蓝洁瑛
蓝洁瑛（英语：Yammie Lam，1963年4月27日—2018年10月31日），香港女艺人。
语录
[编辑]- “我系好直，唔识应酬打交道，最怕虚伪，做呢行我当打份工，已经好攰，仲要花时间精神周旋喺打交道？我会攰死！”
- “我唔介意人哋点睇我，我更加唔会踩人，我点解要逼自己做唔想做嘅嘢？我唔想失去真我，我过得好开心，唔钟意同人解释。”
- “其实人生嘅嘢，到最后都系空嘅，搞咁多嘢做乜？”
- “做好演员本分就够，唔使将努力成日挂喺嘴边畀人知。讲出嚟，就系扮嘢。”
- “我唔会逼人，亦唔需要人哋摆好多心血心思喺我到，否则系压力。”
- “我唔会同有妇之夫拍拖，点解要咁呢？点解要令人哋个老婆唔开心？”
- “有好男人，必然有衰男人，睇你系咪好彩，睇人不可凭外表，男人女人一样！”
- “每一次拍拖，我非常投入认真，结果每次都好伤。”
- “要享受爱情，要忠于自己，亦都要忠于对方。”
- “以前不停工作唔知为乜，成日唔开心，狂买嘢嚟平衡自己。唔想再系咁，我唔想做一堆垃圾。”
- “人好似浪咁，潮汐有涨有退，大陆嘅荒漠一片浩瀚，一个人嘅钱财有算得系乜？”
- 1992年：《翡翠之星》节目《坚执真我－蓝洁瑛》片段
- “有人话我讲说话太过直接；同埋喜怒形于色㖞，不过我觉得咁样冇乜嘢唔妥吖！”
- “起码唔使乜嘢都转弯抹角，又可以悭返时间解释㖞，仲可以避免咗好多误会添呀！”
- “你又唔系一定要不停咁讲嘢㗎，做朋友又唔系开辨论大会。”
- “不过呢，其实我都好钟意同朋友倾偈㗎，但系如果当我一个人喺屋企嘅时候呢，我就会钟意听人讲嘢喇，最好嘅方法就系打开收音机啦，里面又有新闻又有音乐听㖞，你话几好呀。”
- “沉默本身都可以代表咗好多嘢㗎，你唔信我笑比你睇吖！”
- “曾经好介意人哋点睇（自己）㗎，不过其实每个人个观点与角度都唔同嘅，所以我觉得人哋讲乜嘢系唔需要太介怀嘅。”
- “不过其实所有呢啲…布景呀、服装呀都系辅助㗎啫，仲要靠好多嘢相辅相成，先至可以达到理想一个效果㗎，但系其实最紧要我都觉得系做好咗自己先。”
- 罗山的画外音：“坚执真我，蓝洁瑛”
- 2015年：于电视访问中回应“靓绝五台山”之称号：
- “靓就靓啦，做乜要绝啫？”
参考资料
[编辑]