藍潔瑛

维基语录,自由的名人名言录
跳到导航 跳到搜索

藍潔瑛(Yammie Lam,1963年4月27日-2018年10月31日),香港女藝人。

語錄[编辑]

  • 「我係好直,唔識應酬打交道,最怕虛偽,做呢行我當打份工,已經好攰,仲要花時間精神周旋喺打交道?我會攰死!」
  • 「我唔介意人哋點睇我,我更加唔會踩人,我點解要逼自己做唔想做嘅嘢?我唔想失去真我,我過得好開心,唔鍾意同人解釋。」
  • 「其實人生嘅嘢,到最後都係空嘅,搞咁多嘢做乜?」
  • 「做好演員本分就夠,唔使將努力成日掛喺嘴邊畀人知。講出嚟,就係扮嘢。」
  • 「我唔會逼人,亦唔需要人哋擺好多心血心思喺我到,否則係壓力。」
  • 「我唔會同有婦之夫拍拖,點解要咁呢?點解要令人哋個老婆唔開心?」
  • 「有好男人,必然有衰男人,睇你係咪好彩,睇人不可憑外表,男人女人一樣!」
  • 「每一次拍拖,我非常投入認真,結果每次都好傷。」
  • 「要享受愛情,要忠於自己,亦都要忠於對方。」
  • 「以前不停工作唔知為乜,成日唔開心,狂買嘢嚟平衡自己。唔想再係咁,我唔想做一堆垃圾。」
  • 「人好似浪咁,潮汐有漲有退,大陸嘅荒漠一片浩瀚,一個人嘅錢財有算得係乜?」
  • 1992年:《翡翠之星》節目《堅執真我-藍潔瑛》片段
    • 「有人話我講說話太過直接;同埋喜怒形於色Wor,不過我覺得咁樣冇乜嘢唔妥吖!」
    • 「起碼唔使乜嘢都轉彎抹角,又可以慳返時間解釋Wor,仲可以避免左好多誤會添呀!」
    • 「你又唔係一定要不停咁講嘢㗎,做朋友又唔係開辨論大會。」
    • 「不過呢,其實我都好鍾意同朋友傾偈㗎,但係如果當我一個人喺屋企既時候呢,我就會鍾意聽人講嘢喇,最好既方法就係打開收音機啦,裡面又有新聞又有音樂聽Wor,你話幾好呀。」
    • 「沉默本身都可以代表咗好多嘢㗎,你唔信我笑比你睇吖!」
    • 「曾經好介意人哋點睇(自己)㗎,不過其實每個人個觀點與角度都唔同既,所以我覺得人哋講乜嘢係唔需要太介懷既。」
    • 「不過其實所有呢D…布景呀、服裝呀都係輔助架姐,仲要靠好多嘢相輔相成,先至可以達到理想一個效果㗎,但係其實最緊要我都覺得係做好左自己先。」
    • 羅山的畫外音:「堅執真我,藍潔瑛」
  • 2015年:於電視訪問中回應「靚絕五台山」之稱號:
    • 「靚就靚啦,做乜要絕啫?」

參考資料[编辑]

Wikipedia-logo.png
维基百科中的相关条目:



维基语录链接:名人名言 - 文学作品 - 谚语 - 电影/电视剧对白 - 游戏台词 - 主题 - 分类