唐伯虎点秋香

维基语录,自由的名人名言录

唐伯虎点秋香》为1993年7月在香港首映的喜剧电影,由周星驰主演,萧若元监制,李力持导演,陈文强、谷德昭、李力持编剧。

语录[编辑]

敲桌子打椅子的数白榄[编辑]

  • 禀夫人,小人本住在苏州嘅城边,家中有屋又有田,生活乐无边。点知个唐伯虎,佢横蛮不检点,勾结官府目无天,巧取豪夺我家田。我阿爷同佢翻面,惨被佢一棍来打扁,我阿嫲闹佢欺善,更被佢捉了去唐府,强奸了一百遍,一百遍!最后仲悬梁自杀惨无边,佢还将我父子,逐出了家园,流浪到江边,我为求养老父,只有独自行乞在庙前,点知个唐伯虎,佢实在太阴险 ,知道此情形,竟派人来暗算,把我父子狂殴在市前!小人身壮健,残命得留存,可怜老父佢魂归天,此恨更难填,我为求葬老父,唯有卖身为奴咁作贱,一面勤赚钱,我一面读书篇,发誓把功名显,手刃仇人意志坚,从此唐寅诗集伴身边,我铭记此仇不共戴天!
    • 国语版:
禀夫人,小人本住在苏州的城边, 家中有屋又有田,生活乐无边。 谁知那唐伯虎,他蛮横不留情, 勾结官府目无天,占我大屋夺我田。我爷爷跟他来翻脸,惨被他一棍来打扁,我奶奶骂他欺骗善民,反被他捉进了唐府, 强奸了一百遍,一百遍,最后她 悬梁自尽遗恨人间。他还将我父子,逐出了家园,流落到江边。我为求养老爹,只有独自行乞在庙前。谁知那唐伯虎,他实在太阴险 知道此情形,竟派人来暗算,把我父子狂殴在市前,小人身壮健,残命得留存,可怜老父他魂归天!此恨更难填。为求葬老爹,唯有卖身为奴自作贱, 一面勤赚钱,一面读书篇, 发誓把功名显,手刃仇人意志坚! 从此唐寅诗集伴身边,我铭记此仇不共戴天!!!

对对子[编辑]

  • 一乡二里共三夫子,不识四书五经六义,竟敢教七八九子,十分大胆!
  • 十室九贫,凑得八两七钱六分五毫四厘,犹且三心两意,一等下流!
  • 图画里,龙不吟虎不啸,小小书僮可笑可笑。棋盘内,车无轮马无缰,叫声将军提防提防。
  • 十口心思,思君思国思社稷。八目尚赏,赏花赏月赏秋香。[注]
  • 莺莺燕燕翠翠红红处处融融洽洽。雨雨风风花花叶叶年年暮暮朝朝。
  • 我上等威风,显现一身虎胆。你下流贱格,露出半个龟头。
  • 冚家铲泥齐种树,汝家池塘多鲛鱼,鱼肥果熟嫲撚饭,你老母兮亲下厨。
    • 国语版:
你家坟头来种树,汝家澡盆杂配鱼,鱼肥果熟入我肚,你老娘来亲下厨!
  • 对对本为消遣作乐,今日穿肠兄居然对到呕出十九几两血,可谓空前绝后,小弟佩服佩服!
    • 古惑仔版:
你他妈家里种西瓜,他妈家里养泥鳅;西瓜大我勒泥鳅肥,他们全家吃完死光光。

注:国语版为“八目共赏”,此两句原本结构是把“思”字和“赏”字拆开

小强[编辑]

  • 小强!小强你点啊小强!小强你唔好死啊小强!我同你相依为命同甘共苦咗咁多年,已经当你系亲生骨肉啖供书教学,估唔到今日白头人送黑头人啊……
    • 国语版:
小强!小强你怎么了小强?小强你不能死啊!我跟你相依为命、同甘共苦了这么多年,一直把你当成亲生骨肉一样教你养你,想不到今天白发人送黑发人......
维基百科中的相关条目:

对话[编辑]

烧鸡翼[编辑]

  • 粤语版:
唐伯虎:烧鸡翼我钟意食。
师爷:但系你老母讲你就快钉。
唐母:越系快钉之所以越要整多只,如果而家唔食以后冇机会再食。
师爷:你真系就快钉?
唐伯虎:我真系就快钉~~
三人:如果而家唔食以后冇机会再食!
  • 国语版:
唐伯虎:红烧翅膀我喜欢吃。
师 爷:但是你老娘说你快升天。
唐 母:越快升天就越应该要拼命吃,如果现在不吃以后没机会再吃。
师 爷:你真的快升天?
唐伯虎:我真的快升天~~
三 人:如果现在不吃以后没机会再吃!

