龍力蓮
龍力蓮是香港電視劇《愛·回家之開心速遞》內的女角色，劇中多被稱為「大小姐」，由林淑敏飾演。
語錄[編輯]
- 第115集：
- 「蕭公子追追下我，轉軚同賈名媛一齊吖嘛！」
- 「個個男人都係咁架，講野就模稜兩可，做人又三心兩意！」
- 2017年09月12日（第146集）：《無情最是帝王家》
- 「但係一日未簽約，一日都可能有變數㗎！」
- 「放心啦爸爸，呢個Project我會親自跟緊啲！」
- 「吖，力士啊，我幾時咁好彩做咗你個榜樣呀？你咁樣講我真係好受寵若驚呀，細佬！」
- 「夠啦！唔好跳啦！好淫蕩呀！」
- 「不務正業，洗女人錢！你呀爸會好傷心㗎！」
- 「威龍百貨聽執笠！」、「公道自在人心㗎！」
- 「喂！影好啲呀！影得唔好我唯你是問㗎嚇！」
- 「龍敢威你咁衰，我就要寫衰你！」
- 「你呢一個不分輕重、（剩係）識重男輕女，你係老懵懂！」
- 「無所事事龍力士！」
- 「既然我飲到咁醉，點解你唔直接送我返屋企？點解你要送我上酒店房？你有乜嘢企圖？」
- 2017年11月10日（第189集）：《中女的市場》
- 「你無嘢呀？我幾時有話過要對象呀？」
- 「曹總呀嘛？我諗有啲野我地要傾清楚囉！」
- 「不如咁吖！你繼續鍾意熊若水吖！吓！」
- 「係呀！我啲脾氣好臭㗎！」
- 「佢自己呢就走去識埋曬嗰啲二十歲嘅妹妹仔，三十歲都嫌人地老呀！但我係佢個女嚟㗎！佢竟然感覺得我個Market係啱啲五十歲以上嘅老男人呀！咁樣公平咩？離曬譜㗎！」
- 「曹總呀，呢個係我男朋友Michael。」
- 「有無搞錯呀？點解會搵宋瑞輝做我男朋友架？嗰個Michael呢？」
- 「緊係啦！佢以前做邊行先得㗎！最叻就冧女呀！」
- 第195集：
- 「原來你真係死咗嚟呢度！」
- 「返工走嚟蛇王，你仲要我親自落嚟捉你，哈你都幾大牌㗎喎！」
- 「我教女又關你哋乜野事呢？」
- 「我係唔會畀任何人任何事影響到爸爸對我嘅睇法㗎！將來接管接龍集團嘅人，都一定係我！」
- 2017年12月21日（第218集）：《秦博思VS龍力蓮》
- 「你辜負咗我嘅信任，欺騙咗我同情心！」
- 第235集：《魔女之誕生》
- 「我要成為全世界都聽我話嘅女人！」
- 第245集：《大小姐的金石良言》
- 「有要求咁都合理吖！你哋呀…點解咁唔尊重林師奶嘅意願呀？人地話要個四筒櫃，你地咪保留返人地個四筒櫃囉！點解係都要迫人地用新嘢嘅？」
- 「咁林師奶唔中意，咪就係有問題囉！」
- 「唔駛錢又點呀？而家間劏房係你住定人地住呀？你覺得唔駛錢人哋就一定要接受㗎喇咩？你地呀，覺得自己喺度幫緊人，人哋要一定要畀你哋幫呀？係唔係因為唔駛錢，就唔可以有自己嘅要求？唔可以有自己嘅意願呀？唔！」
- 「人有尊嚴㗎！有要求有幾出奇呀？如果我龍力蓮將來就算乞食呀，都唔係話係你俾乜嘢我我都要食㗎，我都一樣可以揀食邊個垃圾桶嘅垃圾！」
- 「我就算企喺度撩鼻屎呀，都可以撩出個５毫子呀！」
- 第260集：《愛鬥大》
- 「我要比大家知道，我龍力蓮先至係公司嘅未來，先至係真正嘅龍的傳人！」
- 「你地亂咁派大利是，咁咪搞亂曬啲秩序囉？做壞規矩㗎！」
- 第261集：
- 「淫賤、可恥！」
- 「呢啲都係俗世人膚淺嘅睇法呀！作為新時代嘅女性，其實我係好欣賞你對愛情嘅積極同勇敢㗎！」
- 「邊個要鬧你啊？我叫你上嚟係想鼓勵你呀！我想比你知道，喺呢一個世界上面，仲有人係明白你㗎！你知唔知呀？曾經有一段時間，我都好想有衝動去影啲較激嘅相去送比一個人，所以我絕對明白你嗰種求愛嘅心情㗎！」
- 「因為愛一個人係無錯㗎！」
- 「若水呀，抬起頭！鍾意一個人係無錯㗎！望咪望囉！」
- 「你要堅強啲，硬起心腸！咁先至可以克服以前嘅傷害架嘛！明唔明呀？」
- （對著龔燁）「咁你而家明啦！你咁唔尊重女同事，我唔想將來再有女同事受到傷害，所以我以後只會派一啲，同你一樣咁口臭嘅男同事黎幫你！」
- 「我無誤會！仲有呀！你個Project，我一啲都唔滿意，重做啦！」
- 第269集：《最強小三》
- 當龍力蓮知道其秘書林美香與秦博思的感情受金芊芊影響，借意致電林美香的手機：
- 「救命呀！Mandy！你去咗邊呀？」（其後掛斷電話）
- 當林美香返回辦公室時，龍力蓮辦公桌上放滿食物：
- 龍力蓮：「返嚟喇？」（林美香眼見食物感疑惑問：「呢啲嘢食？」）「北海道直送㗎！一齊食吖！芊芊請㗎！」
- 林美香不明所以地問：「大小姐，你頭先唔先唔係嗌救命，叫我返嚟㗎咩？」
- 龍力蓮：「我係救你命啊！我費事你喺速熊運輸失禮人呀！」「傻女呀！你點同金芊芊鬥呀？人地係拉鏈大王千金呀！你係邊個呀？就算我困埋去呀，我都未必有十足勝算啦！更何況你？」
- 林美香問：「大小姐呀，連你都覺得我比唔上佢呀？」
- 龍力蓮：「點比呀？人地就青春無敵，你就三張（30歲）都嚟緊嘞！人地係兩個碩士呀，你？你兩個high dip（高級文憑）乍！人地爸爸係拉鏈大王，你爸爸又係邊個吖？唉，算嘞！唔好計身家同學歷，你就總係有嘢會贏到人嘅！」（林美香追問：「係乜嘢呀？」）「三個字，「未諗到」呀！」
- 龍力蓮質疑：「其實我真係唔明，嗰個秦博思究竟前世做咗啲乜嘢好事呀！其實你同佢一齊，我已經覺得佢係好高攀你㗎喇！而家佢仲氹到我爸爸要收佢做契仔，遲啲仲有機會會成為拉鏈大王個女婿！啊，咁有手段嘅人，真係唔可以睇小呀！」
- 林美香感到不忿，龍力蓮再分析：
- 龍力蓮：「你唔好咁天真啦！唔好話我唔教精你呀，要做長勝將軍呢就唔可以打無把握嘅仗！你同芊芊比？未跑已經輸咗喺起跑線喇！我係你呀，我就扯白旗投降算啦！」
- 林美香聽罷後，表示：「大小姐呀，我想請兩日假。」
- 龍力蓮：「諗通喇，係咪？請兩日假療下傷都好嘅！嗱，你請兩日吖嘛，我俾多兩日你，四日呢就足以令你忘記個送貨仔架嘞！（簽發放假信）囉去啦！點呀？四日假諗住去邊散心呀？唔？」
- 當林美香收到放假信後，表示「我邊度都唔會去！我會留喺秦博思身邊作戰到底！我要守護屬於我嘅男朋友，多謝你呀大小姐！」
- 龍力蓮認為林美香冥還不靈，叱駕林美香：「呀！我豈有此理吖！我講咗咁耐，你都唔明嘅！」林美香已奪門而去。
- 當龍力蓮知道其秘書林美香與秦博思的感情受金芊芊影響，借意致電林美香的手機：
- 第270集：
- 龍力蓮：（在街上把玩手提電話）「《十個令他愛上你的方法》？唓，無聊！不過無聊嘢睇下都無壞吖！」
- 熊若水：「大小姐，睇路呀！」
- 熊樹仁：「行路玩電話，分分鐘撲到你變龍力柿餅呀！」
- 龍力蓮：「你地兩個儍架？夠膽咁同我講嘢？」
- 林美香：「大小姐呀，佢地都係為你好啫！安全第一吖嘛！不如我幫你拎住部電話，返到去先俾返你吖！」
- 2018年03月09日（第273集）：《大龍生為奴記》
- 「緊係喇！我俾一切最好Nikita㗎！每一餐我都俾A5和牛佢食，仲有呀佢要飲阿爾卑斯山天然礦泉水㗎！我搵專人同佢梳毛、剪指甲。你知唔知啊？我怕佢出街無禮貌呀，我定時都會帶佢上儀態班，所以佢嘅毛色、體態，同埋內涵都係完美㗎，爸爸！」
- 《嬤嬤鳳爪》
- 當龍力蓮得知眾人希望品嘗嬤嬤鳳爪而相贈時：「一路賞花，一路歎Sake，再加埋嬤嬤鳳瓜，件事會唔會更加浪漫呀？「（普通話）大家好，我龍力蓮好；龍力蓮好，大家更好！」嗱，總之呢㗳真啲味道，㗳到有幾好食話比我知喇！」
- 當龍力蓮發現眾人未有食用鳳爪時：「我豈有此理，你地一啲都唔尊重我㗎！將我賞賜嘅嬤嬤鳳瓜隨便咁樣送比人？咦？點解兩樽嘅編號一樣嘅？你地講到咁想㗳，點解好似成樽無郁過㗎？（眾人推說等送水輝才吃）唔駛、唔駛，只要你地再有好表現，我會再賞賜架嘛！嚟吖，而家一人一隻，早食早享受！嫌棄咩？好唔好食呀？仲唔食？Mandy呀，打電話叫龔燁落嚟尋寶圖，叫佢試下真正嘅嬤嬤鳳瓜係乜野味道嘅！鐵面陳，同我掉左樽翻版佢。」
- 當龍力蓮被告知產品內因發現假牙被檢控時：「呢啲傳聞呀我一早就聽過㗎啦！佢地話嗰啲無骨鳳瓜呀係用口倫㗎！咦！所以呢，我就將人哋送比我個啲嬤嬤鳳瓜，轉送比尋寶圖個班蠢人囉！外面街買到個啲無骨鳳瓜呀邊信得過㗎！要食嘅，就梗係食佳叔整㗎啦！自己人，有保證吖嘛！豪仔呀，同我要多盒鳳瓜，拎走。」
- 《愛在我心口難開》
- 「林美香，原來你真係喺呢度，我仲叫Andy去機場搵你，原來你為咗個送貨仔留低呀？」
- 「我而家就係唔想Mandy去讀書呀，所以先叫Andy去機場截佢之嘛！懵盛盛咁樣，你地緊係無睇今日新聞啦！」（大小姐死敵賈名媛被其秘書指控襲擊被警方拘捕）「Hillary實在係太識法律喇，先至會搞成咁㗎啫，所以呢請秘書就唔好請個咁醒嘅，要請好似你咁係蠢嘅，但做嘢OK，咁就得㗎喇！」
- 「你呀，以後醒定定呀，唔好駁嘴呀！好好咁做好你份工呀，知唔知呀？我教女呀，手指都好攰㗎！買杯咖啡比我，然後快啲返上嚟做嘢喇！」
- 2018年04月05日（第292集）：《初戀無限Feel》（拍攝地點：西環卑路乍灣巴士總站對出海傍）
- 送水輝：「原來你係踩Roller高手嚟嘅！」
- 大小姐：「咁係因為你教得好吖嘛，牛頭角輝Dee！」（送水輝：「講呢啲！」）
- 大小姐：「好Na呀？但係傷口唔消毒會有細菌㗎，你忍一忍啦！」
- 送水輝：「其實你咁強勢，你真係想好似龍小蓮咁，渴望嗰種怕怕醜醜，成日都俾男朋友關心你，呵護你嘅愛情咩？」
- 大小姐：「我強勢係被迫出嚟㗎！爸爸話呀，做龍家嘅大家閨秀，一定要出類拔萃，上流社會嘅玩意一定要樣樣精通，所以…溜冰啦、劍擊、騎馬、芭蕾舞、豎琴甚至潛水，我樣樣都叻、樣樣都識！我就係為咗要得到爸爸嘅肯定。」
- 送水輝：「所以你成長嘅過程一定係好痛苦，好唔開心喇！」
- 大小姐：「你知唔知點解，我好想做一個乜都唔識嘅龍小蓮呀？中學嗰陣，我係連續三屆嘅校際花式溜冰比賽冠軍，所以無男仔會約我去溜冰架！每一次我去到溜冰場上，我就自己一個人喺個角落頭度，望住我啲女同學俾啲男仔一個一個拖出去學溜冰，跌跌踫踫咁，我覺得佢地真係好開心㗎！佢地就係喺我面前，開始一段段…又無聊…又幼稚嘅感情。」
- 送水輝：「但你就羨慕佢地？」
- 大小姐：「直頭妒忌啦！你知唔知我點解為左破壞我班男仔嘅高大形像，我就喺嗰班女同學面前挑戰佢地！（跟住呢）結果我一踏入溜冰埸，將舞蹈結合溜冰，先嚟一個騰空花式360度轉體，呀！呀！」（大小姐幾乎滑倒在地上，送水輝抱腰撐扶，兩人四目交投，大小姐閉眼期待接吻，但送水輝未有表示。）
- 送水輝：「大小姐，今日嘅時間已經夠！多謝你用我嘅服務。」
- 大小姐：「咁快？我要加鐘呀！」
- 送水輝：「唔得呀，今日我要去接Philip仔！要走喇！」
- 大小姐：「但係你好似有啲野仲未做喎！」
- 送水輝：「係喎！（大小姐期待送水輝親吻，而送水輝拿出「初戀無限Feel」會員卡）呢個係你嘅會員卡，每次使用我服務，都會盦返一個印仔，而今日就盦兩個，有無問題？」
- 送水輝：「大小姐，多謝你享用我服務，再見！」
- 2018年05月11日（第318集）：
- 「你哋一個二個點做人阿媽㗎？喺細路仔面前講埋曬啲咁嘅嘢！無腦㗎？就係你地呢啲咁嘅阿媽呀教壞曬啲小朋友！攪到佢地細細個就學你哋咁樣笑人哋無阿媽，咁但係其實無阿媽又點呢？我細細個一樣都無左阿媽呀！但係我有爸爸，所以我從來都唔覺得自己同人哋有啲乜野唔一樣！」
- 2018年05月16日（第321集）：
- 「呵！焗死我喇！（宋瑞輝：大小姐你好人好者…做乜嘢要做女色魔啫？）喂！你唔好誤會呀！我唔係你地講嘅傳聞中休息室嗰個女色魔呀嚇！咁公司範圍唔可以裸睡㗎嘛！上次豹叔喺男廁度唔著衫我都差啲炒咗佢，你知㗎！咁我咪嚟捉人囉！（宋瑞輝：真係咁簡單？）唔係你以為我好飢渴呀？（宋瑞輝：咁就好喇！我幾驚我個「初戀套餐」滿足唔到你呀！）如果真係滿足唔到，你會點補償呀？係喇！係喇！著返件衫啦，凍親喇！公司嚟㗎！唔…無下次呀嚇！再嚟，我出Warning Letter㗎喇！」
- 「鐵面陳！乜而家保安部好得閑咩？嚇！執到條頭髮咁多嘢講嘅？受乜嘢害呀？就係你哋呢啲咁嘅男人呀！俾人掂嚇個膊頭就好似無咗忽肉咁！搞到人心惶惶，小事化大！總之呢件事唔好再查落去喇！」
- 2018年05月28日（第329集）：《初戀無限Loop》
- 「啲格子一用曬，『龍小蓮』就會喺呢個世上消失，『牛頭角輝Dee』就唔會再存在，我哋就玩完㗎喇！」
- 2018年06月11日（第339集）：《人生從此不一樣》
- 龍力蓮：「如果Philip仔可以讀到呢一間名校嘅話，佢嘅人生就會遠遠咁超越佢而家嘅同學。」，「你根本就係為咗搵錢多過緊張Philip仔嘅將來！」
- 宋瑞輝：（批評龍力蓮）「你永遠剩係活喺你自己個世界入面，我知我窮呀，所以我咪喺度打工囉！」
- 2018年06月12日（第340集）：
- 「係得一個人可以有咁多張飛！乜原來Jenny唔係叫雷珍妮，係叫『雷黃牛』呀！」
- 「唔，所有證據都證明，啲飛係比Jenny扣起曬，哈，佢益地雷集團，我明！但點解要炒黃牛呢？唔通佢唔夠錢洗？哼！哼！哼！咁睇嚟唔單止隻牛證「打靶」呀，連佢都要拉出去打靶呀！」
- 「大家同我聽住，一陣間嗰個人嚟搵群姐交收，Rebecca、楊洋，即刻衝出走捉住佢，若水，你負責用手機拍低成個過程！Good！睇嚟呢隻肥牛今次插翼都難飛呀！」
- 「細佬呀，你做乜著成咁，喺度交收呀？以後Jenny叫你做乜嘢你都可唔可以唔好做呀！」
- 「雷珍妮，你夠膽搞我細佬？哼！我豈有此理吖！無你符吖嗱！哈密瓜（手袋）全球限量得20個嘛！有錢都買唔到吖嘛！我就要踩爛佢！你睇下我龍力蓮！」
- 「大家同我聽住，今次炒黃牛飛呢件事到此為止，你地邊個都唔好再追究落去，邊個都唔准再提起，特別係我細佬個名，知道未呀！如果你哋識做嘅話，我唔會待薄你地嘅！」
- 2018年06月12日（第342集）：《有心無力士》
- （幻想在道場上對龍力士說）「『大被同蓮』係我！『孤枕獨蓮』都係我！哈！哈！哈！你個小學學位係買返嚟㗎？我個名已經比曬貼士㗎喇！係你太蠢估唔到啫！哈！哈！哈！哈！今次佢地仲唔死？仲唔幫到Terry報仇？」
- （初戀冰室內）「Terry，你而家同龍力士好熟咩？仲乜嘢要多謝佢呀？佢會幫你？點幫呀？佢會咁好死？做大事，一定要鐵石心腸嘅！不過力士都過咗好多有用嘅料畀我嘅！」
- 「（雷珍妮）同我鬥？下世都未夠班呀！」
- 2018年09月20日：
- 「小你個頭！我唔想再見到你呀！你同我走！」
- 2019年07月24日（第628集）：《公主出走記》（下）
- 「宋瑞輝係我男朋友，我希望你可以成全我哋！」
- 2021年12月27日（第1460集）：《完美不完美的婚禮》（中）
- 「其實兩個人真心相愛，簡簡單單喺埋一齊咪好囉！搞乜嘢婚禮吖？咁大場大龍鳳！攞苦嚟辛！」
- 2021年12月28日（第1461集）：《完美不完美的婚禮》（下）
- 「宋瑞輝呀，你呢一世都飛唔出我手指罅㗎喇！篤！……」
- 2021年12月29日（第1462集）:《分手要狠》
- 「你真係百厭呀！我真係豈有此理！原來成件事都係你（龍璟風）自導自編自演嘅！哦，你為咗佢（貝拉群）真係好花功夫喎！」
- 「唔，我唔炒佢（貝拉群），但我罰你（龍璟風），嚟緊呢一個月你都要留喺尋寶圖實體店，一個月內唔准返接龍！」
- 「我係費事佢同群姐喺同一個地方做嘢呀，一陣又唔知搞啲乜嘢出嚟！」
- （吳家聰：「原來你哋兩個（宋瑞輝、龍璟風）都鍾意『煲老藕』！」）「我聽到呀！我大阿輝幾年之嘛！我唔係『老藕』，我係佢配偶！」
- 2022年04月03日（第1553集）：《初戀套餐再現》
- 「與其我一屍兩命，一係就畀我食西瓜落咗佢啦！」
連結[編輯]
