馮盈盈

维基语录,自由的名人名言录
跳到导航 跳到搜索

馮盈盈Crystal Fung,1994年6月10日[1][2]-),是一名香港電視節目主持人,為2016年度香港小姐競選冠軍。

香港小姐競選語錄[编辑]

  • 2016年6月24日:Facebook、Instagram貼文[3]
    • 「我相信吸引力法則,笑著笑著就會變得快樂,保持心境開朗就會吸引正能量。面對悲傷消息不斷,就更要勇敢地笑,為身邊人帶來鼓舞及正能量,支持下去。So smile for no reason, and give someone else reason to smile.」
  • 2016年7月14日《港姐首晤新聞界》媒體見面會:
    • 談及應戰準備時,馮盈盈回應:
      • 「我諗應該係關於我近排都係有好努力咁樣節食啦,再加早睡早起啦,做運動啦,咁我諗若果大家都做足呢以上幾點嘅話呢,其實對於整個人既狀態睇上去都會精神爽利嘅。」(之後傻笑,亦被記者提醒放慢語速。)馮盈盈補充:「知道,因為都有為咗保持返個好啲個體態呢,咁就有節食啦!咁當然就無過度節食嘅!咁始終都要有返基本既營養嘛!咁然後早睡早起休息啦,都好重要嘅。」記者再問:「係咪有護膚啊?」馮盈盈再回應:「係啊!係啊!我覺得皮膚狀態都好緊要家嘛。咁所以休息多啲,飲多啲水呀,同埋做運動啦,希望成個身形睇起上去會緊致啲,因為之前有報導話我手臂有明顯墮肉,咁所以針對呢個(問題),我都有好努力去做Gum,鍛煉返下嘅。」
    • 談及自己的勝算,被記者問及:「你驚唔驚成為公敵呀?個個都話你大熱噃!」
      • 馮盈盈回應:「我覺得今日天氣的確好大熱嘅,咁但係對我自己係咪真係咁大熱呢?我又覺得未呀!因為今屆嘅佳麗們呢,質素非常平均啦!其實有陣時,我自己睇呢都覺得,我地個個都非常之優秀啦,同埋知道有潛力嘅!咁樣所以而家暫時斷定邊位係大熱呢都好似言之尚早,咁但係當然如果你話大家對我有呢個評價嘅話呢,我都係覺得亦都係一個好好嘅推動力啦,咁希望可以令我會Keep住呢團火,咁樣繼續即係…咁樣奮鬥落去嘅,然之後努力啦!」
  • 2016年7月14日:港姐佳麗自我介紹片段[4]
    • 大家好,我係馮盈盈Crystal,今年22歲,係一個土生土長嘅香港女仔。我啱啱喺香港大學食物及營養學畢業,我(嘅)理想職業係成為一位成功嘅營養師;但問到我自小嘅夢想,就係希望可以成為香港小姐。我細個嘅時候已經會貪玩咁拎住支雞毛掃扮加冕架喇!我相信其他佳麗同我都一樣,為咗追求自己嘅夢想而努力,我希望大家可以支持我哋,見證我哋夢想成真,多謝!
  • 2016年7月17日電視節目《萬千星輝放暑假》中,宣傳Mytv Super的對白:
    • 「你肯問,我肯答!」
  • 2016年7月22日接受《一線娛樂》訪問時,對自己的描述:
    • 主持人譚永浩問:「咁你地大家有啲乜嘢嘅Selling Point可以贏到其他廿九位佳麗呢?」
    • 馮盈盈的回應:「我係三十個佳麗入面眉毛最淡嘅,咁所以顯得我特別嫵媚,有女人味,同埋期待有《武媚娘》開第二集。」(調侃自己是 「無眉娘」) [5]
  • 2016年7月23日《最受歡迎廣告頒獎典禮》錄影前回應記者問:
    • 對於港姐競選佳麗於7月25日由30人淘汰至20人,馮盈盈的回應:「我覺得做乜嘢事都應該要有信心嘅,咁所以我首先覺得對自己繼續咁樣……繼續落去係有信心啦!但同時呢,其實我對其他佳麗都有信心嘅,因為我覺得今年嘅佳麗質素個個都非常優秀,咁但係最有信心呢,我係覺得觀眾今年一定可以睇到一個非常之出眾啦同激烈既港姐選舉,因為各位(佳麗)都應該會出盡渾身解數喺才藝表演度,即係俾最好嘅表演比觀眾睇囉。咁我相信呢一方面大家都應該要期待一下嘅!」
  • 2016年7月25日:香港小姐第三輪淘汰後,她在電視娛樂新聞中的回應:
    • 「心情就算鬆一口氣啦!咁因為由即係知道今日要淘汰人開始,都一直非常之緊張,咁昨晚直情緊張到失眠添。」[6]
  • 2016年7月26日拍攝港姐廣告期間,接受「突擊口才測試」專訪:[7]
    • 對於大會所提供的服裝……
      • 馮盈盈的回應:「嗯……我覺得件件衫都好靚其實,即係無話……而且重要係唔同方面同唔同風格嘅美囉!有啲係動感啲嘅、活潑啲嘅;我呢啲就會比較Classic(古典)啲同優雅啲,咁樣就唔同風格唔同嘅味道囉!我覺得無話邊件靚啲。」(記者再問:你覺得呢件衫有無著出你嘅味道呀?)馮盈盈再回應:「其實我正想講,其實呢件衫同我平時有小小自己嘅風格打扮都好相近呀!感覺真係好貼我一向著開嘅Style(風格)同埋性格囉,我好多謝真係公司都配合返一個可以突出返我性格呀,展現到我個性嘅一個服裝。」
    • 當記者問馮盈盈怎看自己是熱門時……
      • 馮盈盈表示:「熱門?吓?我現在真是有點熱了。」[8]「其實真係比人叫做熱門呢件事,我就覺得真係太過誇獎嘞,同埋言之尚早。而且身為熱門呢就最有機會大熱倒灶丫嘛,係咪先!咁有陣時候,其實呢一個名都唔知好定唔好呀,我覺得盡力做好自己就最好嘞!」[9]
    • 記者問:「三甲有無機會呢?你覺得……」
      • 馮盈盈的回應:「首先做乜嘢事都應該對自己有自信嘅,咁我覺得就盡力做好自己,已經係自己心目中嘅冠軍囉!咁樣我……但係話最後出黎結果冠亞季呢,其實真係可以見到過程有好多變數嘅,後面又有好多環節啊,都係去攞分嘅,咁所以而家真係好難揀下。我會努力做到最好,其實……我覺得目標從來無話諗住攞冠亞季任何一個囉,總之就係做到自己最好呀,咁樣可以挑戰到自己嘅極限同潛能呢,咁我覺得就已經贏左架喇。」
    • 記者問:「你唔想攞冠軍啊?」
      • 馮盈盈:「即係……(一時語塞),我當然會想,呢個由細到大嘅夢想,咁但係話會唔會真係以呢個作為一個目標……亦都會以呢個作為目標去努力嘅;咁但係會唔會話太執著因為佢而去……即係用盡所有一切方法嘅話呢?就……總之就做盡我自己最好嘅就可以喇。」
    • 記者再問:「邊個最威脅到你攞冠軍呢?」
      • 馮盈盈笑著答:「我真係覺得個個都好有潛質呀!唔係講笑啊!真係每一個係某一個方面黎睇呢,都係獨當一面係第一咁樣囉!咁所以就真係好難揀啊,到時呢個交返比評判啦!咁難嘅嘢!」
    • 於同日接受《一線娛樂》訪問時,由於當日天氣酷熱,她在節目中被問及消暑的方法時:
      • 馮盈盈的回應:「一陣上車就會補充啲水份,唔單止可以防止中暑、散熱啦!就算對皮膚都可以補濕,即係靚啲吖嘛!」(此節目於2016年8月1日播出)[10]
  • 2016年8月4日:香港小姐公眾投票宣傳活動後:
    • 於接受電視娛樂新聞訪問時,馮盈盈透露了決賽夜「才藝表演」的表演項目:
      • 馮盈盈表示:「嚟緊將會表演嘅係魔術嘅呢個項目嚟嘅,咁樣點解會揀嘅話,可能係食住返近排呢一個嘅《街頭魔法王》啦,咁同時亦都覺得呢個係一個好有娛樂性啦,同埋可以全面展示到我自己個性嘅一個表演項目,咁希望到時可以有機會比觀眾見到啦!」[11]
    • 於接受報章訪問時,被問及對於被冠以「校花」的描述:
      • 馮盈盈的回應:「我唔覺得自己係貴為『校花』,其實從來無同學之間咁樣用呢個稱號嚟稱呼我嘅。」(記者問:男仔有無呀?)「男仔都無,因為的而且確有位……的而且確係有位名乎其實嘅『校花』係我同學囉,咁所以經常被人咁稱呼嘅呢,係我識得嘅一位同學就並唔係我,所以我諗大家有啲誤會喇係!」
    • 記者再問:你覺得個個同學靚啲定你靚啲呀?
      • 馮盈盈的回應:「我覺得每人都有唔同嘅「靚」嘅!」(記者:我知!)「係!」(記者:咁邊個靚啲呀?)「嗯……我唔夠膽講呀係!」(記者:即係自己啦?覺得係咪……)「都……都唔係呀!佢個種靚係嗯……我又做唔到個囉!咁但係我覺得自己有種獨特嘅魅力,佢應該都扮唔到嘅!」
    • 記者又問及:「唔係男朋友叫埋啲Friend一齊黎呀?投票呀?」亦有記者「問候啊男友」。有記者認為又認為「無同佢提過嘅!」,期間眾人大笑。
      • 馮盈盈的回應:「佢的而且確有好多真係嗯……佢都覺得好欣賞嘅佳麗呀!我又唔會真係強迫任何人之後黎投票嘅!我地都嗯……真係鼓勵下。」(記者:「你咁都講佢大鑊呀!」,之後眾笑)馮盈盈:「之後衷心希望之後各位都會投我一票咁樣囉!至於但係最後投左啲乜嘢嘅話,都係大家自由嘅!我地有二十個比你揀嫁!」
    • 被中國內地視頻網站的記者問及晉級十強的機會:
      • 馮盈盈以普通話回應:「我也不會有就是害怕去不了日本的感覺,因為我覺得呢……能夠進入現在的二十強,已經對我是一種恩賜,還有一些榮幸,所以我把所有之後的事都當作是一個Bonus,就未有特別的想我一定要去到(日本),還有一定什麼要進到十強,當然最後能夠跟我們的佳麗們去了日本的話,一定會很高興,很開心的。」[12]
    • 在2016年8月8日所播出的《一線娛樂》節目訪問時,主持人衛志豪請在場港姐佳麗以大約十秒的時間推銷自己……
      • 馮盈盈的演繹:「大家好,我係馮盈盈Crystal,熊貓嗰個『盈盈』,而且無人夠我型,因為我有兩個『盈』。」(同時舉起右手食指及中指作V字手勢,意指兩個)[13]
      • 在電視台未有播出的片段中,衛志豪當場笑了一下,並誇讚:「型喎你真係,你有無樂樂呀!」馮盈盈回應:「我等緊樂樂呀!」衛志豪反問:「你末拍拖咩?」馮盈盈再回應:「如果你俾我入到圍嘅話,我就好快快樂樂囉!如果入唔到圍就……(衛志豪:就好失失落落呀?)無錯!」[14]
  • 2016年8月5日:於出席護膚品牌宣傳活動後,被記者問及若佳麗之間能互相淘汰,眾佳麗會淘汰誰人時……
    • 在文字報導中,馮盈盈的回應是:「這個問題真的有點難答,我會out前面那個,不理我前面那位是誰,到時抽籤看看那位排在我前面,那就out她吧。」(註:報導指馮盈盈處於大熱門位置,其答案亦十分玄妙,而且答得大體,又有追看性,答案與其他佳麗有所不同。)[15]
  • 2016年8月12日,港姐訓練期間,大會安排了攝影師苗彤向佳麗講解攝影技巧,在電視娛樂新聞中,馮盈盈對苗彤的描述……
    • 馮盈盈:「有真係幻想可能就會唔會係啲例如比較資深呀嘅攝影師,之後黎到呢發現呢,其實(攝影師苗彤)同我地年紀差唔多啦,但係呢就有好專業嘅攝影技術。」[16]
  • 2016年8月14日:2016香港小姐《公佈最後十強佳麗》記者會
    • 在結果公佈後,馮盈盈在接受翌日播出的《一線娛樂》及《東張西望》的訪問,被問及到日本前的準備時……
      • 馮盈盈的回應:「日本福岡嘅水果應該都會特別鮮甜嘅,所以留定把刀去嗰度切水果。(主持人補充:不過把刀記得擺係個喼嗰度喎。)馮:係呀!」[17]「之前同屋企講過話呢,不如睇下今晚有無機會,如果一陣出咗局,就去食自助餐囉!(眾笑)而家我諗應該無呢個機會,因為要乖乖地返屋企盡快執嘢。」[18]
  • 2016年8月17日:2016香港小姐於日本福岡櫛田神社拍攝劍道外景
    • 報章記者看過馮盈盈的劍道示範後,表示:「嘩!睇唔出你幾兇狠嫁喎……打得!」
      • 馮盈盈的回應:「我……我諗係兇狠嘅意思應該係啱啱打落去嘅時候有個力度喺度,咁其實呢一個都係……根據導演所講啦話,真係拍攝嘅時候,Roll機要用盡全力,全力以赴咁樣去打囉!咁所以先會感覺有一個嗰種習武之人嗰種氣勢出嚟。」
