香港小姐最后演说
香港小姐最后演说，是《香港小姐竞选》电视节目，自2015年决赛开始所设下的一个环节，在2015年及2016年，此环节被安排在大会公布四强入围名单后进行，此环节亦为决定最终赛果前的最后一个环节，当所有参赛者完成演说后，观众以智能手机应用程序的投票亦会随之截止，大会会于演说后的数分钟广告时段内计算各参赛者所获的观众投票数目，从而得出最终赛果并随之公布。
2015年[编辑]
- 01号：麦明诗（最终为冠军）
- “大家好，其实我今日可以企喺度啦，喺四强嘅位置，我觉得自己系好开心同好叻，同埋好多谢咁多支持我嘅人。其实细个嗰阵时呢，有时我都会听到有啲Auntie、Uncle话，呀…女仔其实你唔驶咁叻㗎㖞！因为叻得济呢会嫁唔去嘅！咁…所以有一段时间呢，我系好困惑嘅，即系我觉得自己系卡咗喺人哋对我嘅期望啦，同埋自己见到嘅愿景入面，我谂下，其实有阵时系咪要掩盖下自己呢为咗人哋。”
- “好彩嘅就系，我有幸可以去到外国留学啦，而喺个经历入面呢，令我系改变咗我个谂法，系令我对中国传统“贤良淑德”呢四个字有更深嘅认识：我觉得“贤”呢，系代表要对知识啦、对真理嘅追求，所以我哋就可以作出贤明嘅决定；“良”呢，系我哋行事啦，要以良心为本；“淑”系我哋要做一个“淑女”；而“德”呢，系我哋需要有德行同修养，我相信，如果我做到“贤良淑德”呢四个字呢；我就系一个“叻女”，系可以（成为一个）成功嘅香港小姐。”
- 02号：马诗晴（最终为殿军）
- ……呢份心意系无与伦比嘅，多谢你，妈咪！
- 04号：庞卓欣（最终为亚军）
- ……我哋而家全部都赢晒㗎喇，赢咗一份友情，Thank You！
- 09号：郭嘉文（最终为季军）
- ……就算我无翅膀飞，但系我都可以展现我嘅靓，多谢大家。
2016年[编辑]
- 02号：刘颖旋（最终为亚军）
- 大家好，我由细到大呢就最钟意打篮球，所以我今日呢就想同大家分享下一个篮球嘅故事啦。咁我十二岁嗰阵时呢，就有打一个篮球比赛啦，咁其实同其他啲比赛就无乜分别。但系‘逐朱’……‘逐朱’(走音，应为‘卒之’)到换场嘅时候呢，就有一个女仔换咗入场，我见佢嘅时候呢，佢就面青青咁样，同埋嗰头呢系用住个块布嚟包住嘅，咁我就有啲奇怪，唔知佢乜野事呢？
- 原来我发觉咗……原来佢系有癌症嘅，咁我知道呢件事嗰阵时呢，我就好想帮佢，所以呢我见佢个队友一掉个波比佢嘅时候呢我无挡佢，反而我系走埋去挡走我自己嘅队友，令佢可以入到呢一个球，我知道我好想比佢一个好难忘嘅一个经验，喺呢个球场上面，呢个女仔令我学识一样嘢，就系无论如何，我哋呢一个……呢一条路……个生命系几难行，我哋如果系对住我哋梦想同埋个目标，任何嘢都系做得到嘅！多谢！”
- 05号：苏韵姿（最终为殿军）
- 我好细个就开始演艺工作，所以我好积极咁去揾机会俾自己；例如三年前我成功争取到一个国际性广告嘅女主角，当时呢个女主角俾咗我好多自信，我觉得我已经成功咗一大半。但系几个月后，我遇到一个圈内人，佢就话：我眼耳口鼻唔标准，又唔够高，我呢一世都唔可以喺呢一行发围。呢一句说话，就令我由人生最高，跌到人生最低；嗰一下我真系好想放弃，但我朋友就提醒我，如果你咁轻易去放弃你嘅梦想，你之前付出嘅所有系白费嘅。我要信自己！甚至乎全世界都唔信我，我都信自己（唱出Mariah Carey主唱的《Hero》歌词）When you feel like hope is gone, look inside you and be strong，就算今晚我落选，我都输得光荣，多谢！
- 06号：冯盈盈（最终为冠军）
- “盈盈”呢个名，系我爸爸喺我出世嘅时候改俾我，之后就一直陪伴住我；我嘅英文名系晶莹嘅Crystal，我系大学读嘅系营养学。嚟到选港姐，我感受到嘅系一股凝聚力，去凝聚咗我全家，特别系我爸爸，我Daddy平时做野好忙，其实我哋好少时间倾计同见面，（开始声泪俱下）但自我参选港姐之后，原来佢日日都有追睇我嘅新闻，然后就算帮我拉票都好不遗余力，连打电话Cold Call、电话传销都追住佢，都叫住佢投我票。我真系好多谢佢亦都好感恩有个咁嘅爸爸，所以我一直都好努力，希望可以……佢会因为我呢个女而感到骄傲，嚟到呢一刻，我已经行到嚟呢一步，爸爸，我希望你会有因为我呢个女而……同埋有呢个屋企而感到骄傲，同埋记住我哋永远都系屋企人！你听到吗？多谢！
- 07号：陈雅思（最终为季军）
- 大家好，我系陈雅思。我今晚好有自信，但其实我细细个嗰阵好怕丑，甚至乎怕丑到唔敢喺班房度举手。直至到我中学毕业嗰阵，我身体啲同学因为认为我靓，而提名我做“校花”，但系我无赢到呢个名衔，我问我妈咪，我系咪唔够靓？我妈咪就同我讲：“囡囡啊，美丽嘅外表，只可以吸引到人哋嘅眼睛；但系美丽嘅内在美，系可以吸引到人哋嘅心。”由嗰阵开始，我决定咗要做一个美丽嘅人。所以为咗克服我嘅怕丑，我一次又一次咁样，摆咗上选美嘅舞台上，去克服呢一样……呢件事，亦都系因为咁样，我认识咗我而家咁样去热情帮助嘅一个 Charity，我觉得所有嘢都系上天去安排嘅，今日我领略到呢一件事：‘真正美丽，表里如一’，多谢！
2017年[编辑]
- 01号：何依婷（最终为亚军）
- 何依婷的发言：“嗯，Hello大家好啦！我系一号何依婷Regina。我曾经其实怀疑过自己究竟放弃一份稳定嘅工作去追寻自己嘅梦想究竟值唔值得，今日企喺呢个舞台上面，我知道呢一切都系值得o架。嗯，我好想多谢一直支持我嘅人啦，无你哋嘅鼓励，我系无办法走到嚟呢一步。Um，特别系我嘅爹哋妈咪，因为Um…你哋系好？？好？？咁样支持我，话俾我有啲乜嘢要改进，我先可以企喺呢个舞台上面，有今日呢个表现，我希望无令你哋失望。”
- 司仪森美的回应：“你应该无嘅！你应该无！哎吔，好有孝…好有孝心嘅囡囡呀！”
- 04号：黄玮琦（最终为季军）
- 05号：雷庄儿（最终为冠军）
- 08号：伍乐怡
- 伍乐怡的发言：“我十岁嘅时候，父母送咗我去加拿大读书，我独自面对过好多困难，但系我觉得我今日可以好华丽咁企喺呢个舞台上，亦都系佢哋当初嘅呢个咁勇敢嘅决定，所以我喺呢度最想多谢嘅系我嘅爹哋妈咪，多谢你哋一路以嚟对我嘅养育之恩，你哋嘅支持鼓励。”
- 主持森美的回应：“啊！越嚟越似人民入境事务处呀我哋！所有嘅朋友快啲回流返嚟香港喇你哋！返嚟香港就感动喇！”
- 10号：张宝欣
- 张宝欣的发言：“……多谢家姐（张宝儿），喺ah…由报名表嗰阵时呢，佢用九秒九嘅时间呢，帮我递咗表啦，佢俾咗……令我离开咗我嘅Comfort Zone，尝试咗新嘅事物，多谢！”
- 司仪森美的回应：“但系喺嗰边厢呢，见到喊嘅系Tiffany（刘颖旋），唔止系家姐！”
- 司仪麦美恩的回应：“唔系呀，因为大家都好Close呀！我哋一齐玩㗎！”
2018年[编辑]
- 07号：丁子田（最终为季军）
- 14号：何泳芍
- “入到五强唔止系我一个人嘅功劳，系所有工作人员、钟意我嘅人，同埋我家人朋友支持我行到呢一步，我会带住所有人对我嘅期望，晋身三甲，勇夺冠军，多谢！”
- 15号：陈苑澄
- 17号：陈晓华（最终为冠军）
- “今日，我未必系呢二十个女仔入面做得最好嘅一个，但系我应该系呢二十三年嚟做得最好嘅陈晓华。”
- 20号：邓卓殷（最终为亚军）
- “读建筑系我嘅理想，但系选港姐系我嘅梦想。”
参考资料[编辑]