孖仔孖心肝
孖仔孖心肝是1990年香港无线电视台拍摄的电视剧，周星驰与刘青云主演。
台词[编辑]
鲁细（又名王利就，周星驰饰）[编辑]
- 师奶，面我就本身好想畀，架就系令郎自己爱来丢嘅啫。
- 而家有个原则，希望你听清楚。个厅呢，除咗供应你由外便门口返嚟经过行入房，或由房经过行返出嚟出门口，或经过行入厨房或者入厕所之外，完全唔欢迎亦绝对唔容许你作为其他任何用途。……不过我发觉你都有个优点，就系肯认衰。但系头先所讲嘅原则，依然不变！
- 咪行住！……早晨！走吖。
- 争人二万一银“之嘛”嘅大耳窿数你仲咁唔嗲唔吊？
- 叫咗你唔好赌钱，你当我死嘅？……收声！我教仔唔使你理！呢个系我老窦，更加唔使你理！……坐低！我帮埋你呢一镬，下次你畀人斩死我都唔理你嘅喇。……二万一吖嘛，系吗？大声啲听唔到啊！……听日call你啦！
- 乜你都拍埋晒呢啲戏啊？哼！世风日下，道德沦亡！呢啲啖嘅无厘头嘅戏真系教坏晒下一代，我至憎嘅嘞！
- 你望乜啊你啊？你哄到咁埋，只眼神仲咁鬼祟，系咪有企图啊？
鲁辉（梁家仁饰）[编辑]
- 喂！啖你即系话我定话佢（阿细）老窦啊？
对话[编辑]
昆仑玉女剑法[编辑]
- 王名成（刘青云饰）：你老板呐！
- 鲁细（周星驰饰）：我叫鲁细！
- 王名成：我知吖！
- 鲁细：间房我嘅，唔该行出去！
- 王名成：企喺度！……我想请教下你，你头先耍嗰套剑法叫乜名？
- 鲁细：昆仑玉女剑法。
- 王名成：昆仑玉女剑法！好出名嘅。
- 鲁细：我唔会教你嘅。
赌，可以令人冇晒人格[编辑]
- 阿细：《浪子回头》里便吴楚帆讲过，赌，可以令人冇晒人格。
- 高B：赌唔赌我哋都冇人格嘅啦。
- 阿细：我有吖嘛。
你呢只不思长进嘅畜生[编辑]
- 阿细：你仲有现钱咩？赌！你净系挂住赌！唉！（后退一步）你呢只不思长进嘅畜生——！你睇下呢啲就系你啲赌债嘅利息喇，睇下！
- 鲁辉（梁家仁饰）：咦？阿细做乜你？
- 阿细：唔好掂我！
- 鲁辉：呢班𨅬瘫，我话咗下个礼拜收埋啲尾数畀佢哋嘅，而家搞到你啖样！
- 阿细：你日日喺度吃喝玩乐，仲有乜钱收畀人哋啊？
- 莲姨（李殿朗饰）：细，唔好劳气啦，乖，坐低先，坐低唞一阵吓！乖！
- 阿细：蝼蚁都尚且偷生！（莲姨偷偷开大电视声音）你啖样做咪等于自毁前程？你有乜说话好讲？你仲有乜说话好讲啊？
- 鲁辉：系，系我衰，我唔长进！我自细读得书少，我净系识得麻将、十三章、赌马，仲有香港脚添。（阿细被电视中播放的《可怜天下父母心》吸引过去）细啊，我唔会嘅嘞，阿细。
- 阿细：你睇人哋细细个都咁生性，你太唔似样嘞阿辉！
- 鲁辉：细啊，我下次真系唔会嘅嘞，我发誓！
- 阿细：嘘！
- 鲁辉：细啊！
- 阿细：唔好嘈住我啦！
戆居[编辑]
- 假王利就（李满祥）（边看电视中播出的《可怜天下父母心》边咬开饮料盒）：戆居嘅，真系。
- 阿细（正好经过）：戆居嘢你都睇？戆居！
其实我憎你嘅细仔多啲[编辑]
- 阿细：王师奶，唔怕得罪讲句，原本我好憎你嘅大仔嘅，但系而家我发觉都唔系咁憎佢。
- 白丽（吴浣仪饰）：啖咪好啰，哎呀，其实……
- 阿细：其实我憎你个细仔多啲。
乌嘴狗[编辑]
- 鲁辉：咦！阿细，咁早起身啊吓？
