孖仔孖心肝

维基语录,自由的名人名言录
跳到导航 跳到搜索

孖仔孖心肝是1990年香港無線電視台拍攝的電視劇集,周星馳劉青雲主演。

台詞[编辑]

魯細(又名王利就,周星馳飾)[编辑]

  • 師奶,面我就本身好想畀,架就係令郎自己愛來丟嘅啫。
  • 而家有個原則,希望你聽清楚。個廳呢,除咗供應你由外便門口返嚟經過行入房,或由房經過行返出嚟出門口,或經過行入廚房或者入廁所之外,完全唔歡迎亦絕對唔容許你作為其他任何用途。……不過我發覺你都有個優點,就係肯認衰。但係頭先所講嘅原則,依然不變!
  • 咪行住!……早晨!走吖。
  • 爭人二萬一銀“之嘛”嘅大耳窿數你仲咁唔嗲唔吊?
  • 叫咗你唔好賭錢,你當我死嘅?……收聲!我教仔唔使你理!呢個係我老竇,更加唔使你理!……坐低!我幫埋你呢一鑊,下次你畀人斬死我都唔理你嘅喇。……二萬一吖嘛,係嗎?大聲啲聽唔到啊!……聽日call你啦!
  • 乜你都拍埋曬呢啲戲啊?哼!世風日下,道德淪亡!呢啲噉嘅無厘頭嘅戲真係教壞曬下一代,我至憎嘅嘞!
  • 你望乜啊你啊?你哄到咁埋,只眼神仲咁鬼祟,係咪有企圖啊?

魯輝(梁家仁飾)[编辑]

  • 喂!噉你即係話我定話佢(阿細)老竇啊?


對話[编辑]

崑崙玉女劍法[编辑]

王名成(劉青雲飾):你老闆吶!
魯細(周星馳飾):我叫魯細!
王名成:我知吖!
魯細:間房我嘅,唔該行出去!
王名成:企喺度!……我想請教下你,你頭先耍嗰套劍法叫乜名?
魯細:崑崙玉女劍法。
王名成:崑崙玉女劍法!好出名嘅。
魯細:我唔會教你嘅。


賭,可以令人冇曬人格[编辑]

阿細:《浪子回頭》裡便吳楚帆講過,賭,可以令人冇曬人格。
高B:賭唔賭我哋都冇人格嘅啦。
阿細:我有吖嘛。


你呢只不思長進嘅畜生[编辑]

阿細:你仲有現錢咩?賭!你淨係掛住賭!唉!(後退一步)你呢只不思長進嘅畜生——!你睇下呢啲就係你啲賭債嘅利息喇,睇下!
魯輝(梁家仁飾):咦?阿細做乜你?
阿細:唔好掂我!
魯輝:呢班躝瘫,我話咗下個禮拜收埋啲尾數畀佢哋嘅,而家搞到你噉樣!
阿細:你日日喺度吃喝玩樂,仲有乜錢收畀人哋啊?
蓮姨(李殿朗飾):細,唔好勞氣啦,乖,坐低先,坐低唞一陣吓!乖!
阿細:螻蟻都尚且偷生!(蓮姨偷偷開大電視聲音)你噉樣做咪等於自毀前程?你有乜說話好講?你仲有乜說話好講啊?
魯輝:係,係我衰,我唔長進!我自細讀得書少,我淨係識得麻將、十三章、賭馬,仲有香港腳添。(阿細被電視中播放的《可憐天下父母心》吸引過去)細啊,我唔會嘅嘞,阿細。
阿細:你睇人哋細細個都咁生性,你太唔似樣嘞阿輝!
魯輝:細啊,我下次真係唔會嘅嘞,我發誓!
阿細:噓!
魯輝:細啊!
阿細:唔好嘈住我啦!

戆居[编辑]

假王利就(李滿祥)(邊看電視中播出的《可憐天下父母心》邊咬開飲料盒):戆居嘅,真係。
阿細(正好经过):戆居嘢你都睇?戆居!


其實我憎你嘅細仔多啲[编辑]

阿細:王師奶,唔怕得罪講句,原本我好憎你嘅大仔嘅,但係而家我發覺都唔係咁憎佢。
白丽(吴浣仪饰):噉咪好囉,哎呀,其實……
阿細:其實我憎你個細仔多啲。


烏嘴狗[编辑]

魯輝:咦!阿細,咁早起身啊吓?
阿細:啊。喂,估唔到嗰個烏嘴狗呢……
魯輝:喂,你話邊個烏嘴狗啊?
阿細:仲有邊個啊?最大舊,最粗魯,日日啲須都剃唔淨嗰個囉。(魯輝摸自己胡茬)我真係唔明而家啲人,係咪專登要扮到好似烏嘴狗噉,就叫做有型?啲須專登要剃唔淨,係有意定無意,啲乜心態啫?係咪噉就叫做叻,就叫做威啫?(搖頭,嘆氣)我,一開始講乜話?
魯輝:喂,估唔到嗰個烏嘴狗……
阿細:喂,估唔到嗰個烏嘴狗呢,原來份人幾有孝心嘅。黃飛鴻同牙擦蘇都講過,話,如果一個人對佢老母好嘅話,嗰個人唔會係壞人嚟嘅。所以我決定咗,由今日開始,我同呢個烏嘴狗打招呼。
魯輝:喂,我哋不嫐有打招呼㗎。
阿細:我唔係話你啊。我話個導演啊。
魯輝(恍然大悟):哦--!估唔到嗰個烏嘴狗……
阿細:佢真係個烏嘴狗嚟。


得嘅咩[编辑]

阿細:點解?點解我今朝喺西環跌咗嘅錢,居然間會喺官塘執返呢?
客人A:得嘅咩?
阿細:得㗎原來,信我吖兄弟!
(客人B進來,掉落一硬幣,客人A撿起)
客人B:喂喂喂喂,你跌嘅咩?
客人A:今朝我喺旺角跌咗嗰兩蚊,喺度執返唔得嘅咩?
客人B:得嘅咩?


孟加拉大馬蹄[编辑]

阿細:孟加拉大馬蹄啊?
阿成:仲有個學名嘅。
假王利就:乜呢?
阿成:本地沙葛。
假王利就:唓,沙葛邊係噉樣嘅呢,嗬?
阿成:唓,呢個世界有樣嘢叫刀仔嘅嘛。
阿細:即係話唔止馬蹄啊,馬騮都批到只出嚟喇,噉啊,天才!
(假王利就氣鼓鼓走開)
白麗:呀,唔好話到咁直接啦!(離開)就仔啊,就仔!食得飯喇!
阿成(對魯輝):你個仔都似返個仔!(魯輝點頭)
阿細:你都越嚟越似個人!


成人高級藝術錄影帶[编辑]

魯輝:乜話?佢唔准我睇成人高級藝術錄影帶?吓?佢邊個啊?
阿細:係咸帶!輝!人哋講得都啱㗎,需知道萬惡淫為首,你成日埋頭喺呢啲淫帶度,睇到滿頭大汗,對你自己有乜益處呢?
魯輝:唔係……
阿細:仲有啊,人哋叫我哋以後自己瞓返自己間房啊。
魯輝:佢講嘢啊佢?
阿細:我諗佢係指琴日嘉楠瞓咗我間房,我就同你孖鋪呢件事啊。
魯輝:我哋兩仔爺孖鋪又關佢事?吓?
阿細:佢覺得關佢事啊。
魯輝:佢真係噉講?
阿細:大概係噉嘅意思啊。
魯輝:你同我話佢知,佢忽嘅佢!
阿細:我經已話咗畀佢知喇。
魯輝:啱嘞!
阿細:咪再睇喇!
魯輝:知嘞知嘞知嘞……


我哋做人,出嚟處世[编辑]

阿細:企喺度!
魯輝:哦~!阿細,乜咁啱嘅,吓?未開檔啊?啊,我仲有一樣嘢未買……
阿細:買麓柚葉沖涼添啦,係嗎?死款,睇你頹廢到成個老同噉嘅衰樣你啊,周身臭汗,一睇就知道係畀啲牌九㩧到全身麻痺,畀啲麻將湴到七孔流血噉嘅死款……
魯輝:係喇係喇,係我錯,我會戒嘅!我而家發誓一定要戒!
阿細:天文台話有雷暴啊!
魯輝:係咩?𨋢到啊,𨋢到。
阿細:成日發埋啲假誓,怕唔怕畀雷劈啊?成日同我講大話,有冇良心有愧啊?自己諗下,輝!…………我哋做人,出嚟處世,係咪成日都要人話住?今年都唔係細嘅啦,貴庚啊,生?好唔好意思啊?


Wikipedia-logo.png
维基百科中的相关条目: