黃子華
維基語錄，自由的名人名言錄
黃子華（1960年9月5日—），香港電視演員，節目主持人，舞台演員。
目錄 |
[編輯] 棟篤笑
- 你唔中意我？我憎你！你中意我？我唔信你！！
- 大自然所有的動物都係食物鏈上，鏈的下層俾鏈的上層吃，一層一層咁鏈上去。
咁到底係乜嘢吃乜嘢？好複雜，但係我哋有生物學的權威——鬥獸棋。鬥獸棋係差啲攞到諾貝爾獎嘎，不過佢輸左俾飛行棋。
最底層係老鼠，老鼠之下係無其他動物嘎啦~你睇到乜嘢小強果啲唔係動物，係植物。貓吃老鼠，狗吃貓。所以我哋係贊成貓狗一起養的，如果有一日你唔記得買狗糧，唔緊要~有隻貓貓啊~~豹吃狗，老虎吃豹，獅子吃老虎，最後，大象係吃獅子的。咁你宜家知道大象果兩只象牙係攞來做乜啦，barbecue！叉住只獅子！象鼻咁長攞來做乜？搽蜜糖咯！
- 人類有人類自己的食物鏈，人類的食物鏈簡單好多，只有3種。最下層係無產，中層係中產，頂層係冚家產。係絕無不敬的成分。
因爲頂層的尼啲人唔係房產，權產就係遺產，名符其實冚家都係產，所以我哋好多時叫冚家產會加乜嘢？冚家富貴。
- 人生三大金句：搵食喈，犯法啊？我想嘎？
- 呢幾年，拜年既賀詞之中，最流行係邊句？
- 祝你──不勞而獲。（唔係啩？）
- 恭喜人地發財當然好，但係發財，都要有方法。
- 有邊一個方法，好得過不勞而獲？（係咪）
- 不勞而獲嘅方法就係唔使方法，唔使方法就係最好嘅方法。
- 我地想發財，已經想到到咗一個禪嘅境界！
- 不勞而獲既然可以成為新年賀詞，我期待係未來幾年，
- 我地話人蛇鼠一窩，即係讚佢合群；話人非奸即盜，即係話佢勇敢！
- 嘩，真羨慕你呢個家庭，真係蛇鼠一窩非奸即盜。
- 梗係，唔係我地點會冚家富貴！
- 我非常欣賞鄧小平嘅「黑貓白貓,捉到老鼠就是好貓。」
- 我老友阿雄個老婆生仔，生左個黑人出嚟，我都係咁對佢講:「黑仔，白仔，快高長大就係好仔啦！」
- 失戀係會令人成長嘅。
- 我失戀之前，一向都覺得世界上所有問題都有答案。
- 點解我地每日都要八點鐘起身返工呀？
- 因為夠鐘囉！
- 點解我地有夠鐘呢樣嘢呀？
- 因為我地唔用浮動上班時間囉。
- 點解呢個世界有戰爭？
- 因為我地有武器囉。
- 咁點解我地要有武器呀？
- 因為佢地有武器囉。
- 一切都有答案，直到我失戀。
- 阿珍，點解你唔愛我？
- 阿珍畀咗一個經典嘅答覆我，佢話：
- 「愛情係冇點解㗎，係唔可以解釋㗎，唔好問啦。」
- 如果返學阿 SIR 問我嘢都可以咁答就好嘞！
- 「黃子華，物體燃燒點解需要氧氣呀？」
- 「阿 SIR，燃燒係冇點解㗎，冇得解釋㗎，唔好問啦！」
- 黃子華：喺愛情之中，女人最偉大！男人嘅犧牲，就爲咗追求美麗；而女人嘅犧牲，就祇係得到一個麻甩佬！而最偉大嘅係佢哋根本唔覺得係犧牲。如果你話畀一個女人聽：「喂，你男朋友有口臭！」
- 張達明：車，人梗有局部缺點嘅！
- 黃：佢重有臭狐同香港腳喎！
- 張：噉佢咪好平均咯！
- 黃：佢啲鼻鼾聲唔使較咪啊！
- 張：我男朋友一定係夢見我，我開心。
- 黃：佢屙尿亂咁啡！
- 張：好壯啊！
- 黃：佢啡完唔洗手！
- 張：邊有男人洗手㗎！
- 黃：我有！
- 張：乸型！
- 黃：佢重講粗口啊！
- 張：但係佢心地好！
- 黃：佢喺電梯度食煙喎！
- 張：公眾場合都唔畀食咯，佢咪呢埋一邊食囉，你哋重想點啊！你係咪想逼死佢？！係咪想逼死佢？！嗚～～～
- 我從小就知道，我係一個偉大嘅演員。人哋細個成班細路群埋，鍾意玩扮結婚，扮爸爸媽媽。我細個，就鍾意扮姦夫淫婦。但係唔知係咪我個樣比較老實，我係從來都冇機會扮姦夫。每次我都係扮淫婦……嘅老公。雖然係噉，雖然，我亦都係成班人之中最細嗰個。但係我已經可以將一個妒忌嘅男人心態表現得淋漓盡至。當然，我啲朋友個個都讚我，話我天生出嚟，就係戴綠帽嘅。
- 黃子華：去公眾泳池嗰啲唔係叫做游水，嗰啲叫做浸水。因爲喺公眾泳池游，祇可以用一種泳式，就係彈式，同一個位，彈下彈下。
- 張達明：如果係高手可以用自由式，但係要潛落水底嗰度用。
- 黃：點解香港啲泳池咁鬼逼嘅呢？
- 張：唔好問啊，趁人多你好快啲浸下。等陣所有人上曬水嗰陣，你就會發覺，個池啲水原來到膝頭哥㗎咋！你去浸腳指啦，下次。
- 黃：其實我哋香港人都習慣咗人多，去浸下水都好。但係可惜嘅係，呢啲水，唔係一般水，呢啲係暖水！你成日喺泳池度，你會發覺有啲人，全身唔喐，眼碌碌。
- 張：哦！你喺泳池屙尿，咁冇公德心！由細到大我老豆都教我㗎啦，急尿，去隔籬池吖嘛！
- 黃：所以我喺度，趁呢個機會，同你啲僆仔講啊！游游嚇小童池就走過嚟大人池，擒喺個池邊，唔好話我聽係學游水啊！
- 張：特別係擒正喺噴水口嗰啲啊！想毀屍滅跡啊！
- 當乜嘢人都唔搵我做嘢，我就知道，我係一個偉大嘅藝術家，在生嘅時候係唔會獲得應得嘅尊重。唔止咁，我重偉大過偉大嘅藝術家，因爲我知道，我死後都唔會受到尊重。
- 如果你係一件豬扒，咁你基本上係唔使減肥咯～一件豬扒，減咗肥，就係一件瘦扒，一件瘦扒就係比豬扒更唔開胃嘅扒，係咪？你買叉燒都唔要嗰啲啦。
- 我不是亂講粗口的人，你們大家都知道我是一個有文化的人，不毒的那些我不講的。我一直都認為「冚家鏟」是一句好毒的粗口，一家都殺（罵）完了，不管你家族有多大，是不是。但是現在我知道有句話比這句毒好多，那就是「負家產」！
- 今晚我講了很多凶兆，為什麼講這麼多凶兆，是為了在座20歲或者20歲以下的朋友而講的，因為，有一天，你們也都會買股票！OK，你肯定會說「我不會，我不會那麼蠢」，是啊，我小時候也說過長大以後決不會跟女孩子玩兒的，人人都經歷過這個階段，但是長大了還不是被女孩子玩？有一日，你們都會買股票！
- 我就成日都諗如果曾蔭權有一日走出o黎同大家講：「各位，董特首，已經唔存在啦！」
- 咁多嘢你生咗仔你唔買，你點解唔話買化妝品啊...化妝品冇加稅！你買飛機啊、買大炮、買樓，你係都要買樣加咗稅嘅 -你買車！你買部「凌志」，而家我俾人叫「零智」！我俾得人叫「凌志」，我地一家三口係「凌志」，我地變咗「三菱」啊...買部「凌志」變咗「三菱」好陰公架！
- 所以梁錦松佢而家好犀利架，佢經濟冇破產、佢人格亦都冇破產，佢係IQ破咗產...咁我地唔應該欺負啲智慧低嘅人。
- 下次如果你見到自己鐘意嘅藝人個陣，記住同佢講：「除褲啦！」
- 女人，係正牌講大話！乜嘢叫做化妝？化妝就係你個樣講大話！...各位女士你地明唔明乜嘢叫做化妝？化妝就係：你落咗妝我認得你就叫做化妝；你落咗妝我唔認得你就叫做「喬裝」！
- 男人唔係不主動，係成日都蠢蠢欲動；唔係不抗拒，係不能抗拒。我地唯一可以做嘅，就係不負責！
- 台上黃子華：冇拗撬？有乜嘢係冇拗撬？乜嘢都有拗撬！
台下觀眾：回水！ 台上黃子華：回水有沒人唔同意？全場同意係咪？ 台下觀眾：係、係...... 台上黃子華：最重要o個個人同唔同意？點會冇拗撬呢？
- 請你好好放低
- 人生不如意事十常一二
- 錯就要認，要對方認！
- 阿媽標仔心，邊個俾贖金？
[編輯] 電視劇《棟篤神探》
- 唔使騰，No problem!
- 世事無絕對，只有無頭緒!
- 奧~賣~割
- 凶險界女長人!
- 若要人不知，唔好太低B!
- 四個字：關你乜事?
- 哩 D and gen塗文!
- 呢D & jer騰文!
- 劈、毆、插、打、搣 !
- 隨口up,冇秘笈 !
- 咩啊(Mia)!
- 唔好叫我阿SIR，叫我莫探員!
- 越大隻，越抵錫!
- 名劍風流，大劍下流!
- 一個完美既淫婦必需要唔似一個淫婦!
- 我set左個局，I set you up!
- 我唔信詛咒可以殺人，除非你近距離三日三夜係咁同個個人講：咁多人死你唔死...咁多人死你唔死...!
- 賣保險既性質係乜嘢?就係每日同人講：阿生，你聽日會死架喇喎，後日會死喎，你呀爸又可能會死架喎!快啲黎買保險!
- 日行一善，日殺一人!
- 呀嬸口服液!
- 你腦缺鈣呀!
- 花仔黃小華!
- 有目標，冇撻Ｑ!
- 剷草驚蛇!(打草驚蛇)
- 問世間情為何物，令到我死唔斷氣!
- 你瓜我唔瓜大瀑布!
- 你哋D女人，有又嫌冇又煩!
- 唔在乎你有無俾人奸，只在乎你交唔交到單!
- 我係一個無雀既...唔係...我係一隻無腳既雀仔...
- 每一個上司都係冇料個噃，如果唔係就唔使請下屬啦，做下屬嘅就係幫上司做曬佢哋唔識做嘅嘢
- 比份糧你，一半係比你要嚟做嘢，另一半係比你要嚟受氣既
- 一個頂級嘅紅顏，當然為大家帶嚟頂唔順嘅麻煩！
[編輯] 電視劇《奸人堅》
- 參看: 奸人堅
[編輯] 電視劇《男親女愛》
[編輯] 電視劇《絕代商驕》
- 發奮圖強，日日沖涼！
- 你蒸魚唔洗"琴"蓋架?你唔怕條魚遊走呀?
- 有蕃茄,有蛋,一睇就知我煮既豉淑排骨啦
- 爽:你做咩呀你?夜媽媽中意就入黎參觀下,你當呢到係動物園,當我係蝙蝠呀家陣?!
三水:你睇下你丫,夜媽媽呀,洗咩衫丫,共隆共隆咁,我阿嫂以為你屍呀肢解呀.. 爽:我..我唔該你唔好再管我地人類做乜啦,你返去啄木啦,你再係咁,我就當你意圖侵犯我,我為左自衞,咪成全你囉!
- 爽:煲湯得一條蘿蔔既
淼:你唔知唔好亂講喇,仲有條係底架 爽:煲湯有兩條蘿蔔 ,咁咪好濃味囉
- 早餐食謝師宴? 乜你阿爺係孔子呀?咁中意謝師?!
- 我地系同一個CINEMA,佢系吾同既THEATER,其實我地都系TOGETHER
- 爽:小芙蓉,食粒爆谷先啦,你唔食野點得嫁姐,睇下你,瘦到腳都唔點地,你都冇食野去咩廁所姐,你去廁所唔好梳頭喇,陣間梳甩個頭嚇親人呀~
- 爽:小姐~我想請問有冇苦瓜味既香水?
- 三水:你呢種叫永久性傷殘,註定孤獨終老..
爽:你呢d呢叫永久性黑心,因住冇得終老...
- 精英4大入職要求-hea做,假度,虛應,陪笑
- 我地既工程分開十二期進行, 第一期工程就黎展開嫁喇, 唔知莊生方唔方便比住第一期善款我地呢? 善有菩報,福有攸歸
甘我多謝貴州千千萬萬個小朋友多謝你先
- 我最憎果d咩黑武士,白武士......只係有贏同輸, 如果輸左就真係冇事
- 由於格拉斯高酒店被查封，今晚大家就會響呢間社區中心暫住，
呢間社區中心既設備都幾齊全架，有凍水熱水杯麵啦，我地仲會提供被同枕頭比大家， 如果你地想沖涼既話後面仲有公眾浴室，如果無問題就派橙，休息。
話畢工作人員就派橙， 其中一個遊客就出聲：我地係香港遊客黎架嘛，你當我監躉丫?
然後另一個遊客又話：我地比曬錢架喎，要我地住呢d 咁既地方?
女發言人回覆佢地：大家稍安毋躁，我地已經為你地作出左最妥善既安排啦
提爽終於忍唔住出聲：我地已經為你地作出左最妥善既安排!? (講完呢句即刻丟低曬手上既杯麵，橙，被舖) 各位，我最鍾意聽人地講"我地"呢2個字架啦，因為"我地"唔係"我"丫嘛，"我"係唔駛負責架嘛
女發言人深深不忿咁反問遊客：咁你地想點丫? 提爽繼續講："我地"有乜問題丫，"我地"訓街都無問題架，"你地"東方之珠變成東方臭丸， "你地"都無問題架，問題係"我"呀，小姐，如果今晚12點鐘之前唔可以入住一間五星級酒店既說話呢， 咁"我"就會響D報館度投訴"你"，係port"你"， 係你令到我地訓街架，係你令東方之珠變成東方臭丸， 係你呀，小姐係你呀!!!
女發言人頓時變左鵪鶉，說：我都唔想架 提爽問：你唔想下話 女發言人答：係 提爽就話：咁你早d出聲等我幫下"你"囉!!
- 痴線架，第一﹗我個件唔係雨褸。第二﹗我發過誓唔著西裝。
- 作為一個朋友，你真喺千載難逢；作為一條水魚，你真喺舉世無雙！
感情呢家野呢，你預左系唔OK概，你就OK。