你都要十两[编辑]

唐伯虎:哗,你都要十两,唔好去抢?
人妖:冇错,就系抢。靓仔攞钱嚟!
(两人厮打,人妖被打入河中。三大才子赶来。)
众人:使唔使咁重手啊?
唐伯虎:抢钱嘅,呢条死人妖!
祝枝山、文徵明:人妖?我啱啊!
(祝枝山跳下水)
文徵明:真唔抵,畀佢抢先一步。

边个够我惨[编辑]

卖身葬冚家:你使唔使玩到咁尽啊?
唐伯虎:直情系晒你冷啊,吹咩?
卖身葬冚家:我跟你个晒冷!仆你个街啦!哎呀!哎呀!嘿嘿嘿嘿!同我玩嘢?我而家命都唔要,睇你点大我?边个够我惨啊?
唐伯虎:僆仔,你好嘢!山水有相逢啊!

新任书僮华安[编辑]

唐伯虎:顺利过关成为书僮,一切都尽在我掌握中。越嚟越接近秋香姐,今日嘅心情就确系唔同啊,确系唔同!哎,两位公子呢?
华文、华武:你条契弟系边个啊?
唐伯虎:我系嚟负责陪两位读书嘅书僮啫。
华武:哦,就系琴晚拍台拍凳嘈住我哋瞓觉嗰条粉肠啊。
唐伯虎:正是。咦,两位公子骨格精奇,能够服侍两位,真系万幸。
华文:你呢句说话都几啱听,以后就当你系人啖看待啊。
华武:去斟茶!
唐伯虎:对唔住,细佬有三不做!
华武:乜三不做啊?
唐伯虎:一不斟茶递水,二不洗衫扫地,三不铺床折被!
华武:啖即系同我哋一样㖞!
华文:啖你识做啲乜呀?
唐伯虎:我晓——嗨嗨,吹口琴,撚玉箫,炒碟靓蚬,焗个蛋挞,占卜星相就观人于微,风流自命,窃玉偷香!
华武:真唔真呀?
华文:畀啲本事睇吓咧。
唐伯虎:喺呢度……恐防不便示范㖞。
唐伯虎:想缩沙呀?话咗你作大嘅啦。
华武:有本事就睇我哋两个!
华文:挑!答唔出咧?
唐伯虎:若然我冇睇错,两位应该系——低能嘅!
华文:咁都畀你睇得出?
华武:我真系佩服到五体投地呀!
华文、华武:容许畀我哋叫你一声大佬吗?
唐伯虎:哼哼,叫唔叫唔相干嘞,以后你同我斟茶递水,洗衫折被就够嘞。
老师(入):诶,华文华武,你两个跪在地上所因何事呀?
华文、华武:我哋拜大佬啊!
老师:区区一个书僮何德何能做人大佬啊?
唐伯虎:在下无德无能,只系开下玩笑,望老师见谅!
华文、华武:唔系啊,华安,我哋跟硬你嘅喇!
老师:年青人,你够胆撬我啲𡃁,你边度㗎?
唐伯虎:未请教!
老师:教上教!
唐伯虎:先请而后教!
老师:后教而先请!
唐伯虎:先请而先教!
老师:后教而后请!
唐伯虎:再请我就教。
老师:诶,唔准教!我本身原籍四水,现为华府首席西宾,手执一把扇!你系乜部门㗎?
唐伯虎:我原籍苏州,现任华府一件迷途小书童,门前一对双花齐眉棍!
老师:呸!你大我呀?(除衫露出纹身)
众人:哗!
老师:哼!我左边龙,右边虎,老牛在腰间,龙头在心口,人挡杀人,佛挡杀佛!

咁串[编辑]

华夫人:以你咁好嘅才华,应该考取功名至啱㗎,点解会喺我哋华府做下人呢?
唐伯虎:夫人,功名于我如浮云,在下一啲都唔稀罕。况且呢度有夫人同秋香姐对我咁好,我留喺度做死一世都抵啊。
华夫人:哈哈哈哈哈哈!好一个风流才子唐伯虎啊!
唐伯虎:啊哈哈!夫人系咪同我讲紧嘢系吗?
华夫人:仲诈谛?凭你高强嘅武艺,诗画嘅才华,都估到八九成啦,我同唐家虽然有仇,不过寻日你舍身相救,夫人假假地德高望重,断唔会恩将仇报嘅!系咪认咗佢啰!
唐伯虎:莫讲我唔系,就算我认话系,夫人你到时反口,我都吹你唔胀亦掹你唔长,你即系明唔明我讲乜啊?
华夫人:我明我明!不过今日唔认,总有一日要认㗎。
唐伯虎:啖听日先啊。
华夫人:咁串?
唐伯虎:系啊。
华夫人:好!我仲谂住如果你认呢,就将秋香许配畀你添。
唐伯虎:系咪啊?讲过嘅嘢冇得唔算数㗎!冇错,我就系美貌与智慧并重,英雄同侠义嘅化身:唐、伯、虎!
(家丁持械冲进来)
唐伯虎:夫人你!
华夫人:冇错,系我反口啊。对于你呢种人,我拟得你快啲死啊!
唐伯虎:嘘!夫人,有事慢慢讲,何必动刀枪呢?
华夫人:嗯~!而家求我嘞咩?哈哈哈哈,唐天豪,你呢个负心人,当年我杀你唔死,今日我要杀咗你嘅仔,都要泄我心头之恨!
唐伯虎:哈哈哈哈!唔好怪我坦白,就凭你一件番薯,几件蛋散,就想攞我唐伯虎嘅命,会唔会(改用国语)开玩笑(改回粤语)咗少少啊?

一日冚包散与含笑半步钉[编辑]

华夫人:哈哈哈,我话畀你知,头先你饮嗰啲参茶,我已经落咗天下第一奇毒“一—日—冚—包—散”!
唐伯虎:吓?哈哈哈哈,天下第一奇毒,几时轮到你哋“一日冚包散”?!应该系我哋唐家嘅“含笑半步钉”至啱!
华夫人:哈哈哈哈哈,废话!我哋“一日冚包散”系用七种唔同嘅毒虫,再加埋鹤顶红,提炼七七四十九日而成,无色无味,杀人于无影无踪。
唐伯虎:哼,我哋“含笑半步钉”系用蜂蜜,川贝,桔梗,加上天山雪莲配制而成,无须冷藏,亦不含防腐剂,除咗毒性猛烈之外,味道仲好好添。

(两人面对镜头,响起谐趣音乐,成广告模式)

华夫人:食咗“一日冚包散”嘅人,一日之内会武功全失,经脉逆流,胡思乱想,以至走火入魔,最后会冚包散晒而死嘅。
唐伯虎:冇错嘞!而食咗“含笑半步钉”嘅朋友,顾名思义,系不能行前半步,或者面露笑容,否则亦会全身爆炸而死。实在系居家旅行--
华夫人:杀人灭口--
两人:(齐声)必备良药!
  • 国语版:
我们一日丧命散是用七种不同的毒虫,再加上了鹤顶红,提炼了七七四十九日而成的,无色无味,杀人于无影无踪!
哼!我们含笑半步癫是用蜂蜜、川贝、桔梗、加上天山雪莲配制而成,不需冷藏,也没有防腐剂,除了毒性猛烈之外,味道还很好吃!
吃了我们一日丧命散的人,一天之内会武功全失,经脉逆流,胡思乱想而致走火入魔,最后会血管爆裂而死。
没有错!而吃了含笑半步癫的朋友,顾名思义绝对不能走半步路或是面露笑容,否则也会全身爆炸而死。
实在是居家旅行、杀人灭口,必备良药!

四大才子吟诗[编辑]

祝:山下一群鹅
徐:嘘声赶落河
文:落河捉鹅医肚饿
唐:食完返归锄老婆

祝枝山向唐伯虎求救[编辑]

祝枝山:唐兄,救命呀。
唐伯虎:唉,睇嚟祝兄梗系输钱输到干干净净定嘞。
祝枝山:哈,生我者父母,知我者唐兄呀!
唐伯虎:江南四大才子之中,就以祝兄你最为洒脱,众人皆知!所谓风吹鸡蛋壳,财散人安乐,乃系祝兄你嘅座右铭呀。
祝枝山:过奖过奖,但比起唐兄嘅风流不羁,小弟真系有如天渊之别呀!
唐伯虎:哈哈哈哈,之不过,祝兄你隔夜一百几廿两啖输,输完走嚟嗌救命,长此以往,唔系办法噃。
祝枝山:哎,有见地,小弟有见及此,所以破釜沉舟,一次过输晒我一世人可以输嘅钱,整整系三十万两,所以麻烦唐兄画返三十幅画,以嚟填债救命啊!
唐伯虎:明白明白。阿水,你出出去先!
仆人阿水:系,少爷!
唐伯虎(等阿水出去之后):仆你个臭街,当呢度善堂呀?仲要画卅幅?冇得倾!
祝枝山:哎呀,唔好啖啊,系我衰啊,系我衰喇。我而家叩头认错。你唔念吓当年僆仔嘅时候借本《玉蒲团》畀你(目及),你都念下呢几年嚟我同你卖画卖到冚家富贵吖!况且出便有成几两友喺出便话,如果三炷香我攞唔到三十幅画就劈开我几碌啊!你帮唔帮先?
唐伯虎:三柱香?哼,嗱咪话做兄弟嘅唔睇你喇,我即管喺你灵堂同你写副挽联,一写死有余辜,一写死不足惜!你是但拣句啦!

兵器谱排名[编辑]

唐伯虎:啖排名第一嘅系边个呢?
朱茜:佢就系小李飞刀嘅娘亲,可惜已经过咗身嘞!
唐伯虎:哦,原来就系小李老母飞刀,真可惜!

唐伯虎与船夫讲数[编辑]

唐伯虎:喂,阵间开档嘅嘞,你死人都唔好喐吖。
船夫:你话将卖到啲钱畀晒我,你唔好老点噃。
唐伯虎:以你嘅智慧,边有人点到你啫?
船夫:啖又系。
维基百科中的相关条目: