啦!
  • 莫作棟:唔怪得法國餐都可以變自助餐,原來係唔諗住埋單。
  • [「君士坦丁堡的血淚」案]莫作棟:所謂紅顏禍水,一般女人嘅美貌,好多時會為佢帶嚟一啲麻煩;一個頂級嘅紅顏(意指名模Mia),當然會為大家帶嚟頂唔順嘅麻煩。
  • [「君士坦丁堡的血淚」案]莫作棟:(對李慧慧說)我唔相信詛咒可以殺人,除非你近距離對住嗰個人詛咒佢三日三夜:「你實死㗎,咁多人死又唔見你死?」
  • [「君士坦丁堡的血淚」案]莫作棟:為咗證實我嘅推論,我就學啲西片咁⋯⋯我Set一個局,I set you up!
  • [「君士坦丁堡的血淚」案]莫作棟:(對索瑪莉說)一個完美嘅淫婦,必需要唔似一個淫婦,你咁高貴完全唔似一個淫婦,所以你係一個完美嘅淫婦!
  • 莫作棟:正所謂「越大隻越抵錫」!
  • 莫作棟:(對李慧慧說)你報恩不遂咁嘅樣喎!莫作棟:(對李慧慧說)我唔同啲女人爭(的士),都唔好比啲女人搶啩?
  • 莫作棟:有阿娘照顧,仲要爭住照顧自己,天譴呀!
  • 莫作棟:名劍風流,大劍下流。(大劍指余大劍)
  • 莫作棟:(對李慧慧說)你啲女人有(戀情)又嫌,冇又煩!抑或你驚自己係⋯(唱起歌來)極度容易受傷的女人!
  • 莫作棟:(對李慧慧說)係公事上嘅立場上係多餘,係愛情嘅立場上係偉大。鐵達尼聽到都沉呀!
  • 莫作棟:講真呀,個包真係唔係難食。即係你唔會話一舊石頭難食㗎嘛,因為你唔應該去食佢,係咪?
  • 莫作棟:你check我呀?你識我第一日已經係咁樣㗎啦,我係一隻冇雀⋯冇腳既雀仔。
  • 莫作棟:每一個上司都係冇料㗎喎,如果唔係就唔使請下屬啦。做下屬就係幫啲上司做曬佢地唔識做嘅嘢。
  • 莫作棟:我EQ高睇得通吖嘛!
  • 莫作棟:比份糧你,一半係要嚟做嘢嘅;一半就係比你要嚟受氣。
  • 莫作棟:睇你個樣,都係要搵個碼頭泊,搞掂佢咁就一了百了。
  • 莫作棟:呢個故事教訓你,做嘢可以唔做,千祈唔好駁嘴。
  • 莫作棟:你話呢,如果充軍係充去夏威夷呢,我幾時充都唔介意。
  • 莫作棟:我唔扮人妖憑乜嘢上報紙頭條啊?
  • 莫作棟:正所謂,老婆Friend;啦啦聲。跟著佢,會有幸福咩?
  • 莫作棟:上帝真係大整蠱,越係好味道嘅嘢食,通常越是無益。
  • 莫作棟:我叫莫作棟,莫探員呀。我鍾意玩兇手嘅,你玩我?
  • 莫作棟:我哋玩完喇。呀!唔係,你玩完咗我喇!
  • 莫作棟:真陰公呀,窮成咁,一隻橙要兩個人食。
  • 莫作棟:受害人李慧慧,依家唔係事必要你講,最好咩嘢都唔好講,點下頭就得㗎喇。
  • 莫作棟:(對李慧慧說)你願唔願意娶我,照顧我一世呀?(莫作棟求婚宣言)
  • [神秘情人謀殺案]莫作棟、史高拔、索瑪莉:
    • 莫作棟:(調查此案)真係可謂困難重重,但係我仍然「契」而不捨⋯⋯
    • 史高拔:「揭」而不捨。
    • 索瑪莉:係鍥(正音:舌)而不捨啊!
    • 莫作棟:我仍然「Cli」而不捨,排除萬難,開始我嘅垃圾行動,但係為咗咁,我付出咗沉重嘅代價。⋯⋯⋯
  • 李慧慧:我時運高,乜嘢都睇唔到睇唔到,聽唔到。(李慧慧在暗中知道下屬暗中說她壞話時的自我安慰話)
  • 李慧慧:扯哮仲去學人當差,無鬼用㗎你!(李慧慧在第一集指責莫作棟在捉色魔期間哮喘病發而不能捉色魔)
  • 李慧慧:(對詹霑說)就好似乳鴿咁,一隻死咗啦,咁另一隻就隨時生無可戀,咁就一齊死喇喎。咁就齊齊攤咗喺度。咁呢呢D就叫做真正嘅鍾意,就即係至死不渝。(李慧慧在第16集向詹霑暗示他們沒有結果)
  • 李慧慧:我老細不在乎我俾唔俾人姦,只在乎我交唔交到單。
  • 李慧慧:人形脂肪共同體。(第20集李慧慧罵胖女人)
  • 李慧慧:我鍾意嘅男人可以同佢一齊係無拘無束嘅,鍾意做D咩就做D咩嘢。即係只要我鍾意嘅,無錢又好,樣衰衰又好啦,食嘢唔比錢、送人又冇車揸,我都覺得好!
  • 李慧慧:EQ高,我EQ高。(李慧慧在第22集被羅密歐責罵時的自我安慰話)

[「君士坦丁堡的血淚」案]

  • 史高拔:經過我仔細嘅推敲,真兇已經呼之欲出,個兇手就係啱啱比我地捉到呢位⋯ 係呢,你貴姓呀?
  • 史高拔:(對莫作棟說)真係睇就無所謂呀,但我點知你係咪…gay㗎?!
  • 史高拔:動人的殺機。(將「殺人動機」講錯)
  • 史高拔:芝士蛋漢堡的血淚。/五香肉丁的血淚。(將高級珠寶「君士坦丁堡的血淚」名稱講錯)
  • 史高拔:(對陳偉強說)我係史高拔,但係我唔係害死你老婆嘅嗰個史高拔。嗰個史高拔呢就神高神大,我呢就「沒有六尺高」。佢就係神槍手,我呢就除咗練靶嗰時,一槍都冇發過。(史高拔在16集被連環殺人兇手陳偉強挾持)


  • 詹霑:(對名模Mia說)You are not my cup of tea.(你唔係我嗰杯茶!(意思是指:你不是我心儀的人))
  • 詹霑:問世間情是何物,令到我死唔斷氣。(詹霑在17集為李慧慧於中槍醒後在醫院對她說)


  • 羅密歐:哈哈哈唏![保險團隊阿菠蘿宣傳口號]
  • 羅密歐:你們今天打飛機來香港?(用普通話讀)(意思為:你們今天坐飛機來香港嗎?)
  • 羅密歐:莫探員,我真係冇殺人呀,你要我講幾多次先知呀。咁我真係次次都冇殺人吖嘛!
  • 羅密歐:李慧慧,我就要等你試嚇由99樓跌落一樓嘅滋味。
  • 羅密歐:李慧慧你好嘢呀,唔係你心腸歹毒,夾埋條仔嚟屈我,我會搞成今時今日咁?!
  • [「君士坦丁堡的血淚」案]吳少岳(曾為疑兇):(對羅密歐說)其實你都係一個幾好嘅衰人嚟嘅!

相關連結[編輯]

維基百科中的相關條目: