麥兜故事
《麥兜故事》為2001年香港製作之動畫長片，袁建滔導演，謝立文監製，麥家碧作畫，並由李晉緯、林海峰、吳君如、黃秋生擔綱配音。
語錄
[編輯]麥兜：唔該！我要一個常餐丫！
麥太：常餐？常餐有咩食㗎？
伙計：同特餐一樣囉！
麥太：咁特餐係咩嚟㗎？
伙計：同快餐咁上下囉！
麥太：咁快餐係咩嚟㗎？
伙計：唓！快餐咪即係午餐！
麥太：午餐食咩㗎？
伙計：午餐同晚餐一樣㗎！
麥太：咁晚餐又食啲咩呀？
伙計：晚餐咪即係常餐囉！
麥太：咁呀，我要兩個常餐啦！
伙計：好嘢呀，我地今日啲常餐……
伙計：唔好意思，常餐賣哂噃！
麥兜：唔……咁改要特餐丫！
麥太：特餐？特餐有咩食㗎？
伙計：特餐咪即係午餐囉！
麥太：午餐食乜嘢㗎？
伙計：都係晚餐果啲嘢囉！
麥太：咁乜嘢係晚餐呀？
伙計：同快餐一樣囉！
麥太：咁快餐食咩㗎？
伙計：唉！快餐咪即係常餐囉……
麥太：咁你頭先又話冇常餐？
伙計：係呀！常餐係賣哂呀！咁你試唔試下特餐丫？
麥太：兩份特餐啦！
伙計：唔好意思，特餐賣哂噃！
麥兜：唔……媽媽，不如改快餐丫！
麥太：快餐有咩㗎？
伙計：快餐即係常餐！
麥太：咁常餐有咩㗎？
伙計：常餐咪即係午餐囉！
麥太：唉呀！咁午餐有咩食呀？
伙計：午餐同晚餐一樣！
麥太：咁晚餐呢？
伙計：晚餐咪即係特餐囉！
麥太：唓！咁你頭先又話冇特餐？
伙計：係呀！特餐係賣哂呀！咁你試唔試下個快餐丫？一樣既啫！
麥太：咁兩份快餐喇！
伙計：唔好意思，冇快餐喇！
麥太：離唔離譜啲呀？咁你地究竟有啲咩餐呀？
伙計：午餐啦！午餐好嘢呀！
麥太：點好野法呀？
伙計：同晚餐一樣咁好嘢！
麥太：咁晚餐又點好嘢法呀？
伙計：同常餐一樣咁好嘢囉！
麥太：咁常餐又點好嘢法呀？
伙計：常餐？常餐一早賣曬啦！你話好唔好嘢丫？
麥太：好啦，好啦，要兩份午餐啦！
伙計：唔好意思，午餐賣哂！試唔試下我哋個晚餐丫？一樣既啫！
麥太：日光日白食乜鬼野晚餐呀？
伙計：唉，個名叫晚餐啫，其實咪即係午餐！
麥太：好啦，好啦，怕左你啦，要兩份晚餐呀！快啲手呀！
伙計：想快？想快就要快餐啦！
鏈接
[編輯]