黃子華

維基語錄,自由的名人名言錄
跳至導覽 跳至搜尋

黃子華(1960年9月5日—),香港電視演員,節目主持人,舞台演員。

棟篤笑[編輯]

娛樂圈血淚史1[編輯]

  • 我從小就知道,我係一個偉大嘅演員。人哋細個成班細路群埋,鍾意玩扮結婚,扮爸爸媽媽。我細個,就鍾意扮姦夫淫婦。但係唔知係咪我個樣比較老實,我係從來都冇機會扮姦夫。每次我都係扮淫婦……嘅老公。雖然係噉,雖然,我亦都係成班人之中最細嗰個。但係我已經可以將一個妒忌嘅男人心態表現得淋漓盡至。當然,我啲朋友個個都讚我,話我天生出嚟,就係戴綠帽嘅。
  • 當乜嘢人都唔搵我做嘢,我就知道,我係一個偉大嘅藝術家,在生嘅時候係唔會獲得應得嘅尊重。唔止咁,我重偉大過偉大嘅藝術家,因爲我知道,我死後都唔會受到尊重。

色情家庭[編輯]

  • 失戀係會令人成長嘅。
我失戀之前,一向都覺得世界上所有問題都有答案。
點解我地每日都要八點鐘起身返工呀?
因為夠鐘囉!
點解我地有夠鐘呢樣嘢呀?
因為我地唔用浮動上班時間囉。
點解呢個世界有戰爭?
因為我地有武器囉。
咁點解我地要有武器呀?
因為佢地有武器囉。
一切都有答案,直到我失戀。
阿珍,點解你唔愛我?
阿珍畀咗一個經典嘅答覆我,佢話:
「愛情係冇點解㗎,係唔可以解釋㗎,唔好問啦。」
如果返學阿 SIR 問我嘢都可以咁答就好嘞!
「黃子華,物體燃燒點解需要氧氣呀?」
「阿 SIR,燃燒係冇點解㗎,冇得解釋㗎,唔好問啦!」

跟住去邊度[編輯]

  • 阿媽標仔參,邊個俾贖金?

未世財神[編輯]

  • 呢幾年,拜年嘅賀詞之中,最流行係邊句?
祝你──不勞而獲。(唔係啩?)
恭喜人地發財當然好,但係發財,都要有方法。
有邊一個方法,好得過不勞而獲?(係咪)
不勞而獲嘅方法就係唔使方法,唔使方法就係最好嘅方法。
我地想發財,已經想到到咗一個禪嘅境界!
不勞而獲既然可以成為新年賀詞,我期待喺未來幾年,
我地話人蛇鼠一窩,即係讚佢合群;話人非奸即盜,即係話佢勇敢!
嘩,真羨慕你呢個家庭,真係蛇鼠一窩非奸即盜。
梗係,唔係我地點會冚家富貴!

棟篤笑雙打之玩無可玩[編輯]

  • 黃子華:喺愛情之中,女人最偉大!男人嘅犧牲,就爲咗追求美麗;而女人嘅犧牲,就祇係得到一個麻甩佬!而最偉大嘅係佢哋根本唔覺得係犧牲。如果你話畀一個女人聽:「喂,你男朋友有口臭!」
張達明:車,人梗有局部缺點嘅!
黃:佢重有臭狐同香港腳喎!
張:噉佢咪好平均咯!
黃:佢啲鼻鼾聲唔使較咪啊!
張:我男朋友一定係夢見我,我開心。
黃:佢屙尿亂咁啡!
張:好壯啊!
黃:佢啡完唔洗手!
張:邊有男人洗手㗎!
黃:我有!
張:乸型!
黃:佢重講粗口啊!
張:但係佢心地好!
黃:佢喺電梯度食煙喎!
張:公眾場合都唔畀食咯,佢咪呢埋一邊食囉,你哋重想點啊!你係咪想逼死佢?!係咪想逼死佢?!嗚~~~
  • 黃子華:去公眾泳池嗰啲唔係叫做游水,嗰啲叫做浸水。因爲喺公眾泳池游,祇可以用一種泳式,就係彈式,同一個位,彈下彈下。
張達明:如果係高手可以用自由式,但係要潛落水底嗰度用。
黃:點解香港啲泳池咁鬼逼嘅呢?
張:唔好問啊,趁人多你好快啲浸下。等陣所有人上曬水嗰陣,你就會發覺,個池啲水原來到膝頭哥㗎咋!你去浸腳指啦,下次。
黃:其實我哋香港人都習慣咗人多,去浸下水都好。但係可惜嘅係,呢啲水,唔係一般水,呢啲係暖水!你成日喺泳池度,你會發覺有啲人,全身唔喐,眼碌碌。
張:哦!你喺泳池屙尿,咁冇公德心!由細到大我老豆都教我㗎啦,急尿,去隔籬池吖嘛!
黃:所以我喺度,趁呢個機會,同你啲僆仔講啊!游游嚇小童池就走過嚟大人池,擒喺個池邊,唔好話我聽係學游水啊!
張:特別係擒正喺噴水口嗰啲啊!想毀屍滅跡啊!

