大時代

维基语录,自由的名人名言录

大時代香港無線電視在1992年拍攝的四十集電視劇,由韋家輝監製。大時代造就了大量經典對白,其中多出自丁蟹口中。

對白[编辑]

(以下對白採用粵語讀音)

陳萬賢[编辑]

集數 對象 對白
1 英國商人 Please bear in mind that all of us have more money than you, you know, white-skin pig!(請記得我們在座多位都比你更有錢!清不清楚?白皮豬!)
I'm telling you, you're the one to leave this game. Do you hear me, you nuts!(我跟你說,要離開這個遊戲的人是你們!聽到了嗎?你們瘋了!)
2 方進新 我冇咁嘅權,但我有咁嘅勢。
我就係皇帝!朕即天下,喜歡點就點!啱路嘅就大家一齊玩,唔啱路嘅躝屍趷路!
衰仔,你聽日唔好番工啊!放大假去青山(精神病院)呀!衰仔!
15 職員 可惜呢度係香港呀,話知佢喺華爾街會飛啦,喺呢樹要企都企唔穩呀!我玩股票嗰陣,佢啜緊奶咀咋!
陳滔滔 快D離開香港,呢度你唔夠我玩!
你想我死吖嘛,我都冇理由望你發達!
今次你輸咗呢,你聽返去美國批薯仔啦!
如果我輸咗呢,我倒轉頭叫你做老竇呀,野仔!
18 o靚仔,同我玩?你未夠班呀!
你玩完喇,我要你輸剩條底褲返美國!
同我玩?不自量力!
你夠薑嘅即管試o下,我要你輸到連底褲都冇埋返美國!
19 陳滔滔及其下屬 我係呀,我乜都唔知呀,咬我呀?
Frankie 你咩人呀你,你咁樣同我講嘢?
陳滔滔及其下屬 哼!你班友仔,沙沙滾,負負碌碌,睇你玩得幾耐吖?
今日一隻二隻,鹽蛇就扮大鱷,你早抖呀!
廉政公署調查員 請我返去飲咖啡呀嘛?啱吖,我啱啱就想飲!
陳滔滔 你呀,虎毒不吃兒,調返轉頭而家你仔食老竇!
34 丁蟹 你D仔呀一隻二隻碌木嚟㗎!
唔識股票學人玩股票,結果咪俾股票玩返轉頭啦!
買股票嘢唔使識嘅,幾多股票大亨夠識啦,玩股票損手爛腳,連命都冇埋呀!
幾多街市婆呀是但攞隻嚟買都發咗達啦!
未買過唔緊要,只要夠運呀,盲拳都會打死老師父啦!
股票之道在於人棄我取,當大家買跌嘅時候呢,你一定要買升!
你幾時見過成村人呀,買股票會發嘅啫?來來去去咪得幾個人!
咁就證明大多數人嘅意見呢,就未必係啱嘅!
有賭未為輸亦未為贏,邊個知聽日事啫,o下話?
我再送你八字真言:咁多人死,唔見你死?
35 老襯當旺,人就見得多喇,未曾見過一個咁想佢死嘅人,正一吊靴鬼!
正瘟神,撞啱佢呢冇瓣掂嘅!
趁地腍!
我係呢度嘅皇帝,我係呢度嘅上帝!

丁蟹[编辑]

