整蛊专家
台词
[编辑]古晶（周星驰饰）
[编辑]- 早晨！我就系人称玉树临风嘅整蛊专家，古晶。
- 失礼惭愧，咪点叫整蛊专家？
- 我嘅真正身份系改进社会风气、疯魔万千少女、提高年青人嘅内涵、刺激电影市道、玉树临风嘅整蛊专家，古晶。英文名叫Jing Koo.
- 我呢只就系霹雳雷电快到冇影剥裤手，系我老窦廿五年前嘅产品。
- 我系古晶，六岁出嚟擦鞋帮补家计，八岁卖血帮阿妈医病，十岁考会考攞九优一良，十五岁攞十大杰出青年。我觉得自己好靓仔，叶子楣亦都好贤良淑德，陈百祥系世界上最叻嘅人，袁木好诚实，李鹏系我哋最伟大嘅领袖！
对话
[编辑]你唔好去抢？
[编辑]- 客人（成奎安饰）：八万？你唔好去抢？
- 古晶（周星驰饰）：错，系好过去抢。
你哋嘅眼神已经出卖咗你哋
[编辑]- 车文杰（刘德华饰）：早晨！
- 沙漠超（王晶饰）：你细佬又话今日返工嘅？九点几嘞！
- 车文杰：佢话著靓啲先返工。
- 古晶：大佬！
- 车文杰：你似大佬多啲！
- 古晶：诶，你唔使讲。我知你哋梗系觉得我好型，因为你哋嘅眼神已经出卖咗你哋。（有人经过）望乜啊𡃁仔！肥仔，啤乜啊？我个位呢？
淫贱不能移
[编辑]- 古晶：单眼佬呢？
- 店员（曹查理饰）：炒咗嘞。我又叫单眼佬。
- 古晶：你四眼佬咋吓嘛？
- 店员：我成日同人哋单眼嘅嘛。
- 古晶：何解呢？
- 店员：一条麻甩佬葸葸缩缩嚟揾单眼佬，梗系买单眼嗰啲嘢嘞！
- 古晶：你又知？
- 店员：你嗰淫样吖嘛！
- 古晶：你亦够贱吖！佩服佩服！
- 店员：彼此彼此啦！
- 古晶：既然大家都系同道中人，我亦都不妨话你知，我今次嚟，系要买喺三步之内令人发姣于无影无形，当今世上嘅催情圣药：淫贱不能移！
- 店员：哈哈，我知啊！
- 古晶：知就剌剌声啊。
- 店员：不过，我哋做正经生意，唔卖呢啲嘢嘅！
- 古晶：你又同我单眼？
- 店员：但系我而家良心发现啊。
- 古晶：（掏钱）揞住个良心佢。
- 店员：我良心好大嘅！
- 古晶：呢张怕且够揞嘞啩？
- 店员：啖就差唔多。
我要努力向上
[编辑]- 古晶：阿哥，今日我可以著到好似你啖一模一样样嚟返工，我好开心。
- 车文杰：啖咪好啰，似返个人。
- 古晶：阿哥，我要！
- 车文杰：乜啊？你又要乜啊？
- （音乐响起）
- 古晶：（唱）我要努力向上，不枉诸君寄望！我要努力向上，要令朋友满心欢畅！
- 车文杰：（唱）Hey！青年人要努力，（合唱）休悲怆休凄凉，总之但凭我力量，先要坚定我志向。
- 古晶：我若再受挫折，努力但凭力量……
- 车文杰：心中满是悲伤，他朝得意乐洋洋！（合）Hey！（独）良朋……
- 古晶：情长！（合）良朋相勉系情义难忘，良朋恩高好比万丈！良朋解我愁怀愁肠，解我忧郁冇惆怅！哎呀！
- （两人从楼梯上碌落地）
- 车文杰：哎呀，碛住你添！
- 众人：唓！无厘头！
- 古晶、车文杰：（同声）咪睇吖，笨！
轮街症
[编辑]- 车亲仁（吴孟达饰）：我而家咁伤，使唔使去医院啊？
- 古晶：我同你亲如骨肉，梗系要照顾你去医院调养啦。楼下有七号巴士站，你落去搭八个站去到广华医院门口轮街症啦。
- 车亲仁：你对我咁好我真感动。
- 古晶：应该嘅
链接
[编辑]