- 阿细：啊。喂，估唔到嗰个乌嘴狗呢……
- 鲁辉：喂，你话边个乌嘴狗啊？
- 阿细：仲有边个啊？最大旧，最粗鲁，日日啲须都剃唔净嗰个啰。(鲁辉摸自己胡茬）我真系唔明而家啲人，系咪专登要扮到好似乌嘴狗啖，就叫做有型？啲须专登要剃唔净，系有意定无意，啲乜心态啫？系咪啖就叫做叻，就叫做威啫？（摇头，叹气）我，一开始讲乜话？
- 鲁辉：喂，估唔到嗰个乌嘴狗……
- 阿细：喂，估唔到嗰个乌嘴狗呢，原来份人几有孝心嘅。黄飞鸿同牙擦苏都讲过，话，如果一个人对佢老母好嘅话，嗰个人唔会系坏人嚟嘅。所以我决定咗，由今日开始，我同呢个乌嘴狗打招呼。
- 鲁辉：喂，我哋不嫐有打招呼㗎。
- 阿细：我唔系话你啊。我话个导演啊。
- 鲁辉（恍然大悟）：哦--！估唔到嗰个乌嘴狗……
- 阿细：佢真系个乌嘴狗嚟。
得嘅咩[编辑]
- 阿细：点解？点解我今朝喺西环跌咗嘅钱，居然间会喺官塘执返呢？
- 客人A：得嘅咩？
- 阿细：得㗎原来，信我吖兄弟！
- （客人B进来，掉落一硬币，客人A捡起）
- 客人B：喂喂喂喂，你跌嘅咩？
- 客人A：今朝我喺旺角跌咗嗰两蚊，喺度执返唔得嘅咩？
- 客人B：得嘅咩？
孟加拉大马蹄[编辑]
- 阿细：孟加拉大马蹄啊？
- 阿成：仲有个学名嘅。
- 假王利就：乜呢？
- 阿成：本地沙葛。
- 假王利就：唓，沙葛边系啖样嘅呢，嗬？
- 阿成：唓，呢个世界有样嘢叫刀仔嘅嘛。
- 阿细：即系话唔止马蹄啊，马骝都批到只出嚟喇，啖啊，天才！
- （假王利就气鼓鼓走开）
- 白丽：呀，唔好话到咁直接啦！（离开）就仔啊，就仔！食得饭喇！
- 阿成（对鲁辉）：你个仔都似返个仔！（鲁辉点头）
- 阿细：你都越嚟越似个人！
成人高级艺术录像带[编辑]
- 鲁辉：乜话？佢唔准我睇成人高级艺术录像带？吓？佢边个啊？
- 阿细：系咸带！辉！人哋讲得都啱㗎，需知道万恶淫为首，你成日埋头喺呢啲淫带度，睇到满头大汗，对你自己有乜益处呢？
- 鲁辉：唔系……
- 阿细：仲有啊，人哋叫我哋以后自己瞓返自己间房啊。
- 鲁辉：佢讲嘢啊佢？
- 阿细：我谂佢系指琴日嘉楠瞓咗我间房，我就同你孖铺呢件事啊。
- 鲁辉：我哋两仔爷孖铺又关佢事？吓？
- 阿细：佢觉得关佢事啊。
- 鲁辉：佢真系啖讲？
- 阿细：大概系啖嘅意思啊。
- 鲁辉：你同我话佢知，佢忽嘅佢！
- 阿细：我经已话咗畀佢知喇。
- 鲁辉：啱嘞！
- 阿细：咪再睇喇！
- 鲁辉：知嘞知嘞知嘞……
我哋做人，出嚟处世[编辑]
- 阿细：企喺度！
- 鲁辉：哦～！阿细，乜咁啱嘅，吓？未开档啊？啊，我仲有一样嘢未买……
- 阿细：买麓柚叶冲凉添啦，系吗？死款，睇你颓废到成个老同啖嘅衰样你啊，周身臭汗，一睇就知道系畀啲牌九㩧到全身麻痹，畀啲麻将湴到七孔流血啖嘅死款……
- 鲁辉：系喇系喇，系我错，我会戒嘅！我而家发誓一定要戒！
- 阿细：天文台话有雷暴啊！
- 鲁辉：系咩？䢂到啊，䢂到。
- 阿细：成日发埋啲假誓，怕唔怕畀雷劈啊？成日同我讲大话，有冇良心有愧啊？自己谂下，辉！…………我哋做人，出嚟处世，系咪成日都要人话住？今年都唔系细嘅啦，贵庚啊，生？好唔好意思啊？
链接[编辑]
