麦兜故事
《麦兜故事》为2001年香港制作之动画长片，袁建滔导演，谢立文监制，麦家碧作画，并由李晋纬、林海峰、吴君如、黄秋生担纲配音。
语录
[编辑]麦兜：唔该！我要一个常餐丫！
麦太：常餐？常餐有咩食㗎？
伙计：同特餐一样啰！
麦太：咁特餐系咩嚟㗎？
伙计：同快餐咁上下啰！
麦太：咁快餐系咩嚟㗎？
伙计：唓！快餐咪即系午餐！
麦太：午餐食咩㗎？
伙计：午餐同晚餐一样㗎！
麦太：咁晚餐又食啲咩呀？
伙计：晚餐咪即系常餐啰！
麦太：咁呀，我要两个常餐啦！
伙计：好嘢呀，我地今日啲常餐……
伙计：唔好意思，常餐卖哂噃！
麦兜：唔……咁改要特餐丫！
麦太：特餐？特餐有咩食㗎？
伙计：特餐咪即系午餐啰！
麦太：午餐食乜嘢㗎？
伙计：都系晚餐果啲嘢啰！
麦太：咁乜嘢系晚餐呀？
伙计：同快餐一样啰！
麦太：咁快餐食咩㗎？
伙计：唉！快餐咪即系常餐啰……
麦太：咁你头先又话冇常餐？
伙计：系呀！常餐系卖哂呀！咁你试唔试下特餐丫？
麦太：两份特餐啦！
伙计：唔好意思，特餐卖哂噃！
麦兜：唔……妈妈，不如改快餐丫！
麦太：快餐有咩㗎？
伙计：快餐即系常餐！
麦太：咁常餐有咩㗎？
伙计：常餐咪即系午餐啰！
麦太：唉呀！咁午餐有咩食呀？
伙计：午餐同晚餐一样！
麦太：咁晚餐呢？
伙计：晚餐咪即系特餐啰！
麦太：唓！咁你头先又话冇特餐？
伙计：系呀！特餐系卖哂呀！咁你试唔试下个快餐丫？一样既啫！
麦太：咁两份快餐喇！
伙计：唔好意思，冇快餐喇！
麦太：离唔离谱啲呀？咁你地究竟有啲咩餐呀？
伙计：午餐啦！午餐好嘢呀！
麦太：点好野法呀？
伙计：同晚餐一样咁好嘢！
麦太：咁晚餐又点好嘢法呀？
伙计：同常餐一样咁好嘢啰！
麦太：咁常餐又点好嘢法呀？
伙计：常餐？常餐一早卖晒啦！你话好唔好嘢丫？
麦太：好啦，好啦，要两份午餐啦！
伙计：唔好意思，午餐卖哂！试唔试下我哋个晚餐丫？一样既啫！
麦太：日光日白食乜鬼野晚餐呀？
伙计：唉，个名叫晚餐啫，其实咪即系午餐！
麦太：好啦，好啦，怕左你啦，要两份晚餐呀！快啲手呀！
伙计：想快？想快就要快餐啦！
链接
[编辑]