    • 報章記者追問:「有無學過呢啲即係武術呀?或者嗰啲咁樣呀?」
      • 馮盈盈的回應:「即係今日所嘗試嘅劍道呢,就之前中……都未嘗試過嘅,咁但係話習武呢,就之前有短暫學習過泰拳,咁雖然當初學嘅時候呢,目的唔係為咗真係要練好一身好武功,咁其實係為咗減肥,咁但係呢就當中學到一啲點樣運用身體一啲力量嘅技巧呢,喺今日都有幫助到囉!例如點樣用條腰帶啲力出黎嗰啲,都有幫助點樣用力揮劍呀。」
  • 2016年8月19日:2016香港小姐於日本福岡縣八女市拍攝學習打太鼓
    • 被報章記者問及學習打太鼓時的表現……
      • 馮盈盈的回應:「我覺得無論點樣都有進步空間嘅,始終都係我地今日第一日學,咁但係我覺得So Far對我地嘅表演,我都已經好滿意架喇!因為我覺得其實咁短時間嘅練習呢,但係我地四個人呢,都可以好合拍咁樣演奏到師父所教嘅節奏,咁剛才觀眾睇完都有拍手,我諗都算係一個小小嘅肯定嚟嘅!」
    • 當報章記者發現馮盈盈的右手被鼓棍擦損流血……
      • 馮盈盈的回應:「就係握棍嗰個虎口位囉!可能係即係用力唔啱,所以就擦損甩皮,咁就有小小流血,仲唔小心整污糟咗支棍,諗緊點樣還畀比人好。」
  • 2016年8月21日:2016香港小姐完成日本外景拍攝返回香港
    • 在電視娛樂新聞的報導中,指出馮盈盈「自參選以嚟就被視為大熱,佢地嘅一舉一動更加係唔少網民嘅討論焦點添!」而主持人黃文意亦指出:「我哋有好多男藝人呢,都非常之鍾意你啦,其實係……你係一個大熱門嚟嫁喎?有無覺得好開心呀?」
      • 馮盈盈的回應:「啊!我而家先至知,咁我對於…對…原來有咁多藝人支持我,我覺得非常之榮幸同開心啦!咁但係話繼續作為大熱門,即係會唔會有壓力呀或者覺得有乜嘢期望,我都唔會囉!因為其實都係用返個平常心盡自己努力就最好嘞!咁希望大家可以期待下我哋嚟緊嘅表演啦!」 [19]
  • 2016年8月25日:港姐化妝品贊助商宣傳活動後
    • 馮盈盈被報章記者問及有關由該報所舉辦的「港姐評選投票」時……
      • 馮盈盈的回應:「我晚晚都有睇啊,其實!」(報章記者追問:「但係你個票數好飄忽喎!你呢而家變返第四咋喎!」)「我見到呀!所以即係話呢一個投票呢,其實戰況非常之激烈囉!真係睇少一眼,睇少一晚呢,都會Miss咗最新嘅賽果更新。」
      • 馮盈盈再回應跟進行動時,表示:「坐言起行、Call爆親朋囉!」(報章記者問:「有無咁做㗎,你真係?」馮盈盈苦笑地說:「有!盡力㗎喇!」「係!咁樣所以呢……既然我咁盡力嘅話呢,希望大家都可以再出力啲支持我,俾多幾個LIke我,等我可以再上返去或者等個戰況有更多嘅更新吖!」
  • 2016年8月31日:《2016香港小姐競選》「全城熱選」名車抽獎活動:
    • 在電視娛樂新聞中,被問及如何備戰決賽時:
      • 馮盈盈的回應:「我覺得嚟到即係呢一個階段嘅話呢,比較要當務之急,係熟悉返個比賽賽制添呀!所以我已經不停返睇返過往幾年嘅即係香港小姐比賽呢……嚟睇返例如當時佳麗嘅表現呀,同埋例如評判……評判呀、司儀呀,同佢哋嘅對答會係點樣囉!」
      • 主持人黃建東追問:「有乜心得呢?睇返過往?有無邊個係最……你最Impress (印象難忘) 嘅呢?你覺得?」
      • 馮盈盈的回應:「我覺得上年其中一位佳麗郭嘉文呢,佢當日嘅表現好淡定,喺之後問答環節入便嘅即係個對答呢亦都好有趣呀!我睇完都覺得好……即係好令我耳目一新呀,好得意。」[20]
  • 2016年9月3日:《2016香港小姐競選》「全城熱選」拉票
    • 在活動中,主持人陸浩明請各佳麗自選一張在港姐活動期間所拍攝的圖片作出描述……
      • 馮盈盈的發言:
        • 大家好,我係馮盈盈Crystal,相入面嘅我正同另一位佳麗Angellica (關可欣) 格劍,學習劍道嘅精神。我記得嗰日,我係用盡全力,豪不保留咁同Angel競技,打得非常之激烈,之後嗰日我直情連揸筷子都會手震,大脾都酸軟咗兩日。
        • 你可能問我,點解要咁落力?因為我覺得咁先係劍道精神,面對挑戰,要用盡全力,奮戰到底,嚟鍛煉出堅定嘅心智,同埋處變不驚嘅勇氣,9月11日就係我哋嘅決賽,我希望可以用劍道精神,嚟保持我打不死嘅鬥智,呈現出最美一面比你哋睇。
        • 喺大學既時候我學過一句話,就係「博盡無悔」,我希望用「博盡」嘅態度,凡事都努力去做,能將你哋打動,投票落我度,請支持6號馮盈盈Crystal,多謝!
  • 2016年9月11日:香港小姐競選決賽
    • 第七部份:即席演講環節
      • 馮盈盈的發言:「盈盈」呢個名,係我爸爸喺我出世嘅時候改俾我,之後就一直陪伴住我;我嘅英文名係晶瑩嘅Crystal,我係大學讀嘅係營養學。嚟到選港姐,我感受到嘅係一股凝聚力,去凝聚咗我全家,特別係我爸爸,我Daddy平時做嘢好忙,其實我哋好少時間傾計同見面,(開始聲淚俱下)但自我參選港姐之後,原來佢日日都有追睇我嘅新聞,然後就算幫我拉票都好不遺餘力,連打電話Cold Call、電話傳銷都追住佢,都叫住佢投我票。我真係好多謝佢亦都好感恩有個咁嘅爸爸,所以我一直都好努力,希望可以……佢會因為我呢個女而感到驕傲,嚟到呢一刻,我已經行到嚟呢一步,爸爸,我希望你會有因為我呢個女而……同埋有呢個屋企而感到驕傲,同埋記住我哋永遠都係屋企人!你聽到嗎?多謝![21]
  • 2016年9月23日:港姐港男觀眾投票名車頒獎儀式
    • 於電視娛樂新聞中,對於感謝「粉絲」支持……
      • 馮盈盈的回應:「咁無佢哋支持,其實真係無可能行到嚟呢一步嘅!咁呢一個……而且真係事實上啦,要全靠各位嘅投票支持呢,先可以令我可以,即係登上而家呢一個寶座嘅!咁所以呢,其實你哋每一位呢,然後之後所再有俾我嘅一啲……例如恭喜嘅Massage呀等等,我全部都收到架!咁但係可能即係因為太多啦,同埋時間真係未夠去逐個回覆你哋,咁都好想藉呢個機會啦,其實答謝返各位你哋嘅祝福啦,同鼓勵,我全部都收到!而且衷心多謝你哋!」
  • 2016年11月21日:電視慈善籌款節目《歡樂滿東華2016》新聞界招待會
    • 於電視娛樂新聞中,與同屆港姐亞軍劉穎鏇及季軍陳雅思被問及當晚的表演項目:
      • 馮盈盈的回應:「咁我哋而家呢......好努力已經準備緊㗎嘞!但係又唔想破壞個神秘感,咁我所以呢就係都係呼籲大家到時 Stay Tune (不要轉台,收看節目),睇下我哋當晚會表演啲乜嘢啦!」
  • 2017年1月15日:《2017年度國際中華小姐競選》
    • 開場發言:「我係三號馮盈盈,嚟自香港。」;「有人話我係「港女」,其實「港女」嘅特質就係真,無論係乜嘢場合,都堅持做最真嘅自己,今晚希望我呢一份真,可以打動你吔每一位啦!」
  • 2017年3月14日:電視台《50周年獻禮》記者會:
    • 有關2017年度《香港小姐競選》及《香港先生選舉》的介紹
      • 當丁子朗主持自拍環節,請馮盈盈跟觀眾打招呼時,馮盈盈表示:「哎呀!你等我化埋呢個妝先啦!就嚟出場啦!」(丁子朗:Say個Hi先啦!)馮盈盈表現得有點驚訝,表示:「你開緊Live㗎?又唔講聲嘅?」(之後與劉穎鏇一起透過自拍手機向觀眾問好:Hi!)
      • 在論及2017年港姐、港男所加入的視頻直播元素時,馮盈盈表示:「係啦,如果有好似子朗……咁有城府嘅隊友呢真係要無時無刻都要提防喇!」
      • 而談論在參與視頻直播的心得時,馮盈盈表示:「我覺得呢一個係好好嘅平台啦,即係唔需要剩係喺個Show上面可以宣傳到自己,而係平時有唔同機會呢,都可以同大家多啲接觸囉!咁我直情有個提議添,我覺得應該可以試吓呢直播我哋平時返TVB化妝,我知道大家都好有興趣想睇我哋化妝前、化妝後嘅樣。」
  • 2017年4月14日:馮盈盈在個人Facebook Live《深宵時分》中:[22]
    • 在談及參選香港小姐的原因時:
      • 「但係入到U之後,咁我又再諗下,Um,有啲乜嘢可以真係再更加令佢開心呀,即係令佢更加好 Proud of 我啦,或同埋我細佬啦咁樣,或者Proud of我哋成個 Family 咁樣啦;咁所以就決心做一壇『驚天地、泣鬼神』,係…即係出人頭地嘅事。」
      • 「即係好想試下一啲你可能細個諗過,但係又大…慢慢又越嚟越大呢,覺得自己做唔到嘅嘢呢,咁但係…而家就想博一鋪去試一試嘅話,去選港姐吖!」
  • 2017年9月3日:香港小姐競選決賽
    • 第八部份:卸任感言
      • 「踏上同一個舞台,今日我嘅身份已經唔同,喺過去呢一年,好感恩香港小姐讓我夢想成真,帶我踏上意想不到嘅精彩旅程,同時帶俾我磨練同成長嘅機會。」
      • 「每個人對美都有唔同嘅定義,我曾經希望可以爭取到所有人嘅認同,係香港小姐令我明白:只有學識欣賞同忠於自己,先可以流露出最自然、自信嘅美。」
      • 「喺往後嘅日子,我期望自己可以保持真我,真摯待人,即使面對逆境亦絕不低頭,迎難而上,喺度我祝願新一屆嘅香港小姐可以活出真我,閃耀出獨一無二嘅光芒,做最真實嘅自己,成為自己人生嘅贏家。」
  • 2018年2月4日:《2017年度國際中華小姐競選》後Facebook、Instagram貼文:
    • 「The moment I heard your name being announced, I almost screamed out of happiness! Thrilled to pass on my crown to you once again and crown you as the new 2018 Miss Chinese International Second Runner Up, Your performance tonight is just amazing! We are so proud of you!」
  • 2018年7月22日:《大公司周年慶》
    • 「要忠於自我,敢於挑戰,就可以成就真正嘅自己!」
  • 2018年8月10日:《Think Big 天地》之《Little Miss Hong Kong》環節
    • 「我由細細個三歲開始呢,就有想成為香港小姐呢一個夢想嘅!」

電視節目語錄[编辑]

  • 2017年7月4日:當日播出的電視節目《#後生仔傾吓偈》
    • 馮盈盈問孔德賢:「你有無邊個ex(前度女朋友)好似楊怡係咁?」
    • 孔德賢:「你又知我之前拍過拖?」
    • 馮盈盈:「哦!原來係處!」
  • 2017年12月19日:《後生仔傾吓偈》第45集:《中學回憶之樂器與校服》
    • 「呢套真係㗎!啲針窿呀,真係全部喺度,真係著開㗎呢套!」
    • 「因為靚吖嘛!我好 Proud Of 我自己學校套校服㗎!」
  • 2017年12月30日:與陸浩明、麥明詩主持《2017年度勁歌金曲頒獎典禮》電視現場直播節目
    • 《抖肩舞》環節:
      • 陸浩明:「咁多歌手喺度,不如一齊Jam下囉,好唔好呀?」
        • 麥明詩回應:「好呀!」
      • 陸浩明:「Music!」(其後陸浩明、麥明詩、馮盈盈三人開始舞動)
      • 馮盈盈:「呢個「抖肩舞」我想玩好耐㗎喇!」
      • 陸浩明:「第一位盈盈,佢把口唔生性,唱歌跳舞唔係好醒,剩係識講『1』同『0』!」
        • 馮盈盈狀有不滿,問陸浩明:「喂!」(陸浩明不明所以,問:「咩嘢呀?」)
      • 馮盈盈:「第二位主持麥明詩,佢咩嘢都識啲啲,平時份人懶正經,但就成日去開P!」
        • 麥明詩回應:「That's right!」
      • 麥明詩:「第三位叫陸浩明,佢昅女就眼定定,成日覺得自己好型,剩係同肥媽傳情。」
  • 2017年12月31日:於社交平台回應主持《勁歌金曲頒獎典禮》司儀工作:
    • 馮盈盈的留言:[23]
      • 「2017完結前,慶幸自己又有多一個第一次:第一次擔任大騷司儀,就是主持其中一個突發狀況最多的直播節目《勁歌金曲頒獎典禮》。」
      • 「由收到通告那刻就知道這是一個大挑戰,即使再多準備和排練都一定會有變數,所以最考司儀的臨場應變和轉數。」
      • 「昨晚說我不緊張就騙人的 ,第一次主持就要對住一大班專業歌手,還要先又唱又跳表演,期間還因爲節目超時而不斷有改動,全日無一刻放鬆過。」
      • 「回看昨晚表現,自己還有很多地方要改善和學習,多謝陸浩明、還有好拍擋麥明詩,從你們身上我學到了很多主持技巧,我知道無論背後難處或苦衷如何,最著眼還是出來的表演成果。感謝台前幕後的所有工作人員,全靠你們在背後用心策劃和籌備才有這個Good Show!」
      • 「當然還有所有出席參與的歌手,你們的表演十分出色,你們是整晚的主角,最後要恭喜所有得獎歌手,多謝你們為廣東歌作出的貢獻。」
      • 「2018年快到,寄予自己新一年繼續進步,吸收更多經驗,變得更熟練,2018年再見大家!」
  • 2018年01月11日:《後生仔傾吓偈》第52集《後生仔有幾迷信?》
    • 當談及自己姓名的由來時:
      • 馮盈盈:「講到個名呢,其實我個名呢都有意思㗎!」「所以我嗰個呢,唔係跟風水嘅!就係其實係跟返當時呢重播嘅,我特登上網Check返㗎,原來呢…當《上海灘》首映嘅時候呢,(19)94年呢佢就再重播,所以點解呢我阿爸阿媽改名嘅時候呢,就突然間言念起呢套劇入面個女主角馮程程,咁佢地呢就言念住以呢個做藍本啦,但一開頭就言念住叫「婷婷」嘅,但又覺得好似停停咁就好似停喺度,唔係好意頭,於是就改咗做「盈盈」,因為佢又想我開開心心,會成日笑咁樣囉!」
  • 2018年11月13日:《後生仔傾吓偈》第216集 《愛情教室:情侶間的尊卑》
    • 馮盈盈:「咁多年嚟呀,嘅十A狀元再加埋做醫生嘅呢,都有好多嘅!但係咁多年嚟呀,只有五(應為四)十幾位港姐(冠軍),我就係其中一個喇!」
    • 麥明詩:「跟住再同佢講話,你知唔知呀,有十幾萬人投票比我,選我做冠軍㗎!」(麥明詩於2015年港姐競選中獲16萬6654人的冠軍支持票當選為冠軍。)
    • 馮盈盈:「係呀,我嘅認受性好大㗎!喺2016年我係全香港 Number One 㗎!」
    • 麥明詩:「我話俾你聽,我多過六百幾票㗎!」
    • 馮盈盈:「所以到目前為止呢,我已經有無可憾動嘅地位喺度㗎!」
  • 2018年12月16日:《萬千星輝頒獎典禮2018》
    • 當馮盈盈於獲頒「飛躍進步女藝員」獎時,期間一度目瞪口呆,她在頒獎台上的發言:
      • 「唔好意思呀!因為我一直都以為自己唔會拎呢個獎,我無諗過講咩嘢!仲諗住…頒完就去洗手間呀,唔…呀…我…首先多謝煒哥(陳煒)、多謝黑仔哥(姜皓文)頒呢個獎俾我,亦都多謝公司咁多位…am…願意俾呢個獎我。但係其實我要喺度講,我覺得自己係未夠班架,如果俾我自己講嘅話。所以我一定要好多謝…好多謝一直以嚟畀過我機會嘅人俾我,因為…我覺得自己其實…表演未夠滿份啦,成日都好多可以再進步嘅空間,但係佢哋都好大膽,即係願意肯俾機會我,所以我每次都好努力去把握呢啲機會,想做得最好嘅!但係我知道…嚟緊係要更加努力、更加進步先可以令到自己deserve呢個獎嘅!另外,最後就喺度多謝所有幫過我、指導過我嘅人,例如同我拍過戲嘅所有拍檔,因為我知道自己其實…表現係未合格,你哋永遠都好Carry我啦,即係幫我好多先可以做到而家可以…即係可以俾大家見到嘅嘢嘅!呀!我都仲係好「Over-warm」(應為「Overwhelmed」),唔好意思呀!呀…我會繼續努力做好啦未來!多謝!多謝!」

廣告語錄[编辑]

  • 2017年10月26日:當日推出的「美膚泥漿」電視廣告:[24]
    • 「冠軍級人馬,緊係要用冠軍級產品啦!」

音樂視頻演出[编辑]

  • 2017年12月25日:電視台《娛樂新聞報導》《到此一遊》專訪:
    • 當主持人秦啟維問及排舞的過程時:
      • 馮盈盈表示:「因為半夜大家得閒吖嘛!」
    • 而對於主持人秦啟維問及:「大家有無諗過將呢個組合……不如再出歌呢,延續落去啦!」
      • 馮盈盈說笑地說:「好!然後進軍韓國樂壇,即係反攻佢哋!」

參考資料[编辑]

Wikipedia-logo.png
维基百科中的相关条目:
  1. 【港姐首輪面試】港大馮盈盈最靚愛放閃 上海黑馬董懿琳有背景》(香港01,2016年6月8日)
  2. 「甫士王」馮盈盈牛一拗S腰(Yahoo!,2016年6月12日)
  3. 馮盈盈Instagram貼文,2016年6月24日
  4. 2016年度香港小姐自我介紹片段—馮盈盈》(TVB,2016年度香港小姐競選,2016年7月14日)
  5. 《2016香港小姐競選公布20強》(TVB一線娛樂,2016年7月25日)
  6. 《2016香港小姐競選首輪淘汰 公布20位晉級佳麗》(TVB娛樂新聞,2016年7月25日)
  7. 口才突擊測試 口窒窒答標準答案》 (香港01 Youtube,2016年7月26日)
  8. 口才突擊測試 口窒窒答標準答案》(香港01,2016年7月26日 22:13)
  9. 馮盈盈着喱士裙凸顯文靜風格》 (巴士的報Youtube,2016年7月26日)
  10. 《香港小姐拍攝宣傳片》(TVB一線娛樂,2016年8月1日)
  11. 《港姐進入最後淘汰階段 最後十強由評審及觀眾選出》(TVB娛樂新聞,2016年8月4日)
  12. 香港小姐驚現朗誦型佳麗 賽制殘酷決賽只剩10人》 (魔方全媒Youtube,2016年8月4日)
  13. 《香港小姐各佳麗拉票》(TVB一線娛樂,2016年8月8日)
  14. 香港小姐2016記者會,2016 Miss HK Press Conference》 (wanderingcat_hk的Youtube片段,2016年8月4日)
  15. 【港姐2016】大熱互out測試 黃鍶雅揀劉穎鏇:佳麗中最細》 (香港01,2016年8月5日)
  16. 《與苗彤首度會面 20位佳麗盼交流攝影心得》(TVB娛樂新聞,2016年8月12日)
  17. 《2016年度香港小姐競選十強誕生》(TVB一線娛樂,2016年8月15日)
  18. 《2016年度香港小姐競選十強誕生》(TVB東張西望,2016年8月15日)
  19. 《港姐十強完成福岡拍攝回港 關可欣陳雅思難忘學劍道》(TVB娛樂新聞,2016年8月22日)
  20. 《港姐港生投票展開 代蓮曦丹美未敢鬆懈》(TVB娛樂新聞,2016年8月31日)
  21. 《2016年度香港小姐競選決賽》(2016年9月11日)
  22. 《深宵時分》》(馮盈盈個人Facebook Live,2017年4月14日)
  23. 馮盈盈Facebook Page》(馮盈盈Facebook Page,2017年12月31日)
  24. BORGHESE FANGO美膚泥漿電視廣告》(2017年10月26日)



维基语录链接:名人名言 - 文学作品 - 谚语 - 电影对白 - 主题 - 分类