秋前算帳[編輯]

  • 我非常欣賞鄧小平嘅「黑貓白貓,捉到老鼠就是好貓。」
我老友阿雄個老婆生仔,生左個黑人出嚟,我都係咁對佢講:「黑仔,白仔,快高長大就係好仔啦!」
  • 全港市民熱烈慶祝回歸這十個字,頭嗰八個字係呃人,只有「回歸」係真的!
  • 福夭,乃福氣之夭折也,是洋人最鄙毒嘅詛咒!
  • 知唔知一國兩制最偉大地方係乜?就係肯承認佢自己個制真係嚇親人!

拾下拾下拾年棟篤笑[編輯]

  • 一個人如果唔係鬼上身嘅話,好難講咁多自己都唔明白嘅野!
  • 今晚我講了很多凶兆,為什麼講這麼多凶兆,是為了在座20歲或者20歲以下的朋友而講的,因為,有一天,你們也都會買股票!OK,你肯定會說「我不會,我不會那麼蠢」,是啊,我小時候也說過長大以後決不會跟女孩子玩兒的,人人都經歷過這個階段,但是長大了還不是被女孩子玩?有一日,你們都會買股票!
  • 男人係愛情上係要求新鮮,而女人對愛情最大既要求就係保鮮
  • 人生三大矛盾︰「搵食啫!犯法呀?我想架?」

冇炭用[編輯]

  • 我不是亂講粗口的人,你們大家都知道我是一個有文化的人,不毒的那些我不講的。我一直都認為「冚家鏟」是一句好毒的粗口,一家都殺(罵)完了,不管你家族有多大,是不是。但是現在我知道有句話比這句毒好多,那就是「負家產」!
  • 我覺得非常有資格自殺既人呢就係屈原嗰種,即係你自殺,然後大家有公眾假期!
  • 一個人有性病而佢唔鹹濕好無辜呀! 一個人經濟破產人格無破產好陰功呀!
  • 我就成日都諗如果曾蔭權有一日走出嚟同大家講:「各位,董特首,已經唔存在啦!」
  • 如果你係一件豬扒,咁你基本上係唔使減肥咯~一件豬扒,減咗肥,就係一件瘦扒,一件瘦扒就係比豬扒更唔開胃嘅扒,係咪?你買叉燒都唔要嗰啲啦。
  • 咁多嘢你生咗仔你唔買,你點解唔話買化妝品啊...化妝品冇加稅!你買飛機啊、買大炮、買樓,你係都要買樣加咗稅嘅 -你買車!你買部「凌志」,而家我俾人叫「零智」!我俾得人叫「凌志」,我地一家三口係「凌志」,我地變咗「三菱」啊...買部「凌志」變咗「三菱」好陰公架!
  • 所以梁錦松佢而家好犀利㗎,佢經濟冇破產、佢人格亦都冇破產,佢係IQ破咗產...咁我地唔應該欺負啲智慧低嘅人。
  • 下次如果你見到自己鐘意嘅藝人個陣,記住同佢講:「除褲啦!」

兒童不宜[編輯]

  • 大自然所有的動物都係食物鏈上,鏈的下層俾鏈的上層吃,一層一層咁鏈上去。
咁到底係乜嘢吃乜嘢?好複雜,但係我哋有生物學的權威——鬥獸棋。鬥獸棋係差啲攞到諾貝爾獎嘎,不過佢輸左俾飛行棋。

最底層係老鼠,老鼠之下係無其他動物嘎啦~你睇到乜嘢小強果啲唔係動物,係植物。貓吃老鼠,狗吃貓。所以我哋係贊成貓狗一起養的,如果有一日你唔記得買狗糧,唔緊要~有隻貓貓啊~~豹吃狗,老虎吃豹,獅子吃老虎,最後,大象係吃獅子的。咁你宜家知道大象果兩只象牙係攞來做乜啦,barbecue!叉住只獅子!象鼻咁長攞來做乜?搽蜜糖咯!

  • 人類有人類自己的食物鏈,人類的食物鏈簡單好多,只有3種。最下層係無產,中層係中產,頂層係冚家產。係絕無不敬的成分。
因爲頂層的尼啲人唔係房產,權產就係遺產,名符其實冚家都係產,所以我哋好多時叫冚家產會加乜嘢?冚家富貴。
  • Buffet 不妨食過份,出貓唔好太高分
  • 請你好好放低
  • 台上黃子華:冇拗撬?有乜嘢係冇拗撬?乜嘢都有拗撬!
台下觀眾:回水! 
台上黃子華:回水有沒人唔同意?全場同意係咪?
台下觀眾:係、係......
台上黃子華:(指著自己)最重要嗰個人同唔同意?點會冇拗撬呢?
  • 女人,係正牌講大話!乜嘢叫做化妝?化妝就係你個樣講大話!...各位女士你地明唔明乜嘢叫做化妝?化妝就係:你落咗妝我認得你就叫做化妝;你落咗妝我唔認得你就叫做「喬裝」!
  • 你愛嘅,你得唔到;你唔愛嘅,你甩唔到。

越快樂越大鑊[編輯]

  • 宇宙最高法則:係咁嫁啦(係啦定律),好出奇呀(好呀法則)?
  • 錯就要認,要對方認!
  • 人生不如意事十常一二

嘩眾取寵[編輯]

娛樂圈血淚史2[編輯]

洗燥[編輯]

唔痴線唔正常[編輯]

金盤哴口=[編輯]

電視劇《男親女愛》[編輯]

余樂天

  • I am a man. You are a pen.
  • 尊嚴幾錢啊?在宜家『粗鹽』都貴過『尊嚴』。
  • 你用屎忽來思考,當然是屎(死)。
  • 一千幾百,猶如垃圾,富貴於我如浮雲……但是浮雲於我如命根啊。
  • 樹要皮,但人...唔一定要面。 使人鬼要俾面
  • 會說法語有什麼奇怪,在法國,乞丐也會說法語 。
  • ...親戚嘅朋友即係「親朋戚友」啦。
  • House Bar 係我家,買one送一打。
  • 呢支簽真係好到...極有限。
  • 唔係too (two) much,係three much。
  • 人又老,錢又無,老婆跟人走埋佬,分屍畀人涉落個灶。 行返得出企直身至系奇
  • 沉默不是忍耐...懦弱......縮骨又咩...
  • 只要有泳衣,死咗都有得醫。
  • 少林寺絕技 - 「冚」頭埋罐 -和尚仔洗頭
  • 你食魚翅,我食粉絲;你摣Benz,我坐Bus。
  • 唔通我呢個屯門色魔走咗嚟中環開工?
  • 重未死,淨係長期危殆啫。
  • 呢本係日本AV影星苑瓊丹子嚟架。
  • 人才唔得出眾,口才唔得玲瓏,出手唔得衝動。
  • 鬼叫蛤乸淨係夾乸唔夾公咩?(Gay婆係夾乸的)
  • 食飯落club,沖涼(dup)骨。
  • 口低眼角高,未死就已經發「髦」。
  • 人搖福薄,折墮直落。
  • 耆英就即係奇怪嘅「烏英」囉。
  • 你至叻就係無講粗口即係講咗噉。
  • 畫公仔要畫到連畫公仔嗰個都畫埋出嚟先叫畫公仔。
  • 國恥當前,犧牲小便,完成大便。
  • 再捱多晚,「仙姑」都變「仙遊」。
  • 做工呢樣嘢,不在乎天長地久,只在乎有無得「透」。
  • 大難不死,必有鑊粥。
  • 鑒生被屈,一打就甩。
  • 滿身傷痕,身無分文。
  • 天大地大,唔夠毛小慧玩得咁大;水深海深,唔夠毛小慧傷害得咁深。
  • 哺乳協會即係暴個乳出嚟。
  • 一個月生一次須,原來冇腳毛。
  • 個樣眉精眼企,諗嘢獨孤一味,親戚唔理你。
  • 仙姐好,我哋有目共睹;仙姐落格,知法犯法。
  • 一朝早做八份契,你當我契爺,唔係師爺啊!
  • 我余樂天肯拋過身出黎,我搶手過d科技股啦,我余樂天dot com黎呀!
  • 我另外有3個C, cheap-cheaper-cheaperper。

毛小慧&余樂天

  • 毛:呢個guest toilet你最緊要同我mark低個Jacuzzi。
  • 余:寂孤池一個!
  • 毛:Jacuzzi啊,按摩浴池啊,識唔識架你?
  • 余:我知,但你一個人用啊嘛!咪即係一個又寂寞又孤單嘅大浴池囉!

電視劇《棟篤神探》[編輯]

  • 唔使騰,No problem!
  • 世事無絕對,只有無頭緒!
  • 奧~賣~割
  • 凶險界女長人!
  • 若要人不知,唔好太低B!
  • 四個字:關你乜事?
  • 哩 D and gen塗文!
  • 呢D & jer騰文!
  • 劈、毆、插、打、搣 !
  • 隨口up,冇秘笈 !
  • 咩啊(Mia)!
  • 唔好叫我阿SIR,叫我莫探員!
  • 越大隻,越抵錫!
  • 名劍風流,大劍下流!
  • 一個完美既淫婦必需要唔似一個淫婦!
  • 我set左個局,I set you up!
  • 我唔信詛咒可以殺人,除非你近距離三日三夜係咁同果個人講:咁多人死你唔死...咁多人死你唔死...!
  • 賣保險既性質係乜嘢?就係每日同人講:阿生,你聽日會死架喇喎,後日會死喎,你呀爸又可能會死架喎!快啲黎買保險!
  • 日行一善,日殺一人!
  • 呀嬸口服液!
  • 你腦缺鈣呀!
  • 花仔黃小華!
  • 有目標,冇撻Q!
  • 剷草驚蛇!(打草驚蛇)
  • 問世間情為何物,令到我死唔斷氣!
  • 你瓜我唔瓜大瀑布!
  • 你哋D女人,有又嫌冇又煩!
  • 唔在乎你有無俾人姦,只在乎你交唔交到單!
  • 我係一個無雀嘅…唔係,我係一隻無腳嘅雀仔……
  • 每一個上司都係冇料個噃,如果唔係就唔使請下屬啦,做下屬嘅就係幫上司做曬佢哋唔識做嘅嘢~
  • 比份糧你,一半係比你要嚟做嘢,另一半係比你要嚟受氣嘅。
  • 一個頂級嘅紅顏,當然為大家帶嚟頂唔順嘅麻煩!

電視劇《奸人堅》[編輯]

以下為劇中出現過的奸人語錄:

第一集[編輯]

  • 「有恩不報未算差,有仇不報正人渣。」
  • 「以和為貴,遲早乞米;三十六著,恃強淩弱。」
  • 「暹羅戰無不勝,男女合用沙華啲。」
  • 「我隻手硬就叫陰招,咁你個頭硬係咪叫陰頭呀,你的功夫係咪叫陰功呀。」
  • 「一二三四五六七八,我的姑娘在那裡?」
  • 「真係有型,天生硬朗無情,幾多好漢為美人,無財又無丁。」
  • 「你啊媽嫌仔多啊」

第二集[編輯]

  • 「損人必利己,打贏靠暗器,呢個世界係咁啦!嚇嘩~」

第三集[編輯]

  • 「你識做,我識做。」
  • 「一二三,五六七,我的仇人在那裡?我的仇人,一二三四,我的仇人在那裡?」
  • 「一二三四五六七八,我的姑婆在那裡?」

第四集[編輯]

  • 「咁大條鍊,咁細隻手指公...唉吔...你有咩做得成功架你個人真係...」
  • 「喂!你做咩呀?窩條鍊呀,你係咪癡線o架?我叫你食野,你食我個頭呀?」

第五集[編輯]

  • 「一件污,兩件穢,三件冇所謂。我奸人堅做個聖人都一個...姓奸人。」
  • 「我浪子美男計上計,打孖咁上,有邊個女人唔死喺我手上。」
  • 「我預咗俾雷劈,但係喺我俾雷劈之前,邊個睇我唔順眼,我就要佢陪葬。由今日開始我唔姓何,我姓奸,我係奸人堅。」
  • 「何有富,我要你不得好死,死無全屍,沉落海底,比魚蝦蟹食哂,食唔哂沖番上岸,俾狗食,D狗食唔哂,俾雀食哂,我搵狼食哂你地。」

第六集[編輯]

  • 「我講過o架啦嘛,最緊要係咩o野?人財兩得,唔洗"鹹濕"。」
  • 「女人就係咁簡單,佢鍾意你你放篤屁,佢話你好有男人味。」
  • 「淨係欺騙感情,你話幾無恥呢...係要騙財騙色,呢D先叫做智勇雙全。」
  • 「邊個夠膽上黎呢度,我地就全力去唱佢,唱到佢身敗名裂,家破人亡。」

第七集[編輯]

  • 「我係一個奸人,可以被毀滅,但我唔會比你哋打敗!」
  • 「損人不利己,不如跳井死。」
  • 「趙猛丁同公子,咁唔通真係手背又係肉,手指甲又係肉。」
  • 「沒錯,我是奸人,但起碼奸得堂堂正正。」
  • 「係!我係奸人堅!但我奸得堂堂正正,光明磊落!我行得奸,企得奸!你哋D卑鄙小人,以為掟D咁嘅野可掟驚我呀!」
  • 「貓捉老鼠,隻老鼠死咗,咁隻貓玩乜嘢?我要慢慢玩殘你。」

第八集[編輯]

  • 「你咁戇居嘅,你好學唔學,做咩要死呀?你死嘅時候,死會黎搵你丫,你去搵佢?」
  • 「你而家受我一拜,你就係一代宗師;你而家唔受,你係一個乞嚏。」
  • 「有教無類就係,有著數就教,冇著數就"哨"。」
  • 「你第日有咩頭痛、腳跛、生仔生唔出呀,我地寶芝林唔會睇你架。」
  • 「買過"黃飛鴻",呢世唔會窮,買個旗仔包生仔。」
  • 「我唔知係咪凍親個籮柚,係咁痾...痾到...喉嚨核都痾埋出黎。」

第九集[編輯]

  • 「咁而家做黃飛鴻徒弟,真係咁多著數,係人都知啦。正所謂人間有情,你未死就送你一程。」
  • 「得閒奸一奸,大病都好番。」
  • 「黃奸鴻,你想用佛經黎到馴服我呀,我係馬騮精,但係你唔係唐三藏,如來佛祖黎都要死喺我手上。」
  • 「一代宗師,撻到你死無全屍。」
  • 「唔夠力,搵野食。」

第十集[編輯]

  • 「我地D奸人、聰明人怕惡。係D笨人、蠢人至信我啫。」
  • 「一個純情少女忽然發姣,真係一個謎。」
  • 「"魚眼蘇絲你",我"魚尾蘇絲你"呀。」
  • 「係?你兩嘢就教好我,咁街上面D人咪會話:『黃飛鴻兩嘢就教好奸人堅。』嘩!師父你幾威水呀可!」

第十一集[編輯]

  • 「女人過左六十斤,男女授受不親」
  • 「我地呢D浪子,係唔會去搵阿爹,只會阿爹黎搵我。」
  • 「人地扮靚係越扮越靚,唔係越扮越囉命丫嘛!一篤牛屎插朵花,始終都係一篤牛屎,你明唔明呀?」
  • 「一條死魚掉番落海,咁佢始終係一條死魚丫嘛,點解你唔接受自己就係一條死魚呢?」
  • 「你係醜,但醜係無罪丫嘛,但係唔知醜就罪大惡極喎。」
  • 「女人唔係雞屎鴨屎,就係豬屎啦,我話你牛屎,講緊你係最高級喎。」

第十二集[編輯]

  • 「真牙人妒忌假牙人,聞所未聞。」
  • 「牙死不能復生丫,牙牙相報何時了呢?」
  • 「嘩,憑你副尊容都想做明星呀?拍昆蟲紀錄片。」

第十三集[編輯]

  • 「古語有云:嘢可以亂食,禮物唔可以唔收。」
  • 「人刺青你刺青,你刺隻雞係條腰度,你做咩呀?鍾意食雞腰呀?」
  • 「我話你聽,一個人唔好咁好功夫,你越好功夫呢就越鹹濕。」
  • 「寧可信其有,信左唔使憂。」

第十四集[編輯]

  • 「一睇我哋就係,苦命鴛鴦一雙雙。」

第十五集[編輯]

  • 「有人睇到就黃飛鴻,無人睇到就一條蟲。」
  • 「人生出嚟,就為咗自己嘅利益生存。」
  • 「有著數就正義原則,無著數就乜都掉得,呢個世界唔係咁嘅咩?」

第十六集[編輯]

  • 「師父,我諗我明啦,總之呢,打不還口,罵不還手,買餸啊唔打斧頭。」
  • 「我D咁嘅底,正所謂無人無物無山頭,唔好話做英雄丫做,做灰熊都唔得啦。」

第十七集[編輯]

  • 「做阿媽已經難做,做老鴇阿媽更加難,我覺得你應該好好孝順你阿媽至啱。」

第十八集[編輯]

  • 「唔好愛上一個做大事嘅人。」
  • 「兒女私情,與其拖泥帶水,不如一刀兩斷。」

第十九集[編輯]

  • 「睡咗靚過未睡,呢D係廣東菜嘅特色。」
  • 「你無防範意識,走出街比人劈,劈到豬肉咁,不如去豬肉檔做豬肉啦!」
  • 「切忌喺細面前失威,你敷藥叫到好似女人咁,你話幾丟架。」
  • 「嗱,老闆,我地呢D細嘅無非求一個機會,若然大老闆俾一個機會我,我一定唔會令你失望。」

第二十集[編輯]

  • 「我咁辛苦捉你哋番嚟放咗你哋,我不如食飽飯扣喉呀!」
  • 「哨牙就唔同喇,又易認,又搶眼,離遠都見到,唔見咗又容易搵得番。」
  • 「你夠膽響我舖頭點燈,我就係你門口點火。」

電視劇《絕代商驕》[編輯]

  • 發奮圖強,日日沖涼!
  • 你蒸魚唔洗"琴"蓋架?你唔怕條魚遊走呀?
  • 有蕃茄,有蛋,一睇就知我煮既豉淑排骨啦
  • 爽:你做咩呀你?夜媽媽中意就入黎參觀下,你當呢到係動物園,當我係蝙蝠呀家陣?!
三水:你睇下你丫,夜媽媽呀,洗咩衫丫,共隆共隆咁,我阿嫂以為你屍呀肢解呀..
爽:我..我唔該你唔好再管我地人類做乜啦,你返去啄木啦,你再係咁,我就當你意圖侵犯我,我為左自衛,咪成全你囉!
  • 爽:煲湯得一條蘿蔔既
淼:你唔知唔好亂講喇,仲有條係底架
爽:煲湯有兩條蘿蔔 ,咁咪好濃味囉
  • 早餐食謝師宴? 乜你阿爺係孔子呀?咁中意謝師?!
  • 我地系同一個CINEMA,佢系吾同既THEATER,其實我地都系TOGETHER
  • 爽:小芙蓉,食粒爆谷先啦,你唔食野點得嫁姐,睇下你,瘦到腳都唔點地,你都冇食野去咩廁所姐,你去廁所唔好梳頭喇,陣間梳甩個頭嚇親人呀~
  • 爽:小姐~我想請問有冇苦瓜味既香水?
  • 三水:你呢種叫永久性傷殘,註定孤獨終老..
爽:你呢d呢叫永久性黑心,因住冇得終老...
  • 精英4大入職要求-hea做,假度,虛應,陪笑
  • 我地既工程分開十二期進行, 第一期工程就黎展開嫁喇, 唔知莊生方唔方便比住第一期善款我地呢? 善有菩報,福有攸歸,甘我多謝貴州千千萬萬個小朋友多謝你先
  • 我最憎果d咩黑武士,白武士......只係有贏同輸, 如果輸左就真係冇事
  • 各位,我最鍾意聽人地講"我地"呢2個字架啦,因為"我地"唔係"我"丫嘛,"我"係唔駛負責架嘛
 "我地"有乜問題丫,"我地"訓街都無問題架,"你地"東方之珠變成東方臭丸,
 "你地"都無問題架,問題係"我"呀,小姐,如果今晚12點鐘之前唔可以入住一間五星級酒店既說話呢,
 咁"我"就會響D報館度投訴"你",係port"你"!係你令到我地訓街架,係你令東方之珠變成東方臭丸,係你呀,小姐係你呀!!!
  • 痴線架,第一﹗我個件唔係雨褸。第二﹗我發過誓唔著西裝。
  • 作為一個朋友,你真喺千載難逢;作為一條水魚,你真喺舉世無雙!
  • 感情呢家野呢,你預左系唔OK概,你就OK。
  • 即系一舊飯就冇人食,一舊好型嘅飯就有人食~

電視劇《My盛Lady》[編輯]

第1集
  • 你又報警我又報警,大家冤冤相報,一定會上頭條啊
  • 食完啲食物唔記得唔緊要,妳唔使嫌棄成咁呀嘛
  • 我好似衣衫不整,但我係整(齊)㗎
  • 我係呢到嘅老闆...嘅員工
  • 衛生巾鬥士,簡稱「巾Man」
  • 只要有巾Man,Free過Superman
  • 剩花女?花女仲要剩,呢個名都難能可貴!
  • 死魚食得多,有人就會俾木魚我哋食,木魚嚼多幾啖都啃得㗎
  • 助養𡃁模,家破人亡
  • 唔好男哥,𡃁仔男得啦
  • 我哋呢啲呢正所謂係消化不良嘅雜扒,你叫雜扒男都得
  • 大庭廣衆,野餐?
  • 好大對比啊(原意是形容一位少女化妝前後的分別,卻被夏明珠聽成「好大對脾啊」)
  • 你霸曬架𨋢用嚟做生意?
  • 外星人真係來咗地球啊
  • 同你嗰啲唔係代溝,簡直係鴻溝
  • 夏明珠盛花蕾佔著其單車機時)你個friend買左? 我唔見有牌簿啵...你個friend唔係去左運輸處登記吖嘛?
  • 高矮肥瘦,我一樣搶救,心地唔好呢,叫佢吔草吖!
  • 由左邊面望去右邊面,需要d 時間!
第2集
  • 我覺得你好似澳門大賽車女郎...隔離支旗咁啊
  • 有冇聽過有個成語叫守株待兔,你而家係乳豬待兔啊!
  • 野豬待兔
  • 你係咁曬碼頭,使唔使幫你揸埋部車入黎
  • 英雄難過美人關,肥妹踩冧斷背山
  • 非洲動物大遷徙(形容夏明珠身形似河馬)
  • 過河啦
  • 正所謂牌品好就人品好,人品好你就安享晚年
第3集
  • 攬過床頭都叫咩啦,床頭打交床尾咩囉!
  • 兇狠中帶著淡淡嘅內疚
  • 港男真係冇風度,剩女難道有口齒
  • 當然唔係你個friend啦!我係你嘅天使,同時都係你嘅魔鬼教練
  • 靚就唔洗扮,扮就唔謊靚
  • 人類嘅終極理想都係不勞而獲,你呢種態度呢係一個好正常人嘅態度來架
  • 我同河馬唔係男女朋友(家俊:河馬?)唔通你認爲佢係一隻海馬?
  • 個d叫河牛定河羊話?(夏明珠:河馬啊)係囉,河馬
第4集
  • 食咗檸檬,多曬維他命C!
  • 公主病有兩大問題:第一,其實呢啲人係狗主,就以爲自己係公主,呢隻(指盛花蕾)仲係冇狗添;第二,公主病嘅人,往往以爲王子係最正㗎啦!即係王子又唔會打老婆,又唔會出去滾,又唔會放屁嗰啲。最緊要呢啲王子係盲㗎,會認爲狗主就係公主
  • 我朋友係奴隸當然係可悲啦,但你呢啲贊成奴隸制度真係好可恥啊
  • 香港男人咁可憐,因爲香港有好多女人都係刁婦來㗎,而閣下呢係一個神級嘅刁婦,簡稱神刁
  • 學術啲來講呢,你係一隻青春無影,骨膠原無蹤,剩到使唔曬唔緊要,但係心地唔好嘅神刁
  • 遺傳因子無非就係因住啲男子
第5集
  • 咁人類唔使100年咪絕種?咁到時咪冇人用膠袋?嘩,咁咪好環保?
  • 好多低等生物都可以單性繁殖。原來人類進化咗咁多年,就係為咗做翻低等嘅生物。
  • 一個男人點都會hurt過一兩個女人。但作爲一個女人一世未俾男人hurt過,咁就係真正嘅hurt啦
  • I don't 撈啦...我唔撈啊
Wikipedia-logo.png
維基百科中的相關條目:



維基語錄鏈接:名人名言 - 文學作品 - 諺語 - 電影對白 - 主題 - 分類