集數 對象 對白
1 方進新 細路仔做錯嘢就要鬧,做啱就要贊(當得悉丁孝蟹為弟弟而偷東西而被方進新質疑)
丁孝蟹 進新叔點對唔住你老豆,佢始終係你老豆嘅好朋友,打佢即係打我!(當方進新說丁蟹「痴線」而丁孝蟹企圖用摺櫈襲擊方進新)
四蟹 跳呀,冚家剷!
自己 人善被人欺,馬善被人騎(被羅慧玲姨丈趕走後)
2 方進新 三十年朋友,三十年朋友你咁對我?
3 方進新 你搶我女朋友!炒我老母!打我!搵人撻我!三十年朋友!…三十年!三十年朋友!…
5 方進新 你俾D心機記住佢先得㗎,學到係你自己嘅,唔係益我㗎。
你今次咁樣呀,都仲能夠呀救得番呢,都算係菩薩慈悲,俾多個做人嘅機會俾你㗎嘞。你以後真係要呀洗心革面,浪子回頭至好呀。(被丁蟹打傻要住院後)
羅慧玲 玲,你對我仲有感情㗎?我至怕你話對我無感覺咋!我幾驚呀!
22 羅慧玲 生無可戀甘為鬼!
23 情之為物,生死相許
24 自己 香港地呢個花花世界,真係好容易令人變晒質!
27 四蟹 我向法庭申請自辯,到判果日你哋就知道老豆啱得幾緊要呀!
28 方婷 嗱-我有冇同你講?我果晚有冇同你講?我話你老豆被我打死左唔重要。重要嘅係點解我會出嚟講呢句嘅。
羅慧玲 玲,你不殺伯仁,伯仁因你而死。方進新係死係你嘅妒忌。
律師 淫人妻女笑呵呵,妻女人淫意若何?
香港地係咩地方呀,點解個個都利字當頭?都冇晒人性㗎!
29 方展博 你老竇呀表面上係正直咋喎,其實佢骨子裡都唔知幾奸幾壞呀!
自己 總之我做咩我實對得住天地良心,我問心無愧!
拘留所警察 點解佢 (方敏) 揀喺放榜之前嘅一日跳呢?點解呀?佢係俾香港填鴨性嘅教育迫死呀!
我打死人,但係冇做錯。
陪審圑及法官大人 道義放兩旁,利字擺中間。
我呢支雙節棍並唔壞,亦唔殘忍!直至到我落喺一個女人,羅慧玲嘅手上面。
我而家就好似一個企喺懸崖邊嘅人,只要你哋係咁二篤一篤,咁呢個人就會跌落懸崖,粉身碎骨!
呢件事的重點唔係我有冇殺人,而係浪子回頭金不换。
四蟹 點解你哋唔一早撳住老豆吖,唔好畀我自辯吖嘛!你哋一個二個撓埋雙手睇住我死嘅!
31 自己 如果中國真係有神仙嘅,中國就唔會咁窮啦!
腦癌發作,帶動血癌又發作!
方進新 你諗o下,咁多朋友之中呀,有邊個及得我對你咁好吖?(拜祭方進新時,對他說的話)
正所謂路遙之馬力,日久見人心。個天都唔知係咪專登等你早啲死嚟證明,你嘅朋友之中剩係得我對你最忠心最好㗎!(拜祭方進新時,對他說的話)
不過個天要咁樣嚟點醒你,又未免殘忍D嘅!(拜祭方進新時,對他說的話)
33 羅慧玲 估唔倒後生果陣時,博命挨,努力咁樣賺錢,辛苦半世都搵唔倒一個仙!哈哈,依家老咗,唔使擔,唔使抬,唔使做添呀!哦!咁就成幾千萬身家真係--唉!行起運上嚟,真係唔到你唔信㗎!
34 陳萬賢 試問世界上邊一個老竇唔關心自己D仔呀?真係可憐天下父母心呀!
自己 今次真係咁多人死,唔見我死呀!
35 趁地腍,掘個窿,甕埋佢。
36 傻女呀,你係真係鍾意進新,你早D話俾我知吖!
做人要輸得起,唔衰得畀人睇架!唔好衰畀人睇!(字幕為不要丟人現眼)
律師 可原諒自衛錯手使他人長眠。
法官 法官大人,我唔認罪。
自己 人善人欺天不欺,人惡人怕天不怕。
殺人放火金腰帶,修橋補路冇屍骸。
丁孝蟹 黑社會有好人有壞人,你耍群D好人唔好群D壞人!(字幕為你要跟好人,不要跟壞人)
點解個天(老天爺)唔開眼?

方進新[编辑]

集數 對象 對白
1 英國商人 OK,DAMN YOU!(好,去你的!)
2 陳萬賢 你要做皇帝,我就嚟革你嘅命!
3 陳萬賢 你話俾我聽吖嘛,你話同路嘅一齊,唔同路嘅就躝屍趷路吖嘛,我唔想咁快就躝屍趷路。
5 報紙檔工頭才哥 俾次機會老細。俾次機會,老細…我俾人打壞個頭,我死蠢,我知手腳慢,我需要份工,搵…搵錢養家。我女朋友同我無名無分,每…每日兩份工,佢…佢要養我同四個仔女。我…我…男…男人…好難過!俾次機會老細!…俾!俾!…呢個…今日做得唔好,唔要;聽日做得唔好,唔要;做得好,你俾人工我!俾次機會老細!…俾次機會老細!…老細!

方展博[编辑]

集數 對象 對白
1、40 自己 (親眼目擊五蟹跳樓情景時說)一隻…兩隻…三隻…第四隻,仲爭隻丁蟹
6 方家 阿爸…阿爸…阿爸死咗喇
7 何賤 我唔係話掛住屋企以前有錢呀,但我永遠唔可以忘記,你個仔上嚟打死我老竇!
羅慧玲 人點解要咁長命喎?好似狗咁咪好囉,十零歲就死!捱極都仲唔夠鐘,瞓極都仲要醒!
8 丁益蟹 還咩還,你靠咩還,還到你成個X家剷都還唔晒!
16 自己 我方展博要發達,我方展博要做億萬富豪……(重覆地說)
23 丁蟹 我爸爸啱啱學識綁鞋帶,啱啱學識返屋企,啱啱有返些少希望啫,你就再返上嚟打死咗佢。口口聲聲話三十年嘅老友,喂,你打死你個老友兩次喎...
29 丁蟹 好彩呀,俾你錫親都冇好結果㗎!
嘩!你真係男人大丈夫,你真係頂天立地呀!
點解你殺咗人之後呢,可以搵到咁多藉口嘅啫?你真係好叻呀!
點解你做人可以咁開心、咁荒謬,又咁徹底㗎?
真係咬你個頭又硬,咬你個籮柚又臭!
我冇見過D人好似你咁得意㗎,你明唔明啫?
話你係壞人又唔係,話你係好人呢,你會打死人㗎喎!
你真係做咩都有自己嘅道理㗎喎!
話你冇人性呢,唔係好貼切啦,因為我見到你審我個妹嘅時候,你又表現得好有人性㗎喎!
係,你打死我阿爸你問心無愧,你害死我個妹你自己都問心無愧㗎啦!
33 阮梅龍紀文 股票市場就係我嘅戰場呀,股票就係我把刀,我要用呢把刀嚟生劏丁家幾隻蟹!
丁家 股票係我方展博嘅世界,你丁家幾父子最好就唔好踩入嚟!
34 我唔賺呢D錢㗎,人哋死人冧樓仲走埋去搶錢,搶到都冇意思啦!
唔知有幾多人要跳樓喇?
35 其實講真吖,你兩個真係唔錯㗎!一個就靚,一個就俏,真係擺去邊度都唔會冇人要!
一個知慳識儉,一個知情識趣。
呢個世界真係好唔公平㗎,你對一個人好呢,就對另一個唔好㗎喇!
36 玲姐 ... 媽咪 ... 我媽咪死咗啦!!
38 我最希望呢就係親眼同丁蟹五父子送終!(在中環交易廣場外)

