整蛊专家
台詞
[编辑]古晶（周星馳飾）
[编辑]- 早晨！我就係人稱玉樹臨風嘅整蠱專家，古晶。
- 失禮慚愧，咪點叫整蠱專家？
- 我嘅真正身份係改進社會風氣、瘋魔萬千少女、提高年青人嘅內涵、刺激電影市道、玉樹臨風嘅整蠱專家，古晶。英文名叫Jing Koo.
- 我呢只就係霹靂雷電快到冇影剝褲手，係我老竇廿五年前嘅產品。
- 我係古晶，六歲出嚟擦鞋幫補家計，八歲賣血幫阿媽醫病，十歲考會考攞九優一良，十五歲攞十大傑出青年。我覺得自己好靚仔，葉子楣亦都好賢良淑德，陳百祥係世界上最叻嘅人，袁木好誠實，李鵬係我哋最偉大嘅領袖！
對話
[编辑]你唔好去搶？
[编辑]- 客人（成奎安飾）：八萬？你唔好去搶？
- 古晶（周星馳飾）：錯，係好過去搶。
你哋嘅眼神已經出賣咗你哋
[编辑]- 車文傑（劉德華飾）：早晨！
- 沙漠超（王晶飾）：你細佬又話今日返工嘅？九點幾嘞！
- 車文傑：佢話著靚啲先返工。
- 古晶：大佬！
- 車文傑：你似大佬多啲！
- 古晶：誒，你唔使講。我知你哋梗係覺得我好型，因為你哋嘅眼神已經出賣咗你哋。（有人經過）望乜啊𡃁仔！肥仔，啤乜啊？我個位呢？
淫賤不能移
[编辑]- 古晶：單眼佬呢？
- 店員（曹查理飾）：炒咗嘞。我又叫單眼佬。
- 古晶：你四眼佬咋吓嘛？
- 店員：我成日同人哋單眼嘅嘛。
- 古晶：何解呢？
- 店員：一條麻甩佬葸葸縮縮嚟搵單眼佬，梗係買單眼嗰啲嘢嘞！
- 古晶：你又知？
- 店員：你嗰淫樣吖嘛！
- 古晶：你亦夠賤吖！佩服佩服！
- 店員：彼此彼此啦！
- 古晶：既然大家都係同道中人，我亦都不妨話你知，我今次嚟，係要買喺三步之內令人發姣於無影無形，當今世上嘅催情聖藥：淫賤不能移！
- 店員：哈哈，我知啊！
- 古晶：知就剌剌聲啊。
- 店員：不過，我哋做正經生意，唔賣呢啲嘢嘅！
- 古晶：你又同我單眼？
- 店員：但係我而家良心發現啊。
- 古晶：（掏錢）揞住個良心佢。
- 店員：我良心好大嘅！
- 古晶：呢張怕且夠揞嘞啩？
- 店員：噉就差唔多。
我要努力向上
[编辑]- 古晶：阿哥，今日我可以著到好似你噉一模一樣樣嚟返工，我好開心。
- 車文傑：噉咪好囉，似返個人。
- 古晶：阿哥，我要！
- 車文傑：乜啊？你又要乜啊？
- （音樂響起）
- 古晶：（唱）我要努力向上，不枉諸君寄望！我要努力向上，要令朋友滿心歡暢！
- 車文傑：（唱）Hey！青年人要努力，（合唱）休悲愴休淒涼，總之但憑我力量，先要堅定我志向。
- 古晶：我若再受挫折，努力但憑力量……
- 車文傑：心中滿是悲傷，他朝得意樂洋洋！（合）Hey！（獨）良朋……
- 古晶：情長！（合）良朋相勉係情義難忘，良朋恩高好比萬丈！良朋解我愁懷愁腸，解我憂鬱冇惆悵！哎呀！
- （兩人從樓梯上碌落地）
- 車文傑：哎呀，磧住你添！
- 眾人：唓！無厘頭！
- 古晶、車文傑：（同聲）咪睇吖，笨！
輪街症
[编辑]- 車親仁（吳孟達飾）：我而家咁傷，使唔使去醫院啊？
- 古晶：我同你親如骨肉，梗係要照顧你去醫院調養啦。樓下有七號巴士站，你落去搭八個站去到廣華醫院門口輪街症啦。
- 車親仁：你對我咁好我真感動。
- 古晶：應該嘅
链接
[编辑]
