冯盈盈

冯盈盈（Crystal Fung，1994年6月10日—），是一名香港电视节目主持人，为2016年度香港小姐竞选冠军。

香港小姐竞选语录

• 2016年6月24日：Facebook、Instagram贴文
  • “我相信吸引力法则，笑著笑著就会变得快乐，保持心境开朗就会吸引正能量。面对悲伤消息不断，就更要勇敢地笑，为身边人带来鼓舞及正能量，支持下去。So smile for no reason, and give someone else reason to smile.”
• 2016年7月14日《港姐首晤新闻界》媒体见面会：
  • 谈及应战准备时，冯盈盈回应：
    • “我谂应该系关于我近排都系有好努力咁样节食啦，再加早睡早起啦，做运动啦，咁我谂若果大家都做足呢以上几点嘅话呢，其实对于整个人既状态睇上去都会精神爽利嘅。”(之后傻笑，亦被记者提醒放慢语速。)冯盈盈补充：“知道，因为都有为咗保持返个好啲个体态呢，咁就有节食啦！咁当然就无过度节食嘅！咁始终都要有返基本既营养嘛！咁然后早睡早起休息啦，都好重要嘅。”记者再问：“系咪有护肤啊？”冯盈盈再回应：“系啊！系啊！我觉得皮肤状态都好紧要家嘛。咁所以休息多啲，饮多啲水呀，同埋做运动啦，希望成个身形睇起上去会紧致啲，因为之前有报导话我手臂有明显堕肉，咁所以针对呢个(问题)，我都有好努力去做Gum，锻炼返下嘅。”
  • 谈及自己的胜算，被记者问及：“你惊唔惊成为公敌呀？个个都话你大热噃！”
    • 冯盈盈回应：“我觉得今日天气的确好大热嘅，咁但系对我自己系咪真系咁大热呢？我又觉得未呀！因为今届嘅佳丽们呢，质素非常平均啦！其实有阵时，我自己睇呢都觉得，我地个个都非常之优秀啦，同埋知道有潜力嘅！咁样所以而家暂时断定边位系大热呢都好似言之尚早，咁但系当然如果你话大家对我有呢个评价嘅话呢，我都系觉得亦都系一个好好嘅推动力啦，咁希望可以令我会Keep住呢团火，咁样继续即系…咁样奋斗落去嘅，然之后努力啦！”
• 2016年7月14日：港姐佳丽自我介绍片段
  • 大家好，我系冯盈盈Crystal，今年22岁，系一个土生土长嘅香港女仔。我啱啱喺香港大学食物及营养学毕业，我（嘅）理想职业系成为一位成功嘅营养师；但问到我自小嘅梦想，就系希望可以成为香港小姐。我细个嘅时候已经会贪玩咁拎住支鸡毛扫扮加冕架喇！我相信其他佳丽同我都一样，为咗追求自己嘅梦想而努力，我希望大家可以支持我哋，见证我哋梦想成真，多谢！
• 2016年7月17日电视节目《万千星辉放暑假》中，宣传Mytv Super的对白：
  • “你肯问，我肯答！”
• 2016年7月22日接受《一线娱乐》访问时，对自己的描述：
  • 主持人谭永浩问：“咁你地大家有啲乜嘢嘅Selling Point可以赢到其他廿九位佳丽呢？”
  • 冯盈盈的回应：“我系三十个佳丽入面眉毛最淡嘅，咁所以显得我特别妩媚，有女人味，同埋期待有《武媚娘》开第二集。”（调侃自己是 “无眉娘”）
• 2016年7月23日《最受欢迎广告颁奖典礼》录影前回应记者问：
  • 对于港姐竞选佳丽于7月25日由30人淘汰至20人，冯盈盈的回应：“我觉得做乜嘢事都应该要有信心嘅，咁所以我首先觉得对自己继续咁样……继续落去系有信心啦！但同时呢，其实我对其他佳丽都有信心嘅，因为我觉得今年嘅佳丽质素个个都非常优秀，咁但系最有信心呢，我系觉得观众今年一定可以睇到一个非常之出众啦同激烈既港姐选举，因为各位（佳丽）都应该会出尽浑身解数喺才艺表演度，即系俾最好嘅表演比观众睇啰。咁我相信呢一方面大家都应该要期待一下嘅！”
• 2016年7月25日：香港小姐第三轮淘汰后，她在电视娱乐新闻中的回应：
  • “心情就算松一口气啦！咁因为由即系知道今日要淘汰人开始，都一直非常之紧张，咁昨晚直情紧张到失眠添。”
• 2016年7月26日拍摄港姐广告期间，接受“突击口才测试”专访：
  • 对于大会所提供的服装……
    • 冯盈盈的回应：“嗯……我觉得件件衫都好靓其实，即系无话……而且重要系唔同方面同唔同风格嘅美啰！有啲系动感啲嘅、活泼啲嘅；我呢啲就会比较Classic(古典)啲同优雅啲，咁样就唔同风格唔同嘅味道啰！我觉得无话边件靓啲。”(记者再问：你觉得呢件衫有无著出你嘅味道呀？)冯盈盈再回应：“其实我正想讲，其实呢件衫同我平时有小小自己嘅风格打扮都好相近呀！感觉真系好贴我一向著开嘅Style(风格)同埋性格啰，我好多谢真系公司都配合返一个可以突出返我性格呀，展现到我个性嘅一个服装。”
  • 当记者问冯盈盈怎看自己是热门时……
    • 冯盈盈表示：“热门？吓？我现在真是有点热了。”“其实真系比人叫做热门呢件事，我就觉得真系太过夸奖嘞，同埋言之尚早。而且身为热门呢就最有机会大热倒灶丫嘛，系咪先！咁有阵时候，其实呢一个名都唔知好定唔好呀，我觉得尽力做好自己就最好嘞！”
  • 记者问：“三甲有无机会呢？你觉得……”
    • 冯盈盈的回应：“首先做乜嘢事都应该对自己有自信嘅，咁我觉得就尽力做好自己，已经系自己心目中嘅冠军啰！咁样我……但系话最后出黎结果冠亚季呢，其实真系可以见到过程有好多变数嘅，后面又有好多环节啊，都系去攞分嘅，咁所以而家真系好难拣下。我会努力做到最好，其实……我觉得目标从来无话谂住攞冠亚季任何一个啰，总之就系做到自己最好呀，咁样可以挑战到自己嘅极限同潜能呢，咁我觉得就已经赢左架喇。”
  • 记者问：“你唔想攞冠军啊？”
    • 冯盈盈：“即系……(一时语塞)，我当然会想，呢个由细到大嘅梦想，咁但系话会唔会真系以呢个作为一个目标……亦都会以呢个作为目标去努力嘅；咁但系会唔会话太执著因为佢而去……即系用尽所有一切方法嘅话呢？就……总之就做尽我自己最好嘅就可以喇。”
  • 记者再问：“边个最威胁到你攞冠军呢？”
    • 冯盈盈笑著答：“我真系觉得个个都好有潜质呀！唔系讲笑啊！真系每一个系某一个方面黎睇呢，都系独当一面系第一咁样啰！咁所以就真系好难拣啊，到时呢个交返比评判啦！咁难嘅嘢！”
  • 于同日接受《一线娱乐》访问时，由于当日天气酷热，她在节目中被问及消暑的方法时：
    • 冯盈盈的回应：“一阵上车就会补充啲水份，唔单止可以防止中暑、散热啦！就算对皮肤都可以补湿，即系靓啲吖嘛！”(此节目于2016年8月1日播出)
• 2016年8月4日：香港小姐公众投票宣传活动后：
  • 于接受电视娱乐新闻访问时，冯盈盈透露了决赛夜“才艺表演”的表演项目：
    • 冯盈盈表示：“嚟紧将会表演嘅系魔术嘅呢个项目嚟嘅，咁样点解会拣嘅话，可能系食住返近排呢一个嘅《街头魔法王》啦，咁同时亦都觉得呢个系一个好有娱乐性啦，同埋可以全面展示到我自己个性嘅一个表演项目，咁希望到时可以有机会比观众见到啦！”
  • 于接受报章访问时，被问及对于被冠以“校花”的描述：
    • 冯盈盈的回应：“我唔觉得自己系贵为‘校花’，其实从来无同学之间咁样用呢个称号嚟称呼我嘅。”（记者问：男仔有无呀？）“男仔都无，因为的而且确有位……的而且确系有位名乎其实嘅‘校花’系我同学啰，咁所以经常被人咁称呼嘅呢，系我识得嘅一位同学就并唔系我，所以我谂大家有啲误会喇系！”
  • 记者再问：你觉得个个同学靓啲定你靓啲呀？
    • 冯盈盈的回应：“我觉得每人都有唔同嘅“靓”嘅！”（记者：我知！）“系！”（记者：咁边个靓啲呀？）“嗯……我唔够胆讲呀系！”（记者：即系自己啦？觉得系咪……）“都……都唔系呀！佢个种靓系嗯……我又做唔到个啰！咁但系我觉得自己有种独特嘅魅力，佢应该都扮唔到嘅！”
  • 记者又问及：“唔系男朋友叫埋啲Friend一齐黎呀？投票呀？”亦有记者“问候啊男友”。有记者认为又认为“无同佢提过嘅！”，期间众人大笑。
    • 冯盈盈的回应：“佢的而且确有好多真系嗯……佢都觉得好欣赏嘅佳丽呀！我又唔会真系强迫任何人之后黎投票嘅！我地都嗯……真系鼓励下。”（记者：“你咁都讲佢大镬呀！”，之后众笑）冯盈盈：“之后衷心希望之后各位都会投我一票咁样啰！至于但系最后投左啲乜嘢嘅话，都系大家自由嘅！我地有二十个比你拣嫁！”
  • 被中国内地视频网站的记者问及晋级十强的机会：
    • 冯盈盈以普通话回应：“我也不会有就是害怕去不了日本的感觉，因为我觉得呢……能够进入现在的二十强，已经对我是一种恩赐，还有一些荣幸，所以我把所有之后的事都当作是一个Bonus，就未有特别的想我一定要去到(日本)，还有一定什么要进到十强，当然最后能够跟我们的佳丽们去了日本的话，一定会很高兴，很开心的。”
  • 在2016年8月8日所播出的《一线娱乐》节目访问时，主持人卫志豪请在场港姐佳丽以大约十秒的时间推销自己……
    • 冯盈盈的演绎：“大家好，我系冯盈盈Crystal，熊猫嗰个‘盈盈’，而且无人够我型，因为我有两个‘盈’。”（同时举起右手食指及中指作V字手势，意指两个）
    • 在电视台未有播出的片段中，卫志豪当场笑了一下，并夸赞：“型㖞你真系，你有无乐乐呀！”冯盈盈回应：“我等紧乐乐呀！”卫志豪反问：“你末拍拖咩？”冯盈盈再回应：“如果你俾我入到围嘅话，我就好快快乐乐啰！如果入唔到围就……（卫志豪：就好失失落落呀？）无错！”
• 2016年8月5日：于出席护肤品牌宣传活动后，被记者问及若佳丽之间能互相淘汰，众佳丽会淘汰谁人时……
  • 在文字报导中，冯盈盈的回应是:“这个问题真的有点难答，我会out前面那个，不理我前面那位是谁，到时抽签看看那位排在我前面，那就out她吧。”(注：报导指冯盈盈处于大热门位置，其答案亦十分玄妙，而且答得大体，又有追看性，答案与其他佳丽有所不同。)
• 2016年8月12日，港姐训练期间，大会安排了摄影师苗彤向佳丽讲解摄影技巧，在电视娱乐新闻中，冯盈盈对苗彤的描述……
  • 冯盈盈：“有真系幻想可能就会唔会系啲例如比较资深呀嘅摄影师，之后黎到呢发现呢，其实(摄影师苗彤)同我地年纪差唔多啦，但系呢就有好专业嘅摄影技术。”
• 2016年8月14日：2016香港小姐《公布最后十强佳丽》记者会
  • 在结果公布后，冯盈盈在接受翌日播出的《一线娱乐》及《东张西望》的访问，被问及到日本前的准备时……
    • 冯盈盈的回应：“日本福冈嘅水果应该都会特别鲜甜嘅，所以留定把刀去嗰度切水果。(主持人补充：不过把刀记得摆系个喼嗰度㖞。)冯：系呀！”“之前同屋企讲过话呢，不如睇下今晚有无机会，如果一阵出咗局，就去食自助餐啰！（众笑）而家我谂应该无呢个机会，因为要乖乖地返屋企尽快执嘢。”
• 2016年8月17日：2016香港小姐于日本福冈栉田神社拍摄剑道外景
  • 报章记者看过冯盈盈的剑道示范后，表示：“哗！睇唔出你几凶狠嫁㖞……打得！”
    • 冯盈盈的回应：“我……我谂系凶狠嘅意思应该系啱啱打落去嘅时候有个力度喺度，咁其实呢一个都系……根据导演所讲啦话，真系拍摄嘅时候，Roll机要用尽全力，全力以赴咁样去打啰！咁所以先会感觉有一个嗰种习武之人嗰种气势出嚟。”
  • 报章记者追问：“有无学过呢啲即系武术呀？或者嗰啲咁样呀？”
    • 冯盈盈的回应：“即系今日所尝试嘅剑道呢，就之前中……都未尝试过嘅，咁但系话习武呢，就之前有短暂学习过泰拳，咁虽然当初学嘅时候呢，目的唔系为咗真系要练好一身好武功，咁其实系为咗减肥，咁但系呢就当中学到一啲点样运用身体一啲力量嘅技巧呢，喺今日都有帮助到啰！例如点样用条腰带啲力出黎嗰啲，都有帮助点样用力挥剑呀。”
• 2016年8月19日：2016香港小姐于日本福冈县八女市拍摄学习打太鼓
  • 被报章记者问及学习打太鼓时的表现……
    • 冯盈盈的回应：“我觉得无论点样都有进步空间嘅，始终都系我地今日第一日学，咁但系我觉得So Far对我地嘅表演，我都已经好满意架喇！因为我觉得其实咁短时间嘅练习呢，但系我地四个人呢，都可以好合拍咁样演奏到师父所教嘅节奏，咁刚才观众睇完都有拍手，我谂都算系一个小小嘅肯定嚟嘅！”
  • 当报章记者发现冯盈盈的右手被鼓棍擦损流血……
    • 冯盈盈的回应：“就系握棍嗰个虎口位啰！可能系即系用力唔啱，所以就擦损甩皮，咁就有小小流血，仲唔小心整污糟咗支棍，谂紧点样还畀比人好。”
• 2016年8月21日：2016香港小姐完成日本外景拍摄返回香港
  • 在电视娱乐新闻的报导中，指出冯盈盈“自参选以嚟就被视为大热，佢地嘅一举一动更加系唔少网民嘅讨论焦点添！”而主持人黄文意亦指出：“我哋有好多男艺人呢，都非常之钟意你啦，其实系……你系一个大热门嚟嫁㖞？有无觉得好开心呀？”
    • 冯盈盈的回应：“啊！我而家先至知，咁我对于…对…原来有咁多艺人支持我，我觉得非常之荣幸同开心啦！咁但系话继续作为大热门，即系会唔会有压力呀或者觉得有乜嘢期望，我都唔会啰！因为其实都系用返个平常心尽自己努力就最好嘞！咁希望大家可以期待下我哋嚟紧嘅表演啦！”
• 2016年8月25日：港姐化妆品赞助商宣传活动后
  • 冯盈盈被报章记者问及有关由该报所举办的“港姐评选投票”时……
    • 冯盈盈的回应：“我晚晚都有睇啊，其实！”(报章记者追问：“但系你个票数好飘忽㖞！你呢而家变返第四咋㖞！”)“我见到呀！所以即系话呢一个投票呢，其实战况非常之激烈啰！真系睇少一眼，睇少一晚呢，都会Miss咗最新嘅赛果更新。”
    • 冯盈盈再回应跟进行动时，表示：“坐言起行、Call爆亲朋啰！”(报章记者问：“有无咁做㗎，你真系？”冯盈盈苦笑地说：“有！尽力㗎喇！”“系！咁样所以呢……既然我咁尽力嘅话呢，希望大家都可以再出力啲支持我，俾多几个LIke我，等我可以再上返去或者等个战况有更多嘅更新吖！”
• 2016年8月31日：《2016香港小姐竞选》“全城热选”名车抽奖活动：
  • 在电视娱乐新闻中，被问及如何备战决赛时：
    • 冯盈盈的回应：“我觉得嚟到即系呢一个阶段嘅话呢，比较要当务之急，系熟悉返个比赛赛制添呀！所以我已经不停返睇返过往几年嘅即系香港小姐比赛呢……嚟睇返例如当时佳丽嘅表现呀，同埋例如评判……评判呀、司仪呀，同佢哋嘅对答会系点样啰！”
    • 主持人黄建东追问：“有乜心得呢？睇返过往？有无边个系最……你最Impress (印象难忘) 嘅呢？你觉得？”
    • 冯盈盈的回应：“我觉得上年其中一位佳丽郭嘉文呢，佢当日嘅表现好淡定，喺之后问答环节入便嘅即系个对答呢亦都好有趣呀！我睇完都觉得好……即系好令我耳目一新呀，好得意。”
• 2016年9月3日：《2016香港小姐竞选》“全城热选”拉票
  • 在活动中，主持人陆浩明请各佳丽自选一张在港姐活动期间所拍摄的图片作出描述……
    • 冯盈盈的发言：
      • 大家好，我系冯盈盈Crystal，相入面嘅我正同另一位佳丽Angellica (关可欣) 格剑，学习剑道嘅精神。我记得嗰日，我系用尽全力，豪不保留咁同Angel竞技，打得非常之激烈，之后嗰日我直情连揸筷子都会手震，大脾都酸软咗两日。
      • 你可能问我，点解要咁落力？因为我觉得咁先系剑道精神，面对挑战，要用尽全力，奋战到底，嚟锻炼出坚定嘅心智，同埋处变不惊嘅勇气，9月11日就系我哋嘅决赛，我希望可以用剑道精神，嚟保持我打不死嘅斗智，呈现出最美一面比你哋睇。
      • 喺大学既时候我学过一句话，就系“博尽无悔”，我希望用“博尽”嘅态度，凡事都努力去做，能将你哋打动，投票落我度，请支持6号冯盈盈Crystal，多谢！
• 2016年9月11日：香港小姐竞选决赛
  • 第七部份：即席演讲环节
    • 冯盈盈的发言：“盈盈”呢个名，系我爸爸喺我出世嘅时候改俾我，之后就一直陪伴住我；我嘅英文名系晶莹嘅Crystal，我系大学读嘅系营养学。嚟到选港姐，我感受到嘅系一股凝聚力，去凝聚咗我全家，特别系我爸爸，我Daddy平时做嘢好忙，其实我哋好少时间倾计同见面，（开始声泪俱下）但自我参选港姐之后，原来佢日日都有追睇我嘅新闻，然后就算帮我拉票都好不遗馀力，连打电话Cold Call、电话传销都追住佢，都叫住佢投我票。我真系好多谢佢亦都好感恩有个咁嘅爸爸，所以我一直都好努力，希望可以……佢会因为我呢个女而感到骄傲，嚟到呢一刻，我已经行到嚟呢一步，爸爸，我希望你会有因为我呢个女而……同埋有呢个屋企而感到骄傲，同埋记住我哋永远都系屋企人！你听到吗？多谢！
• 2016年9月23日：港姐港男观众投票名车颁奖仪式
  • 于电视娱乐新闻中，对于感谢“粉丝”支持……
    • 冯盈盈的回应：“咁无佢哋支持，其实真系无可能行到嚟呢一步嘅！咁呢一个……而且真系事实上啦，要全靠各位嘅投票支持呢，先可以令我可以，即系登上而家呢一个宝座嘅！咁所以呢，其实你哋每一位呢，然后之后所再有俾我嘅一啲……例如恭喜嘅Massage呀等等，我全部都收到架！咁但系可能即系因为太多啦，同埋时间真系未够去逐个回复你哋，咁都好想藉呢个机会啦，其实答谢返各位你哋嘅祝福啦，同鼓励，我全部都收到！而且衷心多谢你哋！”
• 2016年11月21日：电视慈善筹款节目《欢乐满东华2016》新闻界招待会
  • 于电视娱乐新闻中，与同届港姐亚军刘颖旋及季军陈雅思被问及当晚的表演项目：
    • 冯盈盈的回应：“咁我哋而家呢......好努力已经准备紧㗎嘞！但系又唔想破坏个神秘感，咁我所以呢就系都系呼吁大家到时 Stay Tune （不要转台，收看节目），睇下我哋当晚会表演啲乜嘢啦！”
• 2017年1月15日：《2017年度国际中华小姐竞选》
  • 开场发言：“我系三号冯盈盈，嚟自香港。”；“有人话我系“港女”，其实“港女”嘅特质就系真，无论系乜嘢场合，都坚持做最真嘅自己，今晚希望我呢一份真，可以打动你吔每一位啦！”
• 2017年3月14日：电视台《50周年献礼》记者会：
  • 有关2017年度《香港小姐竞选》及《香港先生选举》的介绍
    • 当丁子朗主持自拍环节，请冯盈盈跟观众打招呼时，冯盈盈表示：“哎呀！你等我化埋呢个妆先啦！就嚟出场啦！”（丁子朗：Say个Hi先啦！）冯盈盈表现得有点惊讶，表示：“你开紧Live㗎？又唔讲声嘅？”（之后与刘颖旋一起透过自拍手机向观众问好：Hi！）
    • 在论及2017年港姐、港男所加入的视频直播元素时，冯盈盈表示：“系啦，如果有好似子朗……咁有城府嘅队友呢真系要无时无刻都要提防喇！”
    • 而谈论在参与视频直播的心得时，冯盈盈表示：“我觉得呢一个系好好嘅平台啦，即系唔需要剩系喺个Show上面可以宣传到自己，而系平时有唔同机会呢，都可以同大家多啲接触啰！咁我直情有个提议添，我觉得应该可以试吓呢直播我哋平时返TVB化妆，我知道大家都好有兴趣想睇我哋化妆前、化妆后嘅样。”
• 2017年4月14日：冯盈盈在个人Facebook Live《深宵时分》中：
  • 在谈及参选香港小姐的原因时：
    • “但系入到Ｕ之后，咁我又再谂下，Um，有啲乜嘢可以真系再更加令佢开心呀，即系令佢更加好 Proud of 我啦，或同埋我细佬啦咁样，或者Proud of我哋成个 Family 咁样啦；咁所以就决心做一坛‘惊天地、泣鬼神’，系…即系出人头地嘅事。”
    • “即系好想试下一啲你可能细个谂过，但系又大…慢慢又越嚟越大呢，觉得自己做唔到嘅嘢呢，咁但系…而家就想博一铺去试一试嘅话，去选港姐吖！”
• 2017年9月3日：香港小姐竞选决赛
  • 第八部份：卸任感言
    • “踏上同一个舞台，今日我嘅身份已经唔同，喺过去呢一年，好感恩香港小姐让我梦想成真，带我踏上意想不到嘅精彩旅程，同时带俾我磨练同成长嘅机会。”
    • “每个人对美都有唔同嘅定义，我曾经希望可以争取到所有人嘅认同，系香港小姐令我明白：只有学识欣赏同忠于自己，先可以流露出最自然、自信嘅美。”
    • “喺往后嘅日子，我期望自己可以保持真我，真挚待人，即使面对逆境亦绝不低头，迎难而上，喺度我祝愿新一届嘅香港小姐可以活出真我，闪耀出独一无二嘅光芒，做最真实嘅自己，成为自己人生嘅赢家。”
• 2018年2月4日：《2017年度国际中华小姐竞选》后Facebook、Instagram贴文：
  • “The moment I heard your name being announced, I almost screamed out of happiness! Thrilled to pass on my crown to you once again and crown you as the new 2018 Miss Chinese International Second Runner Up, Your performance tonight is just amazing! We are so proud of you!”
• 2018年7月22日：《大公司周年庆》
  • “要忠于自我，敢于挑战，就可以成就真正嘅自己！”
• 2018年8月10日：《Think Big 天地》之《Little Miss Hong Kong》环节
  • “我由细细个三岁开始呢，就有想成为香港小姐呢一个梦想嘅！”

电视节目语录

• 2017年7月4日：当日播出的电视节目《#後生仔傾吓偈》
  • 冯盈盈问孔德贤：“你有无边个ex（前度女朋友）好似杨怡系咁？”
  • 孔德贤：“你又知我之前拍过拖？”
  • 冯盈盈：“哦！原来系处！”
• 2017年12月19日：《後生仔傾吓偈》第45集：《中学回忆之乐器与校服》
  • “呢套真系㗎！啲针窿呀，真系全部喺度，真系著开㗎呢套！”
  • “因为靓吖嘛！我好 Proud Of 我自己学校套校服㗎！”
• 2017年12月30日：与陆浩明、麦明诗主持《2017年度劲歌金曲颁奖典礼》电视现场直播节目
  • 《抖肩舞》环节：
    • 陆浩明：“咁多歌手喺度，不如一齐Jam下啰，好唔好呀？”
      • 麦明诗回应：“好呀！”
    • 陆浩明：“Music！”（其后陆浩明、麦明诗、冯盈盈三人开始舞动）
    • 冯盈盈：“呢个“抖肩舞”我想玩好耐㗎喇！”
    • 陆浩明：“第一位盈盈，佢把口唔生性，唱歌跳舞唔系好醒，剩系识讲‘１’同‘０’！”
      • 冯盈盈状有不满，问陆浩明：“喂！”（陆浩明不明所以，问：“咩嘢呀？”）
    • 冯盈盈：“第二位主持麦明诗，佢咩嘢都识啲啲，平时份人懒正经，但就成日去开Ｐ！”
      • 麦明诗回应：“That's right！”
    • 麦明诗：“第三位叫陆浩明，佢昅女就眼定定，成日觉得自己好型，剩系同肥妈传情。”
• 2017年12月31日：于社交平台回应主持《劲歌金曲颁奖典礼》司仪工作：
  • 冯盈盈的留言：
    • “2017完结前，庆幸自己又有多一个第一次：第一次担任大骚司仪，就是主持其中一个突发状况最多的直播节目《劲歌金曲颁奖典礼》。”
    • “由收到通告那刻就知道这是一个大挑战，即使再多准备和排练都一定会有变数，所以最考司仪的临场应变和转数。”
    • “昨晚说我不紧张就骗人的 ，第一次主持就要对住一大班专业歌手，还要先又唱又跳表演，期间还因为节目超时而不断有改动，全日无一刻放松过。”
    • “回看昨晚表现，自己还有很多地方要改善和学习，多谢陆浩明、还有好拍挡麦明诗，从你们身上我学到了很多主持技巧，我知道无论背后难处或苦衷如何，最著眼还是出来的表演成果。感谢台前幕后的所有工作人员，全靠你们在背后用心策划和筹备才有这个Good Show！”
    • “当然还有所有出席参与的歌手，你们的表演十分出色，你们是整晚的主角，最后要恭喜所有得奖歌手，多谢你们为广东歌作出的贡献。”
    • “2018年快到，寄予自己新一年继续进步，吸收更多经验，变得更熟练，2018年再见大家！”
• 2018年01月11日：《後生仔傾吓偈》第52集《后生仔有几迷信？》
  • 当谈及自己姓名的由来时：
    • 冯盈盈：“讲到个名呢，其实我个名呢都有意思㗎！”“所以我嗰个呢，唔系跟风水嘅！就系其实系跟返当时呢重播嘅，我特登上网Check返㗎，原来呢…当《上海滩》首映嘅时候呢，(19)94年呢佢就再重播，所以点解呢我阿爸阿妈改名嘅时候呢，就突然间言念起呢套剧入面个女主角冯程程，咁佢地呢就言念住以呢个做蓝本啦，但一开头就言念住叫“婷婷”嘅，但又觉得好似停停咁就好似停喺度，唔系好意头，于是就改咗做“盈盈”，因为佢又想我开开心心，会成日笑咁样啰！”
• 2018年11月13日：《後生仔傾吓偈》第216集 《爱情教室：情侣间的尊卑》
  • 冯盈盈：“咁多年嚟呀，嘅十Ａ状元再加埋做医生嘅呢，都有好多嘅！但系咁多年嚟呀，只有五（应为四）十几位港姐（冠军），我就系其中一个喇！”
  • 麦明诗：“跟住再同佢讲话，你知唔知呀，有十几万人投票比我，选我做冠军㗎！”（麦明诗于2015年港姐竞选中获16万6654人的冠军支持票当选为冠军。）
  • 冯盈盈：“系呀，我嘅认受性好大㗎！喺2016年我系全香港 Number One 㗎！”
  • 麦明诗：“我话俾你听，我多过六百几票㗎！”
  • 冯盈盈：“所以到目前为止呢，我已经有无可憾动嘅地位喺度㗎！”
• 2018年12月16日：《万千星辉颁奖典礼2018》
  • 当冯盈盈于获颁“飞跃进步女艺员”奖时，期间一度目瞪口呆，她在颁奖台上的发言：
    • “唔好意思呀！因为我一直都以为自己唔会拎呢个奖，我无谂过讲咩嘢！仲谂住…颁完就去洗手间呀，唔…呀…我…首先多谢炜哥（陈炜）、多谢黑仔哥（姜皓文）颁呢个奖俾我，亦都多谢公司咁多位…am…愿意俾呢个奖我。但系其实我要喺度讲，我觉得自己系未够班架，如果俾我自己讲嘅话。所以我一定要好多谢…好多谢一直以嚟畀过我机会嘅人俾我，因为…我觉得自己其实…表演未够满份啦，成日都好多可以再进步嘅空间，但系佢哋都好大胆，即系愿意肯俾机会我，所以我每次都好努力去把握呢啲机会，想做得最好嘅！但系我知道…嚟紧系要更加努力、更加进步先可以令到自己deserve呢个奖嘅！另外，最后就喺度多谢所有帮过我、指导过我嘅人，例如同我拍过戏嘅所有拍档，因为我知道自己其实…表现系未合格，你哋永远都好Carry我啦，即系帮我好多先可以做到而家可以…即系可以俾大家见到嘅嘢嘅！呀！我都仲系好“Over-warm”（应为“Overwhelmed”），唔好意思呀！呀…我会继续努力做好啦未来！多谢！多谢！”
• 2020年7月14日：《开心速递》第937集《岛大FYY》
  • “你觉得我似冯盈盈呀？我觉得佢靓啲㖞！”

广告语录

• 2017年10月26日：当日推出的“美肤泥浆”电视广告：
  • “冠军级人马，紧系要用冠军级产品啦！”

音乐视频演出

• 2017年12月25日：电视台《娱乐新闻报导》《到此一游》专访：
  • 当主持人秦启维问及排舞的过程时：
    • 冯盈盈表示：“因为半夜大家得闲吖嘛！”
  • 而对于主持人秦启维问及：“大家有无谂过将呢个组合……不如再出歌呢，延续落去啦！”
    • 冯盈盈说笑地说：“好！然后进军韩国乐坛，即系反攻佢哋！”

参考资料

维基百科中的相关条目：

冯盈盈

---

维基语录链接：名人名言 - 文学作品 - 谚语 - 电影/电视剧对白 - 游戏台词 - 主题 - 分类