葉天[编辑]

集數 對白
8 一個人要成功,一定要搵到自己嘅世界。
16 我係股神!I am the god of the Wall Street
17 股票係人嘅遊戲
18,19 你(方展博)用我本錢去贏一百萬!一千萬!一億萬!你得嘅,你得㗎!你得㗎!
38 股票必勝法: 貪心輸錢贏,輸血不輸錢。人人去輸血,殺人不打風。落雨去離島,離家飲煉奶。見人分遺產,出獄嫌錢腥。快樂冇人格,出家冇人工。攻無不克,戰無不勝矣。
40 股市原意,乃讓集資搜資有其地,社會向榮,人皆有賺。惜人性貪婪,耗盡心思,巧取豪奪。樂土成煉獄,血雨腥風,殺戮不息。無數人蕩產傾家輸性命,勝者則喪良知人格。余於股壇數十載,未嘗見一真正贏者,智者應知此乃一處永無贏家之戰場。取勝唯一法: 及早離去!

羅慧玲[编辑]

集數 對象 對白
7 方展博 你做乜唔去死咗去?你做乜留喺度獻世呀?
你係咪想成家同你攬住一齊死呀?
你有本事嘅你去搞晒成條恆安邨佢!
你鍾意瞓我又瞓,你鍾意撩細路仔我同你一齊撩,你摞天橋底我又同你一齊摞,你去死我都同你一齊死呀!
22 丁蟹 嗰晚我成晚都瞓唔著,我一恰埋眼就發惡夢,你知唔知個惡夢講咩架?個惡夢乜嘢都無,淨係得你個樣,我一見到你個樣就嚇到扎醒喇!由我開始原諒你,肯同你接觸,到我驚你,唔想再見到你,前後都唔夠三十六個鐘頭。

何賤[编辑]

集數 對象 對白
30 丁蟹 如果我仲有一隻手指郁得,我都即刻自殺死,死咗佢!
我死唔去,留喺度獻世,我即管睇吓你哋幾仔爺幾時俾雷劈死!
你繼續咁健康,仲咁龍精虎猛,幾時先至腸穿肚爛,七孔流血橫屍街頭?
你D仔搵埋搵埋咁多冤枉錢,殺人、放火!遲早一個一個死無葬身之地!
一個俾火燒死,一個俾水浸死,一個吊頸死,個個都不得好死,死無全屍!
31 枉你仲好意思嚟拜婷婷、進新,人哋成家都係畀你哋幾父子害死嘅,唔使貓哭老鼠!走...推我走!
係你親手打死佢㗎,你根本冇面目見佢,走!在生嗰陣仲害佢唔夠,死咗仲要嚟整污糟佢安息嘅地方,走!

其他演員[编辑]

角色 集數 對白
丁孝蟹 37 我連我最心愛嗰個女人,都可以掉佢落街!更何況你個女條仔?
丁旺蟹 34 老竇你唔好以為自己成世好有道理先得㗎!
丁旺蟹 11 輝哥吖嘛?咁點呀?你玩野啫!唔踩都踩咗入嚟(油麻地)咯,咁點呀?你唔好玩嘢呀!你試下鬥吓佢(孝蟹)吖!…我即刻要你個堂口X家剷!(海外版保留最後一句,其餘版本刪除)
阮梅 35 你靠得住,豬乸都會上樹啦!
Ronald 兩年就做左副總裁,仲快過飛機!
7 車如流水馬如龍,兩條財氣在當中;住得三年五七載,包你富貴唔使窮!
賭馬群眾 8 中國人呀要面呀嘛,鬼佬要錢。
龍成邦 2 (手持一堆紙幣) 新哥,你夠膽攞嘅呢,我夠膽俾(黑錢)。
维基百科中的相关条目: