香港小姐最後演說
香港小姐最後演說，是《香港小姐競選》電視節目，自2015年決賽開始所設下的一個環節，在2015年及2016年，此環節被安排在大會公佈四強入圍名單後進行，此環節亦為決定最終賽果前的最後一個環節，當所有參賽者完成演說後，觀眾以智能手機應用程式的投票亦會隨之截止，大會會於演說後的數分鐘廣告時段內計算各參賽者所獲的觀眾投票數目，從而得出最終賽果並隨之公佈。
2015年
[編輯]- 01號：麥明詩（最終為冠軍）
- 「大家好，其實我今日可以企喺度啦，喺四強嘅位置，我覺得自己係好開心同好叻，同埋好多謝咁多支持我嘅人。其實細個嗰陣時呢，有時我都會聽到有啲Auntie、Uncle話，呀…女仔其實你唔駛咁叻㗎喎！因為叻得濟呢會嫁唔去嘅！咁…所以有一段時間呢，我係好睏惑嘅，即係我覺得自己係卡咗喺人哋對我嘅期望啦，同埋自己見到嘅願景入面，我諗下，其實有陣時係咪要掩蓋下自己呢為咗人哋。」
- 「好彩嘅就係，我有幸可以去到外國留學啦，而喺個經歷入面呢，令我係改變咗我個諗法，係令我對中國傳統「賢良淑德」呢四個字有更深嘅認識：我覺得「賢」呢，係代表要對知識啦、對真理嘅追求，所以我哋就可以作出賢明嘅決定；「良」呢，係我哋行事啦，要以良心為本；「淑」係我哋要做一個「淑女」；而「德」呢，係我哋需要有德行同修養，我相信，如果我做到「賢良淑德」呢四個字呢；我就係一個「叻女」，係可以（成為一個）成功嘅香港小姐。」
- 02號：馬詩晴（最終為殿軍）
- ……呢份心意係無與倫比嘅，多謝你，媽咪！
- 04號：龐卓欣（最終為亞軍）
- ……我哋而家全部都贏曬㗎喇，贏咗一份友情，Thank You！
- 09號：郭嘉文（最終為季軍）
- ……就算我無翅膀飛，但係我都可以展現我嘅靚，多謝大家。
2016年
[編輯]- 02號：劉穎鏇（最終為亞軍）
- 大家好，我由細到大呢就最鍾意打籃球，所以我今日呢就想同大家分享下一個籃球嘅故事啦。咁我十二歲嗰陣時呢，就有打一個籃球比賽啦，咁其實同其他啲比賽就無乜分別。但係『逐朱』……『逐朱』(走音，應為『卒之』)到換場嘅時候呢，就有一個女仔換咗入場，我見佢嘅時候呢，佢就面青青咁樣，同埋嗰頭呢係用住個塊布嚟包住嘅，咁我就有啲奇怪，唔知佢乜野事呢？
- 原來我發覺咗……原來佢係有癌症嘅，咁我知道呢件事嗰陣時呢，我就好想幫佢，所以呢我見佢個隊友一掉個波比佢嘅時候呢我無擋佢，反而我係走埋去擋走我自己嘅隊友，令佢可以入到呢一個球，我知道我好想比佢一個好難忘嘅一個經驗，喺呢個球場上面，呢個女仔令我學識一樣嘢，就係無論如何，我哋呢一個……呢一條路……個生命係幾難行，我哋如果係對住我哋夢想同埋個目標，任何嘢都係做得到嘅！多謝！」
- 05號：蘇韻姿（最終為殿軍）
- 我好細個就開始演藝工作，所以我好積極咁去搵機會俾自己；例如三年前我成功爭取到一個國際性廣告嘅女主角，當時呢個女主角俾咗我好多自信，我覺得我已經成功咗一大半。但係幾個月後，我遇到一個圈內人，佢就話：我眼耳口鼻唔標準，又唔夠高，我呢一世都唔可以喺呢一行發圍。呢一句說話，就令我由人生最高，跌到人生最低；嗰一下我真係好想放棄，但我朋友就提醒我，如果你咁輕易去放棄你嘅夢想，你之前付出嘅所有係白費嘅。我要信自己！甚至乎全世界都唔信我，我都信自己（唱出Mariah Carey主唱的《Hero》歌詞）When you feel like hope is gone, look inside you and be strong，就算今晚我落選，我都輸得光榮，多謝！
- 06號：馮盈盈（最終為冠軍）
- 「盈盈」呢個名，係我爸爸喺我出世嘅時候改俾我，之後就一直陪伴住我；我嘅英文名係晶瑩嘅Crystal，我係大學讀嘅係營養學。嚟到選港姐，我感受到嘅係一股凝聚力，去凝聚咗我全家，特別係我爸爸，我Daddy平時做野好忙，其實我哋好少時間傾計同見面，（開始聲淚俱下）但自我參選港姐之後，原來佢日日都有追睇我嘅新聞，然後就算幫我拉票都好不遺餘力，連打電話Cold Call、電話傳銷都追住佢，都叫住佢投我票。我真係好多謝佢亦都好感恩有個咁嘅爸爸，所以我一直都好努力，希望可以……佢會因為我呢個女而感到驕傲，嚟到呢一刻，我已經行到嚟呢一步，爸爸，我希望你會有因為我呢個女而……同埋有呢個屋企而感到驕傲，同埋記住我哋永遠都係屋企人！你聽到嗎？多謝！
- 07號：陳雅思（最終為季軍）
- 大家好，我係陳雅思。我今晚好有自信，但其實我細細個嗰陣好怕醜，甚至乎怕醜到唔敢喺班房度舉手。直至到我中學畢業嗰陣，我身體啲同學因為認為我靚，而提名我做「校花」，但係我無贏到呢個名銜，我問我媽咪，我係咪唔夠靚？我媽咪就同我講：「囡囡啊，美麗嘅外表，只可以吸引到人哋嘅眼睛；但係美麗嘅內在美，係可以吸引到人哋嘅心。」由嗰陣開始，我決定咗要做一個美麗嘅人。所以為咗克服我嘅怕醜，我一次又一次咁樣，擺咗上選美嘅舞台上，去克服呢一樣……呢件事，亦都係因為咁樣，我認識咗我而家咁樣去熱情幫助嘅一個 Charity，我覺得所有嘢都係上天去安排嘅，今日我領略到呢一件事：『真正美麗，表裏如一』，多謝！
2017年
[編輯]- 01號：何依婷（最終為亞軍）
- 何依婷的發言：「嗯，Hello大家好啦！我係一號何依婷Regina。我曾經其實懷疑過自己究竟放棄一份穩定嘅工作去追尋自己嘅夢想究竟值唔值得，今日企喺呢個舞台上面，我知道呢一切都係值得o架。嗯，我好想多謝一直支持我嘅人啦，無你哋嘅鼓勵，我係無辦法走到嚟呢一步。Um，特別係我嘅爹哋媽咪，因為Um…你哋係好？？好？？咁樣支持我，話俾我有啲乜嘢要改進，我先可以企喺呢個舞台上面，有今日呢個表現，我希望無令你哋失望。」
- 司儀森美的回應：「你應該無嘅！你應該無！哎吔，好有孝…好有孝心嘅囡囡呀！」
- 04號：黃瑋琦（最終為季軍）
- 05號：雷莊兒（最終為冠軍）
- 08號：伍樂怡
- 伍樂怡的發言：「我十歲嘅時候，父母送咗我去加拿大讀書，我獨自面對過好多困難，但係我覺得我今日可以好華麗咁企喺呢個舞台上，亦都係佢哋當初嘅呢個咁勇敢嘅決定，所以我喺呢度最想多謝嘅係我嘅爹哋媽咪，多謝你哋一路以嚟對我嘅養育之恩，你哋嘅支持鼓勵。」
- 主持森美的回應：「啊！越嚟越似人民入境事務處呀我哋！所有嘅朋友快啲回流返嚟香港喇你哋！返嚟香港就感動喇！」
- 10號：張寶欣
- 張寶欣的發言：「……多謝家姐（張寶兒），喺ah…由報名表嗰陣時呢，佢用九秒九嘅時間呢，幫我遞咗表啦，佢俾咗……令我離開咗我嘅Comfort Zone，嘗試咗新嘅事物，多謝！」
- 司儀森美的回應：「但係喺嗰邊廂呢，見到喊嘅係Tiffany（劉穎鏇），唔止係家姐！」
- 司儀麥美恩的回應：「唔係呀，因為大家都好Close呀！我哋一齊玩㗎！」
2018年
[編輯]- 07號：丁子田（最終為季軍）
- 14號：何泳芍
- 「入到五強唔止係我一個人嘅功勞，係所有工作人員、鍾意我嘅人，同埋我家人朋友支持我行到呢一步，我會帶住所有人對我嘅期望，晉身三甲，勇奪冠軍，多謝！」
- 15號：陳苑澄
- 17號：陳曉華（最終為冠軍）
- 「今日，我未必係呢二十個女仔入面做得最好嘅一個，但係我應該係呢二十三年嚟做得最好嘅陳曉華。」
- 20號：鄧卓殷（最終為亞軍）
- 「讀建築係我嘅理想，但係選港姐係我嘅夢想。」
參考資料
[